Wafilipi 4:8 - UVORO GHWALOLI KWA WANDU WOSE

⁸ Kudua, wana wakwetu, gharirikanyeni agha: malagho ghose gha fulo, malagho ghose gha ishima, malagho ghose gha hachi, malagho ghose ghaelile, malagho ghose gheboelagha, malagho ghose ghaloli, ngera kuwo uloli na ngera kuwo na chingi cheliko.

Wafilipi 4:8 Iomraidhean Croise

Matayo 22:16

Nawo wakatuma wairimi wawe ngila mojori na wandu wa kigojo cha Waherodia; wakamuza, “Mwalimu tamanya wanaghoragha fulo, na wanafundisagha ngila ya Mlungu kwa hachi na sumuoghagha mundungi, kwani sutalagha ubwaa ghwa mundungi.

Marko 6:20

Kwa kukala Herode oluo kemwogha Johana, kwani omanyile ni mundu wa hachi na wa kuela. Naye kamlinda kirani. Nao Herode aghenda amsikizila kamshinisa, ela hata hung'u kamsikizila kwa kuboelo.

Luka 16:15

Ela kawauza, “Inyo mwanakuhawagha hachi inyo wenyi hambiri ya wandu, ela Mlungu wamanya ngolo zenyu. Kwani icho chionekagha chaloli hambiri ya wandu sichifweni hambiri ya Mlungu.

Luka 2:25

Nao alye Jerusalemu koluo na mundu mumoju aitogho Simeoni. Naye woluo mundu wa hachi na amuhawagha Mlungu ishima, woluo kelolila kukizo kwa Waisraeli, na woluo na Roho wa Kuela.

Luka 23:50

Nao koluo na mundu mumoju aitogho Josefu: Woluo mundu wa muzi ghwa Wayahudi ghuitogho Arimathaya. Iye woluo mundu wa Baraza, naye woluo mundu waloli na wa hachi.

Johana 7:18

Uyu eghoragha gha nguma yake mwenyi ondehada kuliko; ela uyu ehadagha kuliko kwa uyu amtumile, ni wa fulo na kwake sikwesi ndimi.

Madeo 10:22

Wakamtumbulila, “Jemadari Kornelio niye atituma. Ni mundu waloli amutasagha Mlungu, naye wanahawogho ishima ni Wayahudi wose. Naye owuzilo ni malaika wa Mlungu akukaribishe nyumba kwake eri asikile agho ujeghora.”

Madeo 22:12

“Nao koluo na mundu mumoju aitogho Anania, mundu wa Mlungu, eluo kewata Sheria yetu na eluo kehawo ishima ni Wayahudi wose weluo wekekala Damasko.

Madeo 6:3

Kwa hung'u, wana wakwetu, saghuleni wandu mfungate ghati yenyu weo waloli na wajule Roho wa Kuela na suku, nesi tijewaika kwa kazi iyi.

Waroma 13:13

Tighende kirani ndamu, sa wandu wa mlangazi; si kwa lwafuo ango kunarua, si kwa fete ango uzingi si kwa kondo ango iziso,

Waroma 13:3

Kwani wabwaa siwaoghogho ni walye wadeagha ghaloli, ela walye wadeagha laghelaghe. Wanashaile swamwoghe mubwaa? Dea gheo ghaloli, naye ujekulika.

Waroma 14:18

Naye uyo wose emtumikilagha Kristo kwa ngila iyi, umuboelagha Mlungu na wandu.

Waroma 2:29

ela ni Myahudi wa fulo ko mweni na achwilo ngoloni kwake, na iyi ni kazi ya Roho wa Mlungu, si ya Sheria iwandiko. Mundu sa uyu wakaso ni Mlungu, ela si wandu.

1 Wakorintho 4:5

Kwa hung'u simwataghanye mundungi hambiri ya ngelo kufika. Utaghanyo ghwa kudua ni suti ghudafwe kuja kwa Bwana, uyu eletagha mlangazini ghalye ghavisike kizeni na kufunukula ghalye gheo ngoloni kwa wandu. Nao aho kila mundu upatagha kuliko ni Mlungu.

2 Wakorintho 13:7

Isi tamulomba Mlungu kamba simwadee makosa, si eri isi tionekane kukala nisi wasimi kungi, ela ninyo mdee ghaloli hata ngera sani isi tionekagha tagwa.

2 Wakorintho 6:8

Kele kuhawo ishima na kumenyeso, kele kughoro laghelaghe na kughoro kirani. Tatalo sa waghori ndimi, ela nisi waghori fulo;

2 Wakorintho 8:18

Timutumanyagha na wakwetu mumoju akumogho kele makanisa ghose kwa machilo ghake gha Injili.

2 Wakorintho 8:21

Kindu tishaile ni kudea gha hachi si hambiri ya Bwana tu, ela na hambiri ya wandu.

Wagalatia 5:22

Ela mavalo gha Roho ni mashayo, maboelo, sere, kurumaghia, ngolo yaloli, uloli, udumusiliki,

Waefeso 4:25

Kwa hung'u, sigheni ndimi mughorerane fulo, kwa kukala itose tio wandu wa muli ghumojori.

Waefeso 5:9

kwani mavalo gha mlangazi ghanaonekagha kele ghose gheo ghaloli na gha hachi na gha fulo.

Waefeso 6:14

Kwa hung'u mangeni, kwa kurwara fulo sa mkoa chunu, murware hachi sa nguo ya chuma lagaya,

Wafilipi 3:1

Kudua wana wakwetu, Boeloni kele Bwana. Nionagha si laghelaghe ingi kumwandikila malagho ghalye ghenyi nemwandikile kwani ghemwaruragha.

Wakolosai 4:5

Mkale na mighendo yaloli kwa wandu siwedumuse, muketumia kirani ngelo muipatagha.

1 Wathesaloke 4:12

Kwa ngila iyi mjehawo ishima ni walye siwedumuse na simujekala mkewaruro ni mundungi kwa vindu.

1 Timotheo 2:2

kwa wazuri na wose weo na nguma, kamba tikale andu kuo kima na kwa sere, ngila mojori na kumuhawa Mlungu ishima na mughendo ghwaloli.

1 Timotheo 3:11

Wake wawe nawose ni suti wakale wake waloli na siwakale waguni wandu, ela wekumanziragha na wadumusiliki kwa kila kindu.

1 Timotheo 3:4

akale mundu eitunzagha nyumba yake kirani na ewadeagha wana wake wamusikile kwa ishima.

1 Timotheo 4:12

Swadumuse mundungi akumenyese kwa kukala nuwe mundu wa irika, ela ukale fwana ya awa wadumusa kele maheleo, mughendo, mashayo, idumusi na ueli.

1 Timotheo 5:10

na wa nguma yaloli, muke alelile wana wake kirani, eluo kewahokera wagheni, na eluo kewawarura wandu wa Mlungu; eluo kewawarura wandu weluo na kusirima na akufunyile kudea ghaloli kwa kila ngila.

1 Timotheo 5:2

wakekulu sa wana meo, na wake wa irika sa wana wakwenyu wa wake, kwa ueli ghose.

Tito 1:8

Ela akale mundu wa ishima lyekaribisha na mashayo gheo ghaloli. Yanafweni akale mundu akumanziragha mwenyi, mundu wa hachi akufunyile kwa Mlungu na akumanziragha kwa kila kindu.

Tito 2:14

Naye wanakufunyile kwa undu ghwetu, katikiza kufuma kele ulaghelaghe ghose na kutidea tikale wandu waelile, kwa kukala wake mwenyi na wana beha yedea ghaloli.

Tito 2:2

Uwauze waghosi wakale na kipimo na siwehakagha, wakale na akili, wekumanziragha wenyi; wakale wamangile kele idumusi, na mashayo, na werumaghiagha.

Tito 2:7

Uwe mwenyi kowaonyeza fwana ya mghendo ghwaloli kwa kila kindu. Ukale udumusilike na sohakagha na mafundiso ghako.

Tito 3:14

Wandu wetu wakufundise kutumia ngelo yawe kwa kudea ghaloli, ghewahawa wandu vindu ivi washaile, siwakale wandu siwefwanagha kindu chingi.

Wahebrania 11:2

Kwa idumusi lyawe wandu wa kale wanadumusilo ni Mlungu.

Wahebrania 13:18

Mjuzile kutilombela isi. Tio na fulo kamba ngolo zetu zanaelile, kwa kukala tashaya ngelo zose kudea malagho gha hachi.

Jakobo 1:27

Dini ya fulo ielile imuboelagha Mlungu Aba ni iyi: Kughenda kuwawarura wanake wakiwa na wake wafwililo ni walume wawe kele kusirima kwawe na kukuika uwe mwenyi uelile na urumengu.

Jakobo 3:17

Ela suku ifumagha ighulu, jako yanaelile; sena yana sere, umbole na ugheni; yanajule mbazi na yavala mavalo gha madeo ghaloli; siiwesi kimenya na ngolo mbili.

1 Petro 1:22

Kwa kukala ndamu mwasikila hachi, mwaeleso roho zenyu na mwashaya wambenyu wadumuse, shayeni kila mumoju kamare ngoloni.

1 Petro 2:12

Mkale na mghendo ghwaloli kwa wandu wa mbari nzima, eri ilyi wamushtaki kwa kudea laghelaghe, waone madeo ghenyu ghaloli, wamkase Mlungu kele Ijua lyake lyeja.

1 Petro 4:8

Ighulu ya ghose mushayane inyo wenyi kwa ngolo yose, kwa kukala mashayo ghanavisagha kaung'a nyingi.

2 Petro 3:1

Washayo, ndamu iyi ni barua ya kaili nikemwandikila. Kele barua izi mbili natima kughanula maririkanyo gha akili zenyu ghaloli kwa kumkumbusa malagho agha.

1 Johana 3:18

Wanake wangu, sitashaye kwa kughora ango kuhelea, ela tishaye kwa madeo na kwa fulo.

1 Johana 3:3

Naye uwo wose amukosereagha Kristo ni suti akuelese, kwani Kristo ni wa kuela.

1 Johana 4:1

Washayo, simwadumuse kila roho, ela zitimeni roho, eri muzimanye ngera ni za Mlungu. Kwani wana tondolo wengi wa ndimi weo kila andu urumenguni.