Wafilipi 4:18 - UVORO GHWALOLI KWA WANDU WOSE

¹⁸ Napata mafunyo ghose hata na kuchumba, Najula ndii nighenda nipata manosi muniletelele na Epafrodito. Kwani ni sadaka inukagha kirani ya Mlungu idumusilogho na imuboelagha.

Wafilipi 4:18 Iomraidhean Croise

Madeo 10:4

Naye kamlola malaika kwa wogha na kumuza, “Ni kimuni Bwana?” Malaika kamtumbulila, “Mlungu wasikila malombi ghako na kazi zako zaloli na wakukumbuka.

Waroma 12:1

Kwa hung'u wana wakwetu, kwa kukala Mbazi ya Mlungu ni mbwaa kwetu, namlomba: Mkufunye inyo wenyi kwa Mlungu sa sadaka, iwo moyo ielile na imuboelagha Mlungu. Ughu nigho utasi ghumfweni kumtasa Mlungu.

2 Wakorintho 11:8

Nanaghasokile makanisa mazima mali yawe eri nimutumikile inyo.

2 Wakorintho 9:12

Kwani utumishi ughu mudeagha si ghowapatila wandu wa Mlungu ivi washaile tu, ela ghwadea wandu wengi kumuhawa Mlungu asanta.

Waefeso 5:2

Mghende kwa mashayo, selyi Kristo etishaile hata kakufunya iye mwenyi kukala sadaka inukagha kirani na sadaka yemuboela Mlungu kwa undu ghwetu.

Wafilipi 4:12

Nanaweni kugotua na nanaweni ungi, kele kila ngila na hali zose nanakufundise kupata vingi na kukala njala, kukala na vingi na kusowa.

2 Wathesaloke 1:3

Wana wakwetu, ni suti timfunyile Mlungu asanta kila ngelo kwa undu ghwenyu, na yanatifweni kudea hung'u kwa kukala idumusi lyenyu lyio na kuzegua na ndighi na mashayo ghenyu muo nagho kila mundu na mumbawe ni mabwaa.

Wahebrania 13:16

Mukumbuke kudea ghaloli na kuwarurana inyo wenyi, kwani izo nizo sadaka zimuboelagha Mlungu.

1 Petro 2:5

Nenyo sa mawe gheo moyo, muwaghalo kele nyumba ya roho, andu mutumikagha sa Wakohani wa Kuela, kele kufunya sadaka za roho, zemuboela Mlungu kwa ngila ya Jesu Kristo.