1 Petero 1:4 - EBBAIBBO EMBOOSI YA NASAAE EYIRIMO EBITABO BILAANGWA DEUTEROKANONIKO

⁴ ely'ohunyoola ebilai bitaakama, bi Nasaae yabiihira abaandu bae. Yababiihira Muukulu, yi bitanyala hubola, oba ohunyaasiha oba ohufwiiririra.

EBBAIBBO EMBOOSI YA NASAAE

⁴ ely'ohunyoola ebilai bitaakama, bi Nasaae yabiihira abaandu bae. Yababiihira Muukulu, yi bitanyala hubola, oba ohunyaasiha oba ohufwiiririra.

1 Petero 1:4 Iomraidhean Croise

Esabbuli 31:19

Ewe Omwaami, obulai bwao buungi muno, buwabiihira abo abahwiisamo oluyaali, neende ebiindu by'oholera abahweesika, buli muundu abibona!

Esabbuli 47:4

Yatulobolera ebyaalo by'ohumenyamo, omwehoyo kwa Yakobbo yi Nasaae yaheera.

Yisaaya 66:22

“Mani koti ekulu yaaha neende esyaalo siyaaha bi ndahaloonge byahayiindire mu moni waange, lwosi nilwo lu lwiibulo neende eliita lyaange byahayiindire.” Omwaami nilwo lu aboola.

Esekeeli 47:12

Hu genya lw'omwaalo okwo, olwaande-n'olwaande, hwahamereho emisaala kya buli ngeri, ekyaamaho ebyaamo biriibwa. Amasaafu k'emisaala ekyo haba sikyahahoohe daawe, haandi sikyahaakameho ohwaamaho ebyaamo. Buli mwoosi, kyahaameengeho ebyaamo biyaaha, olwohuba amaachi kaking'weesa kahulukusaanga nikatula Abuundu Woolerefu. Ebyaamo byakyo byahabe ebyohulya, haandi amasaafu kaakyo kahabe amalesi kawonia.”

Matayo 25:34

Mani omutuki oyo achia ohuboolera abo abali hu muhono kwae muluungi ati, ‘Eng'we ba Laata yaange yaberesa ehabi, mwiiche mubukaane obwaami bubabatekehera ohutula ohuloongwa hw'esyaalo;

Mariko 10:17

Mani Yesu niyali hwaatula ohuchaaka olukeendo lwae ati, omusaacha wuundi yeecha yaali niyeeruha mani yaasigama mu moni wae yaamuteeba ati, “Omweekesa mulai ewe, siina syeene si hoyeere ohuhola hu nyemeo nyoole obulamu butaakama?”

Ebiholwa 20:32

Nae bulaanu ese mbalehera Nasaae mweene alala neende emboosi ya embabaasi chae, eyiri neende obunyala bw'ohuboombaha haandi neende obwohubaberesa omukabo kw'abo boosi abali mweeng'we abanyala ohulasibwa.

Ebiholwa 26:18

Wahabaliimbusa emoni chaabwe, hu banyale ohukaluuhana ohutula mu siirima ohuchia mu bulafu, haandi ohutula mu maani ka Sitaani, ohuchia eyiri Nasaae, hu banyale ohunyoola ohuleherwamo hw'ebyonoono byaabwe, neende obweyaango bwaabwe mu baandu ba Nasaae yadoola.’

Abarooma 8:17

Mani koti lu huli abaana ba Nasaae, huchia ohunyoola ehabi chiyabiihira abaandu bae, mani fwesi huchia ohunyoola alala neende Kristo, esyo si Nasaae yamubiihira. Olwohuba efwe nihukabana hu husaanda hwa Kristo, ao fwesi huchia ohukabana hu luyaali lwae.

1 Abakoriito 9:25

Buli mwiiruhi w'embiro yefwiirisa mu biindu biingi. Bahola batyo, hu banyale ohunyoola esisiimo sinyaasiha lwaangu, nae efwe hulwaanilira omukabo kutahanyaasiha.

Abagalatia 3:18

Olwohuba nikali mbwe esiyaanwa esyo syeema hu Malako ka Musa, mani sisiba nisisyeema hu sisuubise syae. Nae Nasaae yasiba Abburahamu ohweema hu sisuubise syae.

Abaefeso 1:11

Ebiindu byoosi biholwaanga ohweema hu ndekeha neende eheengao ya Nasaae; haandi Nasaae yatudoola ohuba abaandu bae beene mu bulala neende Kristo ohweema hu sichiriirirwa syae, ohweema hu ndekeha yae.

Abaefeso 1:14

oli esyomiisira elalira esuubi ly'ohunyoola obusiha bweefwe, ohwoola lu hulinyalira ohubunyoolera elalira, hulwohufumia oluyaali lwae.

Abaefeso 1:18

emoni ch'emyooyo kyeeng'we nichimalire ohwaamuuha, hu munyale ohumanya esuubi lihoyere lyeene li yabalaangira, neende engaanga yeene koti lu yiri ey'obusiha bw'oluyaali obuli mu boolerefu,

Abakolosaayi 1:12

nimweebasaanga Seefwe, owanyala ohutuhola abahoyera ohukabana hu mukabo kw'aboolerefu mu bulafu.

Abakolosaayi 1:5

ohweema hu sisuubise syababiihirwa Muukulu. Mwamala ohuwulira hu syeene sino mu mboosi y'obwadyeeri, Emboosi Ndai

Abakolosaayi 3:24

nimumanyire muti Omwaami niye ochia ohubakaba omukabo kweeng'we koti omusaara; Olwohuba muli ohuhalaabanira Omwaami Kristo.

2 Timoteo 4:8

Mani bulaanu esirabo sy'obuluungifu siniindire, si Omwaami, omuheengi w'emisaango w'obwadyeeri, achia ohundiisa hu Ludaalo olwo haandi haba si ese syeng'ene, nae achia ohudiisa abo boosi abaliindiriire neende obuheeri ohwiicha hwae.

Abaibburania 10:34

Mwakwiira abaandu bali mu jeela esisa, haandi nibabang'uula ebiindu byeeng'we mwesimiirisira ebidinyu ebyo neende esangaalo, olwohuba mwali mwamanya muti, mwali nimusisiiri neende esiindu silai sihirao, esiyiindira emyaaka choosi.

Abaibburania 9:15

Hulw'esifune sino, Yesu niye oleeta endekeha y'Endagaano Njaaha, mani abo ba Nasaae yalaanga banyale ohunyoola ehabi yi Nasaae yasuubisa. Sino sinyalihana olwohuba yamala ohubaao ohufwa hununula abaandu ohutula hu bibi bi bahola, nibasisiiri mu Ndagaano lyataangira.

Yakobbo 1:11

Olwohuba elyuuba nilitula neende obumemu bwalyo busimamula syooma; ebimuli byaahwo bikwa, mani obulai bwasyo bwaawa. Mu ngeri nasilala eyo nilwo lu bayiinda bachia ohusihiriswa nibasisiiri mu bunyahani bwaabwe.

1 Petero 3:9

Mutatuungaanga esibi neende esibi, oba ohubwaaba neende ohubwaaba; ohutusaho, tuungeenge neende ehabi choong'ene olwohuba ehabi nicho chi Nasaae yasuubisa ohubaberesa niyali n'abalaanga.

1 Petero 5:4

Mani Omwaayi muhuluundu niyahabonehe muchia ohunyoola ekofia y'obutuki y'oluyaali eyitafwiirira.

Ohubwiihulirwa 21:27

Nae sibulao esiindu syoosi esiriho obubi bwoosi esichia ohunyala ohwiingira mu siko esyo, kata sa neende omuundu yeesi omuholi w'ebiindu bidiisa, esoni oba omubacha yeesi. Ohutusaho abo boosi, ba meeta kaabwe kaandiikibwa mu sitabo sy'Ekoondi doto, esy'abaandu balamu, boong'ene nibo abachia ohunyala ohwiingira mu siko esyo.