Luke 2:9 - Pathien Lekhabu Inthieng Chongtung Thar

⁹ Pumapa vântîrton a juong inlâra, Pumapa roiinpuina vârin a êla, rolo innîkin an chia.

Luke 2:9 Iomraidhean Croise

Matthew 1:20

Hima roi hah a mindon lâitakin, a ramangin Pumapa Vântîrton inkhat a kôm a juong inlâra, a kôm han, “Joseph, David jâisuon, Mary hih lômnua nei rang chi no roh. Amanu nâivong hih Ratha Inthieng renga kêng ani.

Luke 1:28

Mary kôma a lûta, “Nu chunga ratha inngamna om rese! Pumapa nu chunga a om, sat nang a vur ok” a tia.

Luke 2:8

Ma rama han, belrihôlngei jâna an belri ngâkin rajâia an oma.

Luke 24:4

Mahan mulungjîngin an indinga, harenghan, mi inik puon chek insilin an kôla an juong indinga.

John 12:41

Isaiah han Jisua roiinpuina a mu le a thurchi a misîr sikin hi chong hih a ti ani.

Sinthongei 12:7

Inningloiin vântîrton inkhat a kôla ajuong indinga intâng in sûnga han vâr ajuong inlanga. Vântîrton han Peter dâra anîk min hara, “Inrangin! inthoi roh!” a tia. Hanchu, voikhatrengin Peter kuta rênrokolngei hah a kutngei renga a tâkrila.

Sinthongei 27:23

Ata ki nia, a sin ki sin bang ngâipu Pathien vântîrton inkhat jânin han ko kôm a juonga.

Sinthongei 5:19

Hannirese, jâna Pumapa vântîrton inkhatin intâng in mokot hah ajuong mo-onga, pêntieng a tuong ngeia male an kôm,

2 Korinth 3:18

Hanchu, kin rêngin mâi mukhû loiin Pumapa roiinpuina min-êlin; male ma roiinpuina nanâk han, Pumapa renga juongpu, Ratha hih, roiinpuina lien uolin ama angin eini mi minthûl ngâi ani.

2 Korinth 4:6

“Ajîng renga avâr hong vâr suok atih!” a tipu Pathien nanâk hah ani, Khrista mêla Pathien roiinpuina vâr suok kin rietna rangin kin mulungrîlngeia a minvâr zoi.

1 Timothy 3:16

Ei sakhuo chonginthup ânlal tie hih tutên dem thei no ni ngei: Ama hah miriemin a juong inlanga, Ratha'n adik ti a minlanga, male vântîrtonngeiin an mua. Ama hah namtinngei lâia phuong ani zoia, rammuol pumpuia mingeiin an iema, male invân tieng khin lâkpaiin aom zoi.

Hebrew 12:21

An mu hah chi a om sabaka, Moses luon, “Ki chia kên nîknat!” a ti ani.

Chongphuong 18:1

Masuole chu vântîrton dang invân renga juong chum ku mua. Ama han rachamneina lientak a dôna, male a roiinpuinân pilchung pumpui a êlminvâra.

Chongphuong 20:11

Hanchu rêngsukmun ngoi lienpa inkhat le a chunga ânsung ngâipu hah ku mua. Amakung renga han pilchung le invân an rotpaivinga, male mu nôk nikhâi mak ngei.