Wafilipi 4:14 - UVORO GHWALOLI KWA WANDU WOSE

¹⁴ Ela kwa ughoma ghwenyu mwananiwarura kele masirimi ghangu.

Wafilipi 4:14 Iomraidhean Croise

Matayo 25:21

Bwana wake kamuza, ‘Ni kirani mtumishi waloli na mudumusiliki. Oluo mudumusiliki kwa malagho machache nijekuika ighulu ya mengi. Ngila kele kubwelo kwa bwana wako.’

Waroma 15:27

Nawo wanaonile wenyi wadea hung'u. Ela kwa fulo, weluo na hachi yewarura wakiwa walye, kwa kukala wanasarire mibaraka yawe ya kiroho kwa wandu wa mbari nzima, na kwa hung'u wandu wa mbari nzima yanafweni wawatumikile Wayahudi kwa mibaraka yawe ya vilambo va urumengu.

Wagalatia 6:6

Mundu efundisogho ilagho lya Mlungu yanamfweni amusarire mwalimu wake vindu vake valoli vose.

Wafilipi 1:7

Nemi nionagha ni hachi nisikile hung'u ighulu yenyu inyose. Kwani muo ngoloni kwangu kwa kukala mwawatana nemi kele mbazi iyi Mlungu anihawile yetetela Injili, ngelo iyi nio kifungoni na ngelo neluo nisefungilo.

Wafilipi 4:18

Napata mafunyo ghose hata na kuchumba, Najula ndii nighenda nipata manosi muniletelele na Epafrodito. Kwani ni sadaka inukagha kirani ya Mlungu idumusilogho na imuboelagha.

1 Timotheo 6:18

Wauze wadee ghaloli na kukala wazuri kele madeo ghaloli; wekekala na ishima, hata wadime kuwasarira wazima.

Wahebrania 10:33

Mwanatukano ngelo zimoju wanduni na kutiriro na ngelo zimoju mokufunyile kuwatana na walye weluo wekedeilo hung'u.

Wahebrania 10:34

Mwanawaonelele mbazi wafungo kwa kusirimiso kwawe, na vindu venyu vose viuso mwanarumaghie kwa kuboelo, kwa kukala momanyile mpatagha kindu chaloli chikalagha kwa kale na kale.

Wahebrania 13:16

Mukumbuke kudea ghaloli na kuwarurana inyo wenyi, kwani izo nizo sadaka zimuboelagha Mlungu.

Ufunuo 1:9

Imi Johana wakwenyu, na mwirimi wa Jesu, awatane nenyo kele kurumaghia masirimi ghalye ghewapatagha awo weo wa uzuri ghwake. Nanaikilo kele Kisiwa cha Patmo kwa undu ghwa kuchila ilagho lya Mlungu na ilya fulo Jesu aifunukulagha.