Jakob 1:25 - Pathien Lekhabu Inthieng Chongtung Thar

²⁵ Aniatachu, tukhom balam akip mingei phûkdâia mojôk ngâi tieng en tita, lunghâng thorîta, a rangâia mingil nôk kelen ngâipu niloia, ataka sintho mingei chu Pathien'n an sinthona han satvur ngei atih.

Jakob 1:25 Iomraidhean Croise

Luke 11:28

Jisua'n a thuona, “Pathien chong rieta a jôm ngei chu satvur anni uol,” a tipea.

John 13:17

Atûn chu ma chongdik hah nin riet zoi, nin jômin chu nin râisân tatak atih!

John 8:36

Nâipasalin suok nangni a mojôk vaiin kêng nin jôk tatak rang.

Sinthongei 13:43

Ânbûm ngei an chîn zoiin chu Judangei le an Juda rotholngei tamtakin Paul le Barnabas an jûia, Tîrtonngei han, Pathien moroina nuoi han om tit rangin an mohôka.

Sinthongei 2:42

Tîrtonngei kôm inchûn, inlopkhômna inchelin bu khalâi ot inlopkhômna inchelin le chubaitho ningsiet takin an oma.

Sinthongei 26:22

Aniatachu avien sûnten hin Pathien'n ni sana, male mi chîn le mi lien ngei kôm indingin rietpuipu nina hih nin rêngin nin kôm ka la misîr thei ani, ki ti ngâi ngei chu, Moses le dêipungeiin la juong tung atih, an ti bang ngâi hah ani:

ROM Mingei kôma Paul Lekhamuthuon 11:22

Masikin, Pathien sa tie le chi aomtie ei mua, ânpal ngei ta rangin chu chi a oma, a satna no omtitin chu nangma ta rangin chu asa ani. No omtit nônchu nang khom thâkpai sa nîng ni tih.

ROM Mingei kôma Paul Lekhamuthuon 2:13

Asikchu, Pathien makunga midika a tel chu Balam ariet ngei nimaka, ajômpu ngei kêng thei intum rang an ni.

ROM Mingei kôma Paul Lekhamuthuon 7:12

Balam chu ânthienga, chongpêk khom ânthienga, adika asa ani.

ROM Mingei kôma Paul Lekhamuthuon 8:15

Nin Ratha chang hah ichia om nôk ranga suokngei nina Ratha nimaka, Pathien nâingei nina Ratha kêng nin chang, ha ratha sinthotheina jâra han “Abba! Pa!” tiin Pathien kôm ei koi ngâi ani.

ROM Mingei kôma Paul Lekhamuthuon 8:2

Khrista Jisua a ringna Ratha balam han sietna le thina balam renga mi sanminjôk zoi sikin.

1 Korinth 15:58

Masikin ko moroitak lâibungngei le sarnungei, adet le ngîrtitin inding roi. Pumapa ta ranga nin sintho hah ningsiettakin sin tit ungla, Pumapa chuonsin hih mangmunboi chang tet ngâi mak, ti nin riet sikin.

2 Korinth 13:5

Taksônna han nin om le nin omloi nin riet theina rangin nangninanâkin minsin ngâi ungla, injêk ngâi roi. Khrista Jisua hih nangnia han aom nin riet minthâr nimak mo? minsina han nin kâi tetloi ani noa anîn chu.

Galatia 2:4

Sûngsuok rothol, inrûka hong lûtngei vai han sertan tho ngêt rang an bôka; ma-ngei han suoka min minchang theina rangin Khrista Jisua zalêna ei nei hih enrichik ranga lût an ni.

Galatia 5:1

Zalênna ei nei chu, Khrista han mi mojôk zoi! Hanchu zalên mingei ang takin inding det ungla nin theiin suok achang nôk rangin inphal khâi no roi.

Galatia 6:2

Nin puokpêl insan inlôm roi; hanchu Khrista balam nin jôm nîng atih.

Kolossa 1:23

Hannirese nin indingna han taksônomin le dettakin nin om bang ngêt rang ani. Thurchisa nin rieta sabeina nin manna renga han nangni nanâkin inthînpai rangin nin inphal tet rang nimak. Hi thurchisa hih rammuola mitin kôm misîr ani zoia; keima Paul hih ma thurchisa tîrlâm ko hongni zoi ani.

1 Timothy 2:15

Aniatachu nupang hah nâingei a neina sikin sanminringin om atih, taksônna le lungkhamna male inthiengna ngei leh inpâkpuiloiin duoiloiin a tuongdier ngâiin chu.

1 Timothy 4:16

Nangma le ni minchuna han indîn inla, ma neinunngei ha tho tit roh, asikchu ma neinunngei hah no thôn chu nangma le no chong rangâi ngei hah anruonin sanminring ni tih.

Hebrew 12:15

Tute Pathien moroina renga kîr nôka, thingkung kha hônchera, a tûr sika baiinkhamna tamtak suok anga mi omloi rangin inrung roi.

Jakob 2:12

Mi min zalenna balama roijêka om rang mingei anghan chong ungla, sin khom tho roi.

1 Peter 2:16

Zalên mi anghan lêng ungla; nikhomrese nin zalêna hah saloi mukhunân mang loiin, Pathien suokngei anghan om roi.

1 John 2:24

Nangni chu aphut renga nin chong riet hah nin mulungrîla vong tit rangin mindon roi. Hanchu ma chong hah nin vong titin chu Nâipasal le Pa leh inzomin om tit nin tih.

Chongphuong 14:13

Hanchu invân renga rôl ki rieta, “Mahi miziek roh: atûn renga chu Pumapa sinthona taka thi ngei chu satvur an ni!” a tia. “Ani tatak!” tiin Ratha han a thuona. “An sinsôlna renga inngam an tih, an sinthona marangei han a jûi ngei sikin.”

Chongphuong 22:14

Ringna thingkung renga theimara an sâk theina rang le mokotngei renga khopuilien sûnga an lût theina ranga an puonngei rusûk minsâipu ngei chu satvur an ni.