1 Petero 1:5 - EBBAIBBO EMBOOSI YA NASAAE EYIRIMO EBITABO BILAANGWA DEUTEROKANONIKO

⁵ Hulw'ohufukiirira hweeng'we Nasaae abaliinda neende obunyala bwae, haandi achia ohubawonia hu ludaalo lw'enjakamo, lu yatekeha ohubaonisiryaho.

EBBAIBBO EMBOOSI YA NASAAE

⁵ Hulw'ohufukiirira hweeng'we Nasaae abaliinda neende obunyala bwae, haandi achia ohubawonia hu ludaalo lw'enjakamo, lu yatekeha ohubaonisiryaho.

1 Petero 1:5 Iomraidhean Croise

Yobbu 19:25

Olwohuba ese manyire endi Omununuli waange aluwo, haandi achia ohweema hu syaalo;

Esabbuli 37:28

Olwohuba Omwaami adaha ab'obwadyeeri; haandi haba saachia hujwaanga abamwesika. Omwaami aliindaanga abakololofu endaalo choosi, nae abaana b'abahola-mbi bachia ohusihiriswa.

Engaado 2:8

anyale ohuliindaanga obwadyeeri haandi ohulehaangao abo abahola bi adaha.

Yisaaya 45:17

Nae Omwaami niye owahawonie Yisiraeli neende obuwonia butaakama. Eng'we Abaisiraeli, esoni haba sichahabadiire kata sa mwateng'eng'ala daawe endaalo ch'obulamu bweeng'we choosi.

Yisaaya 51:6

Tingaale aakulu hu kulu, haandi tingaale aasi, hu syaalo. Olwohuba ekulu lichia ohuhamyuuhao koti omwoosi, haandi esyaalo syahakofule koti engubo, mani abayimenyamo nilwo lu bahafwe batyo koti embeba. Nae obuwonia bwaange bulidoong'ao endaalo choosi, haandi obununusi bwaange haba sibwahakame daawe.

Yisaaya 54:17

Nae sibulao esilwaaniso sibahetaanye ohulwaania esyahabe neende ehabi, haandi buli owahawose naawe omusaango, kwahamuhire. Njia ohukayirira abahalaabani baange, haandi njia ohukera bayiingire.” Omwaami nilwo lu aboola.

Yisaaya 66:22

“Mani koti ekulu yaaha neende esyaalo siyaaha bi ndahaloonge byahayiindire mu moni waange, lwosi nilwo lu lwiibulo neende eliita lyaange byahayiindire.” Omwaami nilwo lu aboola.

Yeremia 23:4

Njia ohudoola abeemirisi abanaabadeebeengeho, mani bahayeenge ohutya neende ohweyendehereraanga haandi, mani abuleo onyala ohukota daawe. Ese Omwaami, Niise oboola.”

Yeremia 32:40

Njia ohuhola nabo Endagaano y'endaalo choosi, mani haba sindahahaye ohubaholera obulai. Njia ohubaberesa omwooyo kw'ohunjisamo oluyaali, mani bahayeenge ohuundulaho.

Yowaana 12:48

Oyo yeesi owuundekaana mani yaahaya ohufukiirira emboosi chaange ali neende owumuheengera omusaango. Emboosi chi ndalomaloma nicho echichia ohumuheengera omusaango hu ludaalo lw'enjakamo.

Yowaana 17:15

Ese haba siindi ohuhusaba endi obatuse mu syaalo muno, nae endi obawonie ohutula hu musuku Sitaani.

Yowaana 4:14

nae buli muundu ong'wa hu maachi ka njia ohumuberesa, haba siyahalumwe obuluwo daawe; olwohuba amaachi ka njia ohumuberesa, kachia ohumweeholamo omwaalo kw'amaachi malamu, mani kamuberese obulamu butaakama.”

Yowaana 5:24

Mbaboolera obwadyeeri bweene endi, oyo owulira emboosi chaange mani yafukiirira oyo owaanduma, ali neende obulamu butaakama; haba saachia huheengerwa omusaango, aba atulire mu hufwa, mani yoola mu bulamu.

Abarooma 11:20

Esyo syadyeeri. Kahalakwaho olwohuba sikali nikafukiirira, nae eng'we mudoong'a mu bweyaango obwo olwohuba mufukiirira. Nae esyo sitakera mwefumia; ohutusaho, mube abatiiririrwa.

Abarooma 8:18

Mbona endi, ohusaanda hweefwe hw'esiha sino, haba sihunyala ohukeraanisibwa daawe neende oluyaali lu huchia ohweekeswa.

1 Abakoriito 1:21

Olwohuba Nasaae mu makesi kae yakayira abaandu ohumumanya ohubitira mu makesi kaabwe. Nae, syasaangaasa Nasaae ohubona mbwe ohubitira mu busiru bw'ebiindu bi huyaala bino, nga lu baandi babaasa, abo abafukiirira banyala baonisibwa.

2 Abakoriito 1:24

Ataali mbwe hwadaha ohubadwiiha sa ohuhema efukiirira yeeng'we; olwohuba huholeraanga alala naang'we hulw'esangaalo lyeeng'we, olwohuba mwomiira mu fukiirira yeeng'we.

Abagalatia 2:20

Mani obulamu bu ndi nabwo, haba sibwaange-hu-bwaange, ohutusaho Kristo niye omulamu mweese. Mani obulamu bu ndi nabwo bulaanu, ndi nabwo hulw'ohufukiirira mu Omwaana wa Nasaae, owandaha mani yeyaanayo obulamu bwae hulwaange.

Abaefeso 2:8

Olwohuba ohubitira mu mbabaasi, mwaonisirwa ohubitira muhufukiirira; haandi sino haba sisyali esiholwa syeeng'we abeene, nae syali esiyaanwa sya Nasaae

Abaefeso 3:17

Haandi mbwe, Kristo anyale ohumenya mu myooyo kyeeng'we ohubitira mu fukiirira; mbwe eng'we, nimuba nimumalire ohuwaanda neende ohwomiiswa mu buheeri,

Abafilipi 1:6

Sakira manyire neende omwomiifu endi, Nasaae wachaakisa omulimo mulai mweeng'we, achia ohwemeeda nakwo ohwoola lwaalikumaliirisira hu ludaalo lwa Kristo Yesu.

Abafilipi 4:7

Mani omuleembe kwa Nasaae, okuhira ohumanya hw'abaandu hwoosi, kunyale ohuliinda emyooyo kyeeng'we alala neende ebibaaso byeeng'we mu Kristo Yesu.

2 Timoteo 3:15

haandi wichulisa oti ohutula mubuyere bwao, wali niwamanya ebyandiiko byoolerefu, ebinyala ohuhuberesa amakesi kanyala ohuhwoosa hu buwonia ohubitira muhufukiirira Kristo Yesu.

Tito 2:13

nihuliindiriire Oludaalo lwoolerefu lu husuubira, lu luyaali luhoongo lwa Nasaae weefwe neende Omuwonia Yesu Kristo lwahabonehereho.

Abaibburania 6:12

Haba sihudaha eng'we mweehole abakata, nae mube koti abaandu bafukiirira haandi abomiifu mu myooyo, hu munyale ohunyoola esiindu si Nasaae yasuubisa.

Abaibburania 9:28

Mu ngeri nasilala eyo, Kristo yesi yawaanwayo ehabi lala ly'ong'ene koti esiyaanwa simalao ebyonoono by'abaandu baangi. Haandi achia ohubonehana ehabi lyohubiri. Haba siyaheeche ohulwaania esyonoono haandi, nae yaheecha ohuwonia sa abo abamuliindiriire.

1 Petero 1:13

Sakira lehe ebibaaso byeeng'we bibe ebyeetekefu ohuhola. Mube mwaaywe, haandi mute esuubi lyeeng'we lyoosi hu mbabaasi chi muchia ohunyoola hu ludaalo lu Yesu Kristo achia ohweyekesera elalira.

1 Petero 4:13

Ohutusaho sangaale muti muli ohukabanaho neende Kristo mu husaanda hwae, hu munyale ohwichula esangaalo mu myooyo kyeeng'we luunyuma lw'oluyaali lwae ohweyekesa.

1 Petero 5:1

Bulaanu koti ese syeesi ndi omwaayi muhuluundu w'omukaanda kw'abafukiiriri, haandi koti omuundu owabona ohusaanda hu Kristo yali nahwo, haandi koti omuundu yeesi ochia ohukabana hu luyaali luchia ohuboneha, hubbira omulaanga eyiri abeemeresi b'emikaanda ch'abafukiiriri abali mweeng'we.

2 Petero 1:3

Obunyala bwa Nasaae nibwo obwatuberesa buli siindu syoosi si hwekoomba esiri mu bulamu bw'ohwiisa oluyaali mu Nasaae. Olwohuba humanyire oyo owatulaanga ohukabana hu luyaali neende mu bulai bwae.

1 Yowaana 3:2

Basyaange baheerwa, bulaanu huli abaana ba Nasaae, nae sihwahabe sisisiiri ohumanyihana, nae humanyire huti, Kristo niyahabonehe huchia ohuba koti lwaali, olwohuba hwahamubone koti lwaali.

Yuda 1:1

Ese Yuda, omuhalaabani wa Yesu Kristo haandi mwanaang'ina Yakobbo, nyandiika ebbarwa yino ohuchiira abaandu ba Nasaae yalaanga abali mu buheeri bwa Nasaae Seefwe, neende mu huliindwa hwa Yesu Kristo.

Yuda 1:24

Oluyaali lube eyiri oyo onyala ohubaliinda mwaahaya ohukwa, haandi onyala ohuboosa neende esangaalo mu moni wae ow'Oluyaali nimutaaliho esyonoono.

1 Samueli 2:9

“Akayiriraanga obulamu bw'abaandu bamweesika, nae abonooni bahamyuuhira mu siirima; omuundu haba s'ayiingiraanga hulw'amaani kae keene.