1 Petero 1:1 - EBBAIBBO EMBOOSI YA NASAAE EYIRIMO EBITABO BILAANGWA DEUTEROKANONIKO

¹ Ese Petero omutume wa Yesu Kristo. Nyandiikira eng'we abalobole ba Nasaae bulaanu abali mu Poto Galatia, Kapadokia, Asia, neende Bbitinia, yi mweruha mwasasaanira.

EBBAIBBO EMBOOSI YA NASAAE

¹ Ese Petero omutume wa Yesu Kristo. Nyandiikira eng'we abalobole ba Nasaae bulaanu abali mu Poto Galatia, Kapadokia, Asia, neende Bbitinia, yi mweruha mwasasaanira.

1 Petero 1:1 Iomraidhean Croise

Esabbuli 44:11

Watuleha hwaaba koti amakoondi kabachia ohusiinja, mani watusalania-salaania mu byaalo biteende.

Esekeeli 6:8

“Nae ndahaleheo abaandi hweeng'we nibali abalamu. Abo abahabe nibawonereo mu biita, mani nimwahasalaanire mu byaalo koti ababoye,

Esy'Abaleefi 26:33

Njia ohubaleetaho ebiita, mani male mbasaalaanie muchie mu maloba mateende. Eloba lyeeng'we lichia ohujwaang'wa, mani ebiko byeeng'we birehwe koti amakuunda.

Matayo 10:2

Ameeta k'Abatume ehumi-na-babiri niko kano: Owaamberi niye, Simooni olaangwa Petero, neende Anderea mwaanang'ina; Yakobbo omwaana wa Sebbedaayo, neende Yowaana mwaanang'ina;

Matayo 24:22

Haandi endaalo echo chiba nichitaheendeeswaho, abulao omuundu yeesi owahaonere daawe. Nae hulw'obulai bw'abaandu balobole ba Nasaae, endaalo echo chaheendeeswaho.

Matayo 4:18

Olwoola, Yesu niyali n'akeenda hu sikobero sy'enyaanja ya Galilaaya, yabona Simooni olaangwa Petero, neende Anderea mwaanang'ina nibali ohuteka eng'eeni mu nyaanja neende enjero olwohuba bali abanaabi. Yesu niyaboolaho yababoolera ati,

Luka 18:7

Nae Nasaae salikwiira abalobole bae, abamulirira esiro neende esideete? Mani aba achia ohuhiinda muno ohubahoonya?

Yowaana 11:52

haandi haba si syaalo esyo syoong'ene, nae neende ohubuusa alala abaana ba Nasaae abasalaana.

Yowaana 7:35

Abayudaaya mani nibaboolanira abeene-na-beene bati, “Wuno adaha ohuchia yeena bweene yi hutanyala hwoolayo? Adaha ohuchia eyiri abo abasalaanira mu syaalo sy'Abagiriki mani yeekese Abagiriki?

Ebiholwa 18:2

Mani niyoola ebweene eyo, yakaanana neende Omuyudaaya wuundi olaangwa ati, Akwiila, owali omwibulanwa wa Ponto, owali eyo hale n'atula mu Yitali naali neende omuhasi wae Purisiila, olwohuba Kilaudio yali niyalagira ati Abayudaaya boosi batule mu Rooma. Mani yacha ohubabonaho;

Ebiholwa 18:23

Luunyuma lw'ohumalaho endaalo endiidi ebweene eyo, yaasiingira yawaawo mani yaacha yaakeniya ebituundu bikabuhaane naahalakania mu syalo sya Galatia neende mu syaalo sya Firigia, niyomiisa abeeki boosi.

Ebiholwa 19:10

Sino syachiiririra sa sityo ohumala emyaaka kibiri, ohwoola lu baandu boosi abali nibamenya mu Asia banyala ohuwulira emboosi y'Omwaami, Abayudaaya alala neende Abagiriki sidubaanie.

Ebiholwa 6:9

Bulaanu abaandu baandi bali abomu Sinagoogi y'Abaandu Baboolole (koti lu yali niyilaangwa), alala neende eya Abasireeni, alala neende Abalekisaandaria, alala neende abaandu batula mu Silisia alala neende Asia, basiingira bachaaka ohuyiingana neende Sitefaano.

Ebiholwa 8:4

Nae bulaanu, abaandu bali niberuuhe nibasalaanire bachaaka ohukeendanaanga nibayaala Emboosi eyo.

1 Abakoriito 16:19

Abafukiiriri bali mu Asia babatumira amaheeso. Akwiila neende Purisiila, alala neende abafukiiriri bali mu daala lyaabwe, babatumira amaheeso komu mwooyo bweene mu Omwaami.

2 Abakoriito 1:8

Olwohuba efwe haba sihudaha mube nimutaamanyire, basyeefwe, ohuchunisibwa hu hwanyoola nihuli mu Asia; olwohuba hwanyooberwa elalira ohubita esikero ohwoola lu hwebwaabira elalira obulamu.

Abagalatia 1:2

Ese alala neende abasyaange boosi ba ndi nabo. Hwandiikira eng'we abafukiiriri ba Kristo abali mu Galatia:

Abaefeso 2:12

mwiichulise muti, esiha syeene esyo mwali nimwakabulwa ohutula hu Kristo, nimwakaluuhanisibwa ohutula hu bulala bwa Yisiraeli, haandi nimuli Abateende ohweema hu ndagaano y'esisuubise, nimutaaliho neende esuubi lyoosi haandi nimutaaliho neende Nasaae mu syaalo muno.

Abaefeso 2:19

Mani sakira, eng'we haba simusisiiri abateende oba bawalukeenda, nae muli abeebulanwa alala neende aboolerefu, haandi muli abaandu bomu Nyuumba ya Nasaae,

Amalako Kohubiri 28:64

“Omwaami achia ohubasalaania mu baandu boosi, ohutula hu lwaande lulala lw'esyaalo ohwoola hu luundi. Mani eyo muchia ohuhalaabanira banasaae baandi, ababaachwa mu misaala neende mu makina, ba mwali nimutaamanyaho oba bakuuka yeeng'we ohumanyaho.

Amalako Kohubiri 32:26

Ndahaboolere endi, “Njia ohubasaalanisirya eyale, abuleo omuundu yeesi owahabechuliseho.”

Amalako Kohubiri 4:27

Haandi Omwaami aba achia ohubasalaanisirya mu byaalo biindi, mani muduuduye muno mu byaalo bi Omwaami aba naabasalaanisiramo.

2 Timoteo 1:15

Omanyire oti buli muundu yeesi oli mu situundu sya Asia kata Figeelo neende Hamogene baangabuhanaho.

Abaibburania 11:13

Abaandu bano boosi bafwiira mu fukiirira. Haba sibanyoola ebiindu bi Nasaae yali yasuubisa, nae bali nibabibonera eyale muno mani babyakaanira, mani bomiisira elalira bati, bali Abateende sa haandi abeyikami sa hu syaalo.

Yakobbo 1:1

Ese Yakobbo, omuhalaabani wa Nasaae neende ow'Omwaami Yesu Kristo: Mbaheesa eng'we enono ehumi-na-chibiri ech'abaandu basalaanira mu syaalo syoosi.

1 Petero 2:11

Eng'we basyaange, mbahubbira omulaanga bawalukeenda haandi abeyikami mu syaalo muno endi, mweyolobye obwekoombi bubi bw'omubiri obulwaania obulamu bweeng'we buli ludaalo.

2 Petero 1:1

Ese Simooni Petero omuhalaabani haandi omutume wa Yesu Kristo, mbaandiikira eng'we abanyoola efukiirira y'engaanga muno koti lu efwe hwanyoola mu bwoolerefu bwa Nasaae weefwe, neende Omuwonia weefwe Yesu Kristo.

Ohubwiihulirwa 1:11

Lyaboola liti, “Yandiika ebiindu byoobona, mani otume esitabo esyo sichiire abafukiiriri bali mu biko bitaanu-na-bibiri bino: Buwefeeso, Simirina, Perigamumu, Siyatiira, Saradiisi, Filadelifia, neende Laodesia.”