Jakob 5:16 - Pathien Lekhabu Inthieng Chongtung Thar

¹⁶ Masikin, dama nin om theina rangin inkhat le inkhat kôm nin sietna phuong inlôm ngâi ungla, inkhat le inkhat rang chubaitho pe inlôm ngâi roi. Mi sa chubaithona chu sinthotheina ranak adôn ok ngâi ani.

Jakob 5:16 Iomraidhean Croise

Matthew 21:22

Nin iemin chu, chubaithoa nin ngên murdi chu man nin tih,” tiin a thuona.

Matthew 3:6

An nunsienangei an phuonga, male ama'n Jordan tuidunga a Baptis ngei zoi.

Mark 1:5

Judea ram le Jerusalem khopui renga mi tam tak John thurchi misîr rangâi rangin an sea. An sietnangei an phuonga, male ama'n Jordan dunga a Baptis ngei zoi.

Luke 9:6

Hanchu rouisingei an sea, muntina thurchisa misîrin khuotina an chaia, damloingei an mindam tir zoi.

John 9:31

Pathien'n mi nunsiengei chong rangâi ngâi mak ti ei rieta; ama jâ ngei le a lungdo sin ngei chong chu a rangâi ngâi.

Sinthongei 10:38

Nazareth Jisua chu Pathien'n Ratha Inthieng le sinthotheinân min silin, Pathien han a ompui tita, sin sa thoa muntina a chai lâihan Diabol dûkmintong murdi ngei a mindama.

Sinthongei 19:18

Iempu tamtak an honga, loko rieta an chong minchâina an phuonga.

Sinthongei 8:24

Simon'n Peter le John kôm, “Nin ti ngei hi inkhat luo ku chunga atung loina rangin nangnin rangâihoitak Pumapa kôm chubai mi thope roi,” a tia.

ROM Mingei kôma Paul Lekhamuthuon 3:10

Pathien lekhabu'n, “Tute midik reng ommak ngei, inkhat luo ommak ngei,

ROM Mingei kôma Paul Lekhamuthuon 5:19

Mi inkhat chong jômloina sikin mi tamtak nunsie an ni zoia, ha angdênin mi inkhat chong jôm sikin mi tamtak dik intum an tih.

Kolossa 1:9

Masika hin, nin chungroi kin riet renga chu zoratin ninta rangin kin chubai ngâi. Ama Ratha'n vârna le riettheina murdi nangni pêka, ama lungdo rietna leh nin hong sip theina rangin Pathien kôm kin ngên ngâi ani.

1 Thessalonika 5:17

zoratin chubaitho ungla,

1 Thessalonika 5:23

Inngêina mi pêk ngâipu Pathien han lam tina nangni minthieng senla, ei Pumapa Jisua Khrista a juong tika nin ratha, nin mulungrîl, takpum le theiloina ngei murdi renga le nin pumin nangni mojôk rese.

1 Thessalonika 5:25

Lâibungngei le sarnungei, keini rang khom chubai mi tho pe roi.

Hebrew 11:4

Taksônnân kêng Abel han Cain nêka inbôlna sa uol Pathien kôm a pêka. A taksônna sikin a neinunpêk hah pomin aoma, midik tiin Pathien pomna a chang ani. A taksônna jârin Abel hah a thi suonûk khomin thurchi a la misîr bang ani.

Hebrew 11:7

Taksônnân kêng Noah han sûn motona a la mu ngâiloi neinunngei Pathien'n inningna a ril lâihan, Pathien chong jômin rukuong a sina, ama leh a insûngmingei sanminringin an oma. Ma sika han rammuol hah theiloi a minchanga, taksônna sika dikna Pathien kôma om hah a man ani.

Hebrew 12:13

Kholrangei hah lôntheiloia an omloina rangin, mindama an om theina rangin lam tûna lôn roi.

Hebrew 13:18

Kin ta rangin chubai mi tho pe tit roi. Zora tiin neinun dik sin rang kin nuom tit sikin sielesa rietna inthieng kin dôn, ti kin riet mindik ani.

1 Peter 2:24

Nunsiena tieng ei thia dikna tieng ei ring theina rangin Khrista lelên a taksân khrosa ei sietnangei ai pêl ani. Ama sabê ngei sikin mindam nin ni zoi.

1 John 3:22

A chongpêkngei ei jôma, a râisân rang lam ei sin ngâi sikin ei ngên murdi a kôm renga ei man ngâi ani.