Wafilipi 4:3 - UVORO GHWALOLI KWA WANDU WOSE

³ Nendekulomba uwe nawose uwo mdei kazi wa fulo ngila mojori nemi, uwawarure awa wake, kwani niwadei kazi ya Injili ngila mojori nemi na Klementi na wadei kazi wambetu wose, awa mazina ghawe gheo kele chuo cha umana.

Wafilipi 4:3 Iomraidhean Croise

Luka 10:20

Ela simwaboelo ni ilyi lya kukala na ndighi ighulu ya pepo, ela muboelo kwa kukala mazina ghenyu ghanawandiko mlunguni.”

Waroma 12:1

Kwa hung'u wana wakwetu, kwa kukala Mbazi ya Mlungu ni mbwaa kwetu, namlomba: Mkufunye inyo wenyi kwa Mlungu sa sadaka, iwo moyo ielile na imuboelagha Mlungu. Ughu nigho utasi ghumfweni kumtasa Mlungu.

Waroma 16:12

Nawaroghowa wana Trufena na Trufosa, walye wake wadei kazi kele kazi ya Bwana, na mgheni wangu Persis uyu adeile mengi kele kazi ya Bwana.

Waroma 16:9

Nawaroghowa Urbano, mumbetu kele utumishi ghwa Kristo, na Staku mgheni wangu.

Wafilipi 1:12

Nemi nanashaile wana wakwetu mumanye kamba agha ghanipatile, ghananipatile kwa undu ghwa kueresa Injili.

Wafilipi 1:16

Nawo awa wadea hung'u kwa mashayo, wekemanya kamba nio aha kwa undu ghwa kutetela Injili.

Wafilipi 1:27

Ndamu ilagho ibwaa ni ilyi, mghendo ghwenyu ghukale karakara na Injili ya Kristo, eri ilyi neja kumwona ango nisejile, nisikile kamba mwanamangile na muo wandu wa ilengo imojori na kwa ngolo mojori mwawatana mkelwana kwa undu ghwa idumusi lya Injili.

Wafilipi 1:5

kwa kukala mwananiwarure kele kazi ya Injili kufuma kudyowa hata lelo.

Wafilipi 1:7

Nemi nionagha ni hachi nisikile hung'u ighulu yenyu inyose. Kwani muo ngoloni kwangu kwa kukala mwawatana nemi kele mbazi iyi Mlungu anihawile yetetela Injili, ngelo iyi nio kifungoni na ngelo neluo nisefungilo.

Wafilipi 4:2

Nendemlomba Eudio na Suntike wasikilane kwa undu ghwa Bwana.

Wakolosai 1:7

Nenyo mwanakufundise mbazi iyi kufuma kwa Epafrasi mtumishi mumbetu mshayo. Iye ni mtumishi mudumusiliki wa Kristo kwa undu ghwetu.

Ufunuo 13:8

Nawo wandu wose wakalagha urumenguni wejeitasa; sala walye mazina ghawe ghawandiko hambiri ya kuumbo urumengu kele chuo cha umana cha Mwana Ng'onzi aulagho.

Ufunuo 17:8

Ilya nyamandu uonile yeluo moyo ela ndamu yanafwile; nayo iwo avui kufuma kineni cha wazimu kughenda kuhaitiso. Wandu wakalagha urumenguni siwewandiko mazina ghawe kele chuo cha umana hambiri ya kuumbo urumengu, wejeshinika wose kuiona ilya nyamandu. Yeluo moyo; na ndamu yafwa, ela ijeonekana sena.

Ufunuo 20:12

Nao nikaona walye wandu wafwile, wabwaa na wachache, wekekala kimusi hambiri ya kifumbi cha uzuri. Vuo vikafungulo, nao chuo kimoju chikafungulo, ichi cheluo ni chuo cha umana. Walye wafwile wakataghanyo kuirimana na ghalye waghadeile. Selyi ghawandiko kele vilya vuo.

Ufunuo 20:15

Mundu uwo wose izina lyake silyewandiko kele chuo cha umana wanakumbilo kele izia lya moto.

Ufunuo 21:27

Ela kindu icho chose sicheelile sichijengila, hata mundungi adeagha malagho gha duu gha waya ango aghoragha ndimi. Sala walye tu mazina ghawe ghawandiko kele chuo cha Mwana wa Ng'onzi cha umana niwo wejengila kele ghulya muzi.

Ufunuo 3:5

Uyu esimagha ujeruso nguo za mnyange, nemi sijefuta izina lyake kele chuo cha umana. Nemi nijeghora mwazi kamba ni wangu hambiri ya Aba na malaika wake.