1 Petero 1:3 - EBBAIBBO EMBOOSI YA NASAAE EYIRIMO EBITABO BILAANGWA DEUTEROKANONIKO

³ Lehe hweebase Nasaae haandi Laatang'ene Omwaami weefwe, Yesu Kristo. Ohweema hu sisa syae sibitiirifu, yakera hwebulwa mu bulamu buyaaha, niyasyuuhisa Yesu Kristo ohutula mu bafu. Mani yaatuberesa esuubi lamu mu myooyo kyeefwe,

EBBAIBBO EMBOOSI YA NASAAE

³ Lehe hweebase Nasaae haandi Laatang'ene Omwaami weefwe, Yesu Kristo. Ohweema hu sisa syae sibitiirifu, yakera hwebulwa mu bulamu buyaaha, niyasyuuhisa Yesu Kristo ohutula mu bafu. Mani yaatuberesa esuubi lamu mu myooyo kyeefwe,

1 Petero 1:3 Iomraidhean Croise

1 Abatuki 8:15

Yaboola ati, “Omwaami afumisibwe Nasaae wa Yisiraeli! Anyalire ohwooseresa esisuubise si yaholera Daudi Laata yaange, niyaboola ati,

1 Ebyomubiha 29:20

Daudi mani naalagira abaandu boosi ati “Fumie Omwaami Nasaae weeng'we!” Mani abaandu boosi abali nibebuusire ao nibafumia Omwaami, Nasaae wa bakuuka yaabwe. Baguunama aasi mani nibeesa mu Omwaami oluyaali, haandi neende mu omutuki.

2 Ebyomubiha 31:8

Omutuki Hesekia neende abahoongo bae nibabona obuungi bw'ebiindu byali nibileeterwe, bapaaka Omwaami haandi bapaaka neende abaandu bae ba Yisiraeli.

Esabbuli 41:13

Omwaami, Nasaae wa Yisiraeli, afumisibwe, ohutula endaalo choosi ohwoola endaalo choosi! Amiina, haandi Amiina!

Esabbuli 86:15

Nae Ewe Omwaami, niiwe Nasaae ow'esisa haandi osaasira, ohiinda ohunyoolera, owiichule ohudaha hutaakamo neende obweesikwa.

Esabbuli 86:5

Ewe Omwaami, oli omulai haandi okwiira esisa, oli ow'obuheeri buungi eyiri abo abahusaba.

Ohutula 34:6

Omwaami yabita mu moni wae, mani yaalaangirisa ati, “Ese Omwaami, ndi Nasaae, owechula esyoonda neende esisa, oyo otanyooleswa bwaangu, haandi oyo oweekesaanga obuheeri bubitiirifu neende obweesikwa.

Yisaaya 26:19

Abaandu bafwa bahakobolemo obulamu, emibiri kyaabwe kyahasyuuhe. Eng'we mweesi abachia emakoombe, siingire mani mweembe hulw'esangaalo! Koti olume ludoonya mani lwaanyisa eloba, nilwo lu ewe Omwaami wahakaluse obulamu mu baandu bao bafwa.

Yona 4:2

Mani Yona yasaaba Omwaami n'aboola ati, “Husaba, Omwaami sino haba sinisyo si ndaboola nisisiiri mu syaalo syaange! Sino nisyo esyakera ninjiruhira Tarisiisi; olwohuba ndamanya endi, ewe oli Nasaae w'esisa haandi oleheramo, otaanguya ohunyoolera haandi oweechulamo obuheeri, oweefunaka mani yaahaya ohusaandya.

Yowaana 1:13

Beehola abaana ba Nasaae mu ngeri eyitaali eya buli ludaalo, abo abateebulwa neende amabaanga, kata neende mu bunyala bw'omubiri, oba ohudaha hw'omuundu, nae hulw'obunyala bwa Nasaae.

Abarooma 12:12

Lehe esuubi lyeeng'we libabeerese esangaalo, mube abaandu beesimiirisa mu bidinyu byeeng'we, haandi mwekongooyeenge buli siha.

Abarooma 15:13

Lehe Nasaae yi suubi litulamo, abechuse neende esangaalo lyoosi neende omuleembe ohubitira mu humufukiiriramo hweeng'we, hu suubi lyeeng'we linyale ohwemeeda ohuhula hulw'amaani ka Mwooyo Mwoolerefu.

Abarooma 4:25

Ebyonoono byeefwe nibyo ebyakera Yesu yaayaanwayo afwe, mani yasyuuhiswa hwaanyale ohutuhola abaluungifu neende Nasaae.

Abarooma 5:10

Hale hwalichiingi abasuku ba Nasaae, nae Nasaae yatuhola hwaaba abeecha bae ohubitira mu hufwa hw'Omwaana wae. Koti lu huli abeecha ba Nasaae, bulaanu obulamu bwa Kristo bucha ohutuwonisira elalira.

Abarooma 8:11

Oba Mwooyo wa Nasaae, owasyuuhisa Yesu ohutula mu bafu ali mweeng'we, Nasaae oyo owasyuuhisa Yesu ohutula mu bafu, achia ohuberesa emibiri kyeeng'we chifwa obulamu ohweema hu Mwooyo obalimo.

Abarooma 8:24

Olwohuba esuubi nilyo elyakera hwawonisibwa; nae nihubona bi husuubira, bulaanu elyo haba siriba esuubi lyeene. Olwohuba wiina mweene hweefwe osuubiraanga esiindu sy'abona?

1 Abakoriito 13:13

Sakira efukiirira, esuubi, obuheeri bidoong'a bidatu bityo; nae esihiramo obuhunuufu mu bino byoosi nisyo obuheeri.

1 Abakoriito 15:20

Nae mubwadyeeri bweene, Kristo yasyuuhisibwa ohutula mu bafu, ohuba ebyaamo bitaangira eby'abo abamala ohufwa.

2 Abakoriito 1:3

Abereswe oluyaali Nasaae haandi laatang'ene Omwaami weefwe Yesu Kristo, Nasaae w'esisa siingi haandi Nasaae omulemisi w'emyooyo kyoosi,

Abagalatia 6:16

Omuleembe neende embabaasi bibe hu abo boosi abakeendera mu lako lino, neende eyiri Yisiraeli yoosi eya Nasaae.

Abaefeso 1:17

endi Nasaae w'Omwaami weefwe Yesu Kristo, Seefwe w'oluyaali, anyale ohubaberesa omwooyo w'amakesi, neende owohwiikulirwao mu humumanya hwae,

Abaefeso 1:3

Hweebase muno Nasaae haandi Laatang'ene Omwaami weefwe Yesu Kristo! Olwohuba ohubitira mu bulala bweefwe neende Kristo, yatuberesa ehabi, natuberesa ehabi cha buli ngeri echa Mwooyo chiri mu syaalo syo Muukulu.

Abaefeso 1:7

Mu mweene oyo nimwo mu huli neende ohununulibwa ohubitira mu mabaanga kae, ohuleherwa ohw'ebyonoono byeefwe, ohweema hu buungi bw'embabaasi chae

Abaefeso 2:4

Nae Nasaae, oli neende esisa sibitiirifu ohutulana hu buheeri buhunuufu bu yatuheereramo,

Abaefeso 3:20

Bulaanu eyiri oyo yi hubitira mu maani kali ohutuholeramo, anyala ohutuholera ebiindu bibitiirifu muno ohuhirira elalira neende ohumusaba oba ohubaasaho,

Abakolosaayi 1:23

nikali mbwe muchia ohuchiiririra nimuli neende efukiirira, ohuba ab'amaani haandi abomiifu, nimutakaluuhana ohutula hu suubi ly'Emboosi Ndai yi mwawulira, eyamala ohuyaalirwa buli siloonge syoosi esiri aasi w'Ekulu, haandi eyeene eyo yi ese Paulo mweene ndeehola ohuba omuhalaabani wayo.

Abakolosaayi 1:27

Eyiri abeene abo Nasaae yaheengao ohukera bamanye obuhunuufu yi bwaaka obuli mu Abateende engaanga y'oluyaali lw'esyaama sino, esiri nisyo Kristo oli mweeng'we, esuubi ly'oluyaali luhoongo muno.

1 Abatesalonika 1:3

Hwiichulisaanga mu moni wa Nasaae weefwe haandi Seefwe koti muta efukiirira yeeng'we mu biholwa, haandi koti obuheeri bweeng'we bukera nimuhalaabana neende amaani, haandi koti esuubi lyeeng'we mu Omwaami weefwe Yesu Kristo liri elyomiifu.

1 Abatesalonika 4:13

Baasyeefwe, hudaha mumanye obwadyeeri budiira hu bafu, mani muhaye ohwewunamiraanga koti abaandu babula esuubi.

2 Abatesalonika 2:16

Lehe Omwaami weefwe Yesu Kristo omweene-no-mweene, alala neende Nasaae Seefwe, owatuheera haandi mu mbabaasi chae yatuberesa obwomiifu butaakama neende esuubi lai,

1 Timoteo 1:14

Mani Omwaami weefwe yanjuhira embabaasi nyiingi muno alala neende efukiirira neende obuheeri ebiri ebyeefwe mu Kristo Yesu.

Tito 2:13

nihuliindiriire Oludaalo lwoolerefu lu husuubira, lu luyaali luhoongo lwa Nasaae weefwe neende Omuwonia Yesu Kristo lwahabonehereho.

Abaibburania 3:6

Nae Kristo mweesikwa koti Omwaana wa Nasaae oliinda Enyuumba ya Nasaae. Huli enyuumba yae nihudoong'a buli ludaalo nihuli abagumu, haandi nihuli abomiifu mu siindu si husuubiramo.

Yakobbo 1:18

Ohweema hu hudaha hwae omweene, yatwiibula haandi n'abitira mu mboosi yadyeeri, hu hunyale ohuba ebyaamo bitaangira mu biloonge byae byoosi.

1 Petero 1:13

Sakira lehe ebibaaso byeeng'we bibe ebyeetekefu ohuhola. Mube mwaaywe, haandi mute esuubi lyeeng'we lyoosi hu mbabaasi chi muchia ohunyoola hu ludaalo lu Yesu Kristo achia ohweyekesera elalira.

1 Petero 1:21

Ohubitira mu Kristo, mufukiirira Nasaae wamusyuuhisa ohutula mu bafu, mani yaamuberesa oluyaali, haandi okera efukiirira yeeng'we neende esuubi lyeeng'we byaaba nibyomiirira hu Nasaae.

1 Petero 1:23

Olwohuba bulaanu mweebulwa ehabi lyohubiri, ataali ohweema hu lumwo lufwa, nae ohweema hu lumwo lutafwa, ohweema hu Mboosi ya Nasaae mulamu, haandi oyiindira endaalo choosi.

1 Petero 2:2

Mube koti abaana bayere baheebulwa sa, abawulira obuluwo bw'amabeere moolerefu k'omwooyo, mani nimukang'wa muchia ohuhula munyoole obuwonia.

1 Petero 3:15

Nae mu myooyo kyeeng'we, mwiseenge oluyaali mu Kristo koti Omwaami. Esiha syoosi becheenge abeetekefu ohukobola mu muundu obalaanga ohulomaloma hu suubi limuli nalyo.

1 Petero 3:21

Haandi amaachi ako kali ahalolero aheekesa ohubatiisibwa ohubawoniaanga bulaanu. Haba sihuli ohwoosa hw'erwaanyi hw'ehwe lyohumubiri, nae nihwo esisuubise si huhola eyiri Nasaae mu mwooyo mulai. Huno huhuwonia ohubitira mu husyuuha hwa Kristo Yesu,

1 Petero 3:5

Olwohuba yino niyo engira yi bahasi boolerefu, abeesikaanga Nasaae mu ndaalo chabita baholaanga hu bulamu bwaabwe bwaaba obulai, haandi bawuliraanga abasaacha baabwe.

1 Yowaana 2:29

Mumanyire muti, Kristo muluungifu niye; sakira mumanyire muti omuundu yeesi ohola ebiluungifu aba ali omwaana wa Nasaae.

1 Yowaana 3:3

Omuundu yeesi oli neende esuubi lino mu Kristo ahoyere ohulabya obulamu bwae koti lu Kristo yalabya.

1 Yowaana 3:9

Abaana ba Nasaae haba sibahemeeda ohwonoona, olwohuba obulamu bwa Nasaae bweene bubalimo; haandi olwohuba Nasaae niye saabwe, haba sibanyala bemeeda ohuholaanga ebyonoono.

1 Yowaana 4:7

Basyaange baheerwa, lehe huheerane abeene-na-beene, olwohuba obuheeri butula eyiri Nasaae. Omuundu yeesi oli neende obuheeri aba ali omwaana wa Nasaae haandi omanyire Nasaae.

1 Yowaana 5:1

Omuundu yeesi ofukiirira ati Yesu niye Kristo, oyo aba ali omwaana wa Nasaae. Haandi omuundu oheera omwiibusi ahoyere ohuheera omwaana yeesi.

1 Yowaana 5:18

Humanyire huti, omwaana wa Nasaae haba siyemeeda ohwonoona, olwohuba Omwaana wa Nasaae amuliinda bulai, haandi omusuku Sitaani saanyala humuholaho esyonoono syoosi.

1 Yowaana 5:4

olwohuba buli mwaana wa Nasaae yeesi ayiingiraanga amaani k'esyaalo. Yino niyo engeri yihuyiingiriramo amaani kohu syaalo, huyiingira neende efukiirira yeefwe.