1 Petero 1:6 - EBBAIBBO EMBOOSI YA NASAAE EYIRIMO EBITABO BILAANGWA DEUTEROKANONIKO

⁶ Sangaale hulw'emboosi yino, kata neende mu siha sino mumalire ohunyoola ohusaandisibwaho neende ohwelalihiriraho ebiha bidiidi hulw'ebiteemo biingi ebyabakwaaho.

EBBAIBBO EMBOOSI YA NASAAE

⁶ Sangaale hulw'emboosi yino, kata neende mu siha sino mumalire ohunyoola ohusaandisibwaho neende ohwelalihiriraho ebiha bidiidi hulw'ebiteemo biingi ebyabakwaaho.

1 Petero 1:6 Iomraidhean Croise

Esabbuli 119:28

Esibeera sinjiita; ngobosemo amaani koti lu wasuubisa.

Esabbuli 119:75

Manyire endi ewe Omwaami, oheenga emisaango mubwadyeeri; haandi wasaandya olwohuba oli omweesikwa.

Esabbuli 34:19

Omuundu muluungifu abechaanga n'ebidinyu biingi muno; nae Omwaami amalaanga amuwonia mu bidinyu byae byoosi.

Esabbuli 35:10

Amakuumba kaange koosi kachia ohuboola kati, “Ewe Omwaami, abulao ohwekeraniaho, ewe onunula abakata ohutula mu mahono k'abo ababahira amaani, abakata neende ababula obuhoonyi obakayirira wabawonia abo abadaha ohubayaaya.”

Esabbuli 69:20

Amanyeko kamalire ohuumalamo omwooyo, sakira ndi mu kusinye. Ndakoonya ohungwiira esisa, nae haba sindabonaho oyo yeesi onyala ohuholera atyo; neende onandeemberese, nae haba sindanyoolaho onyala ohuhola atyo daawe.

Esabbuli 9:14

hu nyale ohwiichulisaanga efuma yao yoosi, mani ninyemere hu biruwa bya Siyooni njia ohwehoyera mu buwonia bwao.

Esabbuli 95:1

Mwiiche, mulehe hufumie Omwaami! Mulehe hweembere Nasaae neende esangaalo, oyo otukayirira!

Yisaaya 61:10

Esiko sya Yerusalemu siboola siti: “Njia ohusangaalira muno mu Omwaami, haandi njia ohwehoyera muno mu Nasaae waange.” Olwohuba yafwaasire neende ebyefwaalo by'obuwonia, mani yambwiiha neende ekaanju ly'obuluungifu, koti oyo odehiisye omweeya lu yefwaala, haandi koti omweeya yesyaaya emigasa king'enaang'ena.

Yisaaya 61:3

Ohuberesa abo abalirira mu Siyooni, esangaalo neende ohweehoya ataali amanyoolero, olweembo lufumia ataali ohwelalihirira. Bachia ohubechaanga koti emisaala ki Omwaami mweene yataaka. Bosi bachia ohuholaanga ebihoyera, Mani Omwaami anyale ohufumisibwa hu biindu byaaba naaholere.

Matayo 11:28

Mwiiche yi ndi, eng'we mweesi abajoong'ere haandi abasidoyerwa, mani njia ohubawuluusa.

Matayo 26:37

Niyamala atyo, yabukula Petero neende abaana ba Sebbedaayo babiri mani yaachia nabo. Engisa yamudiira muno, yaaba neende esibeera siingi.

Matayo 5:12

Mweehoye, musangaale olwohuba omukabo kweeng'we Muukulu muhoongo muno: olwo nilwo nasilala lubasaandya abanabbi bahale.

Luka 1:47

haandi omwooyo kwaange kwehoyera mu Nasaae Omuwonia waange,

Luka 10:20

Nae kata katyo, mutasangaala olwohuba ebihyeeno bibaulira; nae musangaale olwohuba ameeta keeng'we kandiikwa Muukulu.”

Luka 2:10

Nae malaika yababoolera ati, “Mutaba neende ohutya; olwohuba bone, mbaleetera emboosi ndai ch'esangaalo liingi, elicha ohuba hu baandu boosi;

Yowaana 16:22

Mani sakira eng'we muli neende esibeera esiha sino, nae ndahababone haandi mani emyooyo kyeeng'we kisangaale, abuleo omuundu yeesi onyala ohubatusaho esangaalo lyeeng'we elyo.

Yowaana 16:33

Mbabooleere ebyo, hu munyale ohuba neende omuleembe ohuumbitiramo. Hu syaalo huno muchia ohuba neende ebidinyu; nae mugume, ese malire ohuyiingira esyaalo.”

Ebiholwa 14:22

nibadinyia emyooyo ky'abeeki balichiingi mu biko bihuluundu ebyo, nibabagumia bati bemeede ohuhula mu fukiirira, haandi nibaboola bati huhoyere ohubitira mu husaanda ohuungi muno hu hweemeo hunyale ohwiingira mu Bwaami bwa Nasaae.

Abarooma 12:12

Lehe esuubi lyeeng'we libabeerese esangaalo, mube abaandu beesimiirisa mu bidinyu byeeng'we, haandi mwekongooyeenge buli siha.

Abarooma 5:11

Nae esyo sinisyo syoong'ene daawe; huli abasangaafu hulw'ebyo bi Nasaae yatuholera ohubitira mu Omwaami weefwe Yesu Kristo, oyo owatuhola hwaaba abeecha ba Nasaae.

Abarooma 5:2

Ohubitira mu fukiirira, Omwaami weefwe Yesu Kristo yatuleeta hwaaba mu mbabaasi cha Nasaae sino si hulimo bulaanu.

Abarooma 9:2

Mboola endi, ndi omwelalihirifu muno, haandi obuchuuni bwaange bwomu mwooyo sibwaakama daawe,

2 Abakoriito 4:17

Olwohuba obuchuuni budiidi obw'esiha sidiidi sino, buli ohututekehera obusito buungi obw'oluyaali lutaakama olutahakeraanisibwaho hu siindu syoosi,

2 Abakoriito 6:10

koti abelalihirifu, nae abasangaafu esiha syoosi; koti abamanani, nae nihuhola abaangi ohuyiindiyala; koti abataali neende esiindu syoosi, nihaandi huli neende buli siindu syoosi.

Abagalatia 5:22

Nae esyaamo sya Mwooyo, ni ebiindu koti, obuheeri, esangaalo, omuleembe, ohwesimiirisa, esisa, obulai, obweesikwa,

Abafilipi 2:26

Yekoomba muno ohubabona mweesi, haandi yachunisibwa muno mu mwooyo ohuwulira ati mwamanya n'alwaala.

Abafilipi 3:3

Olwohuba efwe niifwe ohuhebwa hwadyeeri, abeenamira Nasaae mu mwooyo, haandi abeninisirya mu Kristo Yesu, haandi abateesikaho emiholo kidiirana hu mubiri kata nabudiidi.

Abafilipi 4:4

Sangaalireenge mu Omwaami ebiha byoosi; haandi mboola endi Sangaaleenge.

1 Abatesalonika 1:6

Mwabonera hweefwe neende hu Omwaami; mani kata nimwasaanda muno mutyo, mwaakaanira sa emboosi eyo neende esangaalo litula eyiri Mwooyo Mwoolerefu.

Yakobbo 1:2

Basyaange, ebidinyu bya buli ngeri nibibakwaaho, mweeyireenge muti muli ab'ehabi.

Yakobbo 1:9

Abakristo bamanani bahoyere ohwehoyanga Nasaae n'abaniinia aakulu,

Yakobbo 4:9

Mweyendeherere neende esibeera mani mulire; ohucheha hweeng'we hweehole ohulira, haandi esangaalo lyeeng'we lyeehole ohwewunamira!

1 Petero 3:17

Olwohuba silai ohusaanda hulw'ohuhola esiindu silai nihuba huli ohudaha hwa Nasaae, ohuhira ohusaanda hulw'ohuhola esiindu sibi.

1 Petero 4:7

Enjakamo y'ebiindu byoosi yisudire aambi. Sakira mube mwaaywe, abeetuka abeene, mani munyale ohusaba.

1 Petero 5:10

Nae nimumalire ohusaandaho budiidi, Nasaae ow'embabaasi choosi, owabalaanga ati mukabaneho hu luyaali lw'endaalo choosi mu Kristo, niye ochia ohubaberesa amaani mube abomiifu mu fukiirira.

1 Samueli 2:1

Hana yasaba ati: “Omwaami yechuuse omwooyo kwaange esangaalo; ndi omusangaafu muno hulw'ebiindu bi yaholeere! Syesi njeheho abasuku baange; nga ndi omusangaafu koti lu Nasaae yahoonyere!