1 Petero 1:12 - EBBAIBBO EMBOOSI YA NASAAE EYIRIMO EBITABO BILAANGWA DEUTEROKANONIKO

¹² Nasaae yeekesa abanabbi bano ati haba sibehalaabanira abeene, nae bahalaabanira eng'we nibalomaloma hu bwadyeeri bu muwulira bulaanu. Bawamwaanda b'Emboosi Ndai abalomaloma neende obunyala bwa Mwooyo Mwoolerefu owatumwa ohutula Muukulu, nibo ababeekesa obwadyeeri buno. Buno nibwo obwadyeeri bu bamalaika bosi badaha ohumanya amahuluundu kaabwo.

EBBAIBBO EMBOOSI YA NASAAE

¹² Nasaae yeekesa abanabbi bano ati haba sibehalaabanira abeene, nae bahalaabanira eng'we nibalomaloma hu bwadyeeri bu muwulira bulaanu. Bawamwaanda b'Emboosi Ndai abalomaloma neende obunyala bwa Mwooyo Mwoolerefu owatumwa ohutula Muukulu, nibo ababeekesa obwadyeeri buno. Buno nibwo obwadyeeri bu bamalaika bosi badaha ohumanya amahuluundu kaabwo.

1 Petero 1:12 Iomraidhean Croise

Ohutula 25:20

Abakerubbi babiri bano bahoyere ohutingaalana nibihalakania esifuuniho esyo, nae embaya chibaambuuhe chabo chihoyere ohuba nichisifuuniihe.

Engaado 1:23

Tekerese ninjolobya; bone, njia ohubakerakira bulai; njia ohukera mumanye emboosi chaange.

Yisaaya 32:15

Nae ebiha byahoole mani Nasaae yahatuberese Mwooyo wae ohutula aakulu, mani esiparara syahehole eloba lai, mani obulai bw'endalo ndai byahabe koti obw'esichaha.

Yisaaya 53:1

Mani abaandu nibakobolamo bati, “Wiina mweene onyala ohufukiirira bi huwuliire bino? Haandi wiina mweene onyala ohufukiirira ati Omwaami niye oholere atyo?”

Yoeli 2:28

“Luunyuma lw'ebyo, njia ohukabira abaandu boosi Mwooyo waange; abaana beeng'we basyaani, neende abaana beeng'we bahaana, bahalaangirise ebiahakweeo. Haandi abaandu bakofu mweeng'we, bahaloote ebilooto, haandi abaraaga beeng'we bahaboneherwe.

Amosi 3:7

Mubwadyeeri bweene, sibulao esiindu si Omwaami Nasaae yahahola nataasifunulira mberi abahalaabani bae, abanabbi.

Sekaria 12:10

“Ese njia ohwiichusa abeechuhulu ba Daudi alala neende abaandu baandi ba Yerusalemu neende mwooyo w'esisa, haandi mwooyo w'ohulaamaanga. Bachia ohwewuunjaanga oyo yi bafumita yaafwa, mani bamulire koti abo abalira omwaana mudeerwa. Bachia ohulira ebilulu, koti abo abalira omwaana mudeerwa wa ng'ina, koti abo abafwiriirwe omwaana waamberi musyaani.

Matayo 11:25

Esiha esyo, Yesu yalomaloma n'aboola ati, “Ewe Laata, Omwaami w'Ekulu neende esyaalo, hweebasa muno olwohuba wakisa ebiindu bino ohutula hu bakesi neende abasomi, nae waabibwiihulira abaloonga.

Matayo 11:27

Laata yamala ohuumberesa ebiindu byoosi haandi abulao omuundu omanyire Omwaana ohutusaho Simwaana, haandi abulao omuundu omanyire Simwaana muundu ohutusaho Omwaana wae alala neende oyo yi mwaana aheengao ohumubwiihulira.

Matayo 16:17

Nae Yesu yamukobolamo ati, “Simooni mwaana wa Bbari-Yona, oli neende ehabi! Olwohuba obwadyeeri buno, soobunyoolere ohutula hu muundu sa, nae Laata oli Muukulu niye ohubwiihuliireo.

Mariko 16:15

Mani yababoolera ati, “Muchie mu syaalo syoosi, mani muyaale emboosi ndai ya Nasaae, eyiri ebiloonge byoosi.

Luka 15:10

Mbaboolera endi, mu ngeri nasilala yityo, niyo yi bamalaika ba Nasaae lubeehoyera omunooni mulala oweyolobya.”

Luka 2:26

Haandi yali yamala ohwekeswa neende Mwooyo Mwoolerefu ati, haba saachia hufwa n'ataabona Kristo wa Nasaae.

Luka 9:6

Basiingira bawaao, bachia babita mu ngoongo, nibayaala Emboosi Ndai neende ohuwonia abaandu buli abuundu woosi yibacha.

Yowaana 15:26

Nindahachie eyiri Laata, njia ohubatumira Omukeraki, niye Mwooyo w'obwadyeeri, otula mu Laata. Oyo niyaheechie, niye owaheekese ebindiiraho.

Ebiholwa 10:44

Petero niyali nasiilomalomaanga atyo, Mwooyo Mwoolerefu yeeha hu abo boosi abali nibawuliire emboosi echo.

Ebiholwa 16:10

Niyaba n'amalire ohubona ohuboneherwa ohwo, abweene ao hweecha hwachaaka ohudaha huti huchie mu Makedonia, nihwomiisire huti hane Nasaae yali n'atulaangire ohuchia ohubayaalira Emboosi Ndai.

Ebiholwa 2:33

Naamalire ohuniinisibwa yaaba hu muhono muluungi kwa Nasaae, haandi n'amalire ohubukaana Mwooyo Mwoolerefu yi Laatang'ene yalaka, achuhire sino si muli ohubona, haandi ohuwulira.

Ebiholwa 4:31

Nibali nibahamala ohulaama, abuundu ao yi bali nibebuusiire alala yeecha yateengereha; boosi beechusibwa Mwooyo Mwoolerefu mani balomaloma emboosi ya Nasaae neende obwomiifu.

Ebiholwa 4:8

Nae Petero, niyechuuswe Mwooyo Mwoolerefu, yakobolamo n'ababoolera ati, “Eng'we abatuki alala neende abahuluundu b'abaandu,

Ebiholwa 8:25

Bulaanu, nibali nibamalire ohutusa obuloli haandi neende ohulomaloma emboosi y'Omwaami, bakobola Yerusalemu, nibayaala Emboosi Ndai mu ngoongo nyiingi muno ech'abaandu Basamaria.

Abarooma 1:15

Sakira ndi neende obwekoombi ohuyaala Emboosi Ndai eyiri eng'we mwesi abali mu Rooma.

Abarooma 1:17

Olwohuba ohubitira mu Emboosi Ndai, obuluungifu bwa Nasaae bwaambwiihulirwa ohubitira muhufukiirira hwoong'ene. Koti lu byandiiko byoolerefu biboola biti, “Omuundu muluungifu yahabecheenge omulamu hulw'ohufukiirira.”

Abarooma 10:15

Haandi abaandu banayaale batye nibataayirirwe? Koti lu byandiiko byoolerefu biboola biti, “Ohwiicha hw'abaandu baleeta emboosi ndai nga hulai!”

Abarooma 15:19

ohubitira mu maani k'eby'amayia neende ebiwuukisa, haandi neende ohubitira mu maani ka Mwooyo wa Nasaae. Mani sakira mu hukeenda hwaange hwoosi ohutula elalira Yerusalemu ohwoola Yilirikomu, ndayaalira elalira mu bwiichufu Emboosi Ndai yidiira hu Kristo.

1 Abakoriito 2:10

Nae efwe Nasaae mweene yamala ohutubwiihulirao ohubitira mu Mwooyo. Olwohuba Mwooyo oyo ahosaanga buli siindu, kata ohwoolera elalira mu lwaalo wa Nasaae bweene.

2 Abakoriito 1:22

yamala ohututaaho esilolero syae neende ohutuberesa Mwooyo wae mu myooyo kyeefwe ohuba esyomiisa.

2 Abakoriito 6:6

ohubitira mu siroonyo, obumanyirifu, ohweliinda, esisa, Mwooyo Mwoolerefu, obuheeri bwadyeeri,

Abagalatia 1:12

Olwohuba haba sindayinyoola ohutula hu muundu yeesi, oba omuundu yayiinjekesa bweekesa. Nae Yesu Kristo mweene niye owayimbwiihulira.

Abagalatia 1:16

Mani niyaheengao ohumbwihulirao Omwaana wae hu nyale ohuyaala Emboosi Ndai yi mudiiraho, eyiri Abateende, haba sindachiaaho eyiri omuundu yeesi ohumweteebaho,

Abaefeso 3:10

Ohubitira mu mukaanda kw'abafukiiriri, amakesi maangi kakabuhaane aka Nasaae, kanyale bulaanu ohwekeswa kaamanyihana eyiri obunyala neende amaani Muukulu.

1 Abatesalonika 2:9

Baasyeefwe, mubwadyeeri bweene mwiichulisa koti lu hwahalaabanaanga haandi koti lu hwadidihanaanga! Hwahalaabanaanga esiro neende esideete hu huhaye ohuba omugugu musito yi muli nihwali nihubayaaliraanga Emboosi Ndai yitula eyiri Nasaae.

1 Timoteo 3:16

Ataali ohukana-kana hwoosi, esyaama sy'ediini yeefwe sihuluundu muno esiboola siti: Nasaae yeyekesa koti omuundu mweene, yomiisibwa neende Mwooyo Mwoolerefu, haandi malaika bamubona, yayaalibwa mu byaalo, yafukiirirwamo mu syaalo, yayiribwa Muukulu neende oluyaali.

Abaibburania 11:13

Abaandu bano boosi bafwiira mu fukiirira. Haba sibanyoola ebiindu bi Nasaae yali yasuubisa, nae bali nibabibonera eyale muno mani babyakaanira, mani bomiisira elalira bati, bali Abateende sa haandi abeyikami sa hu syaalo.

Abaibburania 2:4

Haandi Nasaae yesi yeecha yameeda ohwomiisa emboosi eyo naahola obulolero neende ebiwuukisa alala neende eby'amayia bitaali nasilala, haandi naakaba ebiyaanwa koti lu adaha ebiyaanwa bya Mwooyo Mwoolerefu.

Abaibburania 4:2

Olwohuba fwesi hwawulira Emboosi Ndai koti lu bosi bawulira. Bawulira emboosi, nae haba siyabahoonya, olwohuba nibayiwulira haba sibayaakanira neende efukiirira.

1 Petero 1:25

Nae Emboosi y'Omwaami, yidoong'awo sa endaalo choosi.” Emboosi yino niyo Emboosi Ndai eyabayaalirwa.

1 Petero 4:6

Sino nisyo esyakera bayaalira Emboosi Ndai eyiri abaandu bamala ohufwa bosi, kata neende nibahaheengerwa omusaango mu mubiri koti abaandu boosi, nae balamu mu mwooyo koti Nasaae.

Ohubwiihulirwa 5:11

Haandi ndalingaala, haandi ndawulira bamalaika, nibali mu buduhunyi! Boosi bali nibeemere nibebodoohaanie esisaala sy'obutuki, neende ebiloonge bilamu bine bira alala neende abahuluundu bala bosi,