1 Petero 1:11 - EBBAIBBO EMBOOSI YA NASAAE EYIRIMO EBITABO BILAANGWA DEUTEROKANONIKO

¹¹ Bakoonyeresa muno nibadaha ohumanya liina bweene lu Ludaalo luno lwahoolereho, haandi koti lu lwaheechere. Olwohuba Mwooyo wa Kristo obalimo yali yeekesa ohusaanda hu Kristo yali achia ohugumira, neende oluyaali lwahatulemo.

EBBAIBBO EMBOOSI YA NASAAE

¹¹ Bakoonyeresa muno nibadaha ohumanya liina bweene lu Ludaalo luno lwahoolereho, haandi koti lu lwaheechere. Olwohuba Mwooyo wa Kristo obalimo yali yeekesa ohusaanda hu Kristo yali achia ohugumira, neende oluyaali lwahatulemo.

1 Petero 1:11 Iomraidhean Croise

Ohuchaaka 3:15

Njia ohutaao obusuku akatikaati wao neende omuhasi, haandi akatikaati w'olwiibulo lwao neende olwae; achia ohuhusaasakulaanga omutwe, naawe ewe ochia ohumuboochaanga esisisiro.”

Ohuchaaka 49:10

Yuda niye ochia ohudiraanga endawusi y'obutuki, noomba endawusi y'abatuki ohutula mu makulu kae, ohwoola omweene butuki lu yaheechere; mani oyo niye yi baandu bahawulire.

Yisaaya 49:6

Mani Omwaami oyo yamboolera ati, “Haba sisihumala ewe ohuba omuhalaabani waange ohutaao oluyaali lw'abanaluyia ba Yakobbo neende ohukobosao Abaisiraeli bawonereo; haandi njia ohuhuhola ohuba obulafu bw'ebyaalo biindi, mani hu buwonia bwaange bunyale ohwoola hu njakamo y'esyaalo.”

Sekaria 13:7

Omwaami w'Obunyala bwoosi aboola ati, “Ewe simuha, ewe olugaanga mani oseete omwaayi oyo owunjairaanga! Mwiite, mani amakoondi kasalaane. Ese njia ohuseeta abaandu baange

Sekaria 14:9

Ao niwo yi Omwaami achia ohubeera omutuki wohu syaalo huno hwoosi; buli muundu achia ohumwiinamiraanga koti owiinamira Nasaae, mani bamumanye neende eliita nasilala elyo.

Matayo 26:24

Mani Omwaana w'Omuundu achia ohufwa koti lu byandiiko byoolerefu bi muboolaho, nae chiakaanire oyo ochia ohulya mu Omwaana w'Omuundu olukwe! Byahahirire omuundu oyo obuteebulwa!”

Luka 24:44

Yesu yababoolera ati, “Chino nicho emboosi chindababooleraanga nindali nisisiiri naang'we, endi buli siindu syoosi syanyandiikwaho mu malako ka Musa neende mu byandiiko by'abanabbi, alala neende mu Sabbuli ebyali ebyohwoolerera abweene.”

Yowaana 12:41

Yisaaya yaboola atyo, olwohuba yabona oluyaali lwa Yesu mani n'amulomalomaho.

Ebiholwa 16:7

Nibali nibamalire ohwoola mu moni wa Misiya, bateemaho ohuchia ohwiingira mu Bbitinia, nae Mwooyo wa Yesu haba siyabakanya daawe;

Abarooma 8:9

Nae eng'we, obulamu bweeng'we haba sibuloondakana neende bi mibiri kyeeng'we kidaha; nae obulamu bweeng'we buli koti lu Mwooyo adaha nibiri biti, Mwooyo wa Nasaae abalimo. Omuundu otaali neende Mwooyo wa Kristo mu bulamu bwae, oyo haba saaba ali owa Kristo.

Abagalatia 4:6

Mani olwohuba muli abaana bae, Nasaae yatuma Mwooyo w'Omwaana wae yeengire mu myooyo kyeefwe Olira ati “Laata! Laata!”

2 Petero 1:21

Olwohuba abulao omunabbi owali aholere omulimo kw'obunabbi niyedahiire omwene, nae abanabbi balomalomaanga ebitula eyiri Nasaae, Mwooyo Mwoolerefu n'abeeheremo.

Ohubwiihulirwa 19:10

Ndaakwa aasi mu makulu kae ohumwiinamira, nae yamboolera ati, “Otasihola daawe! Syesi ndi sa omuhalaabani wasyo, haandi syesi ndi omufukiiriri koti abafukiiriri basyaange, abo boosi abahayira hu bwadyeeri bu Yesu yeekesa. Yinamirenge Nasaae!” Olwohuba obwadyeeri bu Yesu yeekesa nibwo ohugumya abanabbi.