Wafilipi 4:1 - UVORO GHWALOLI KWA WANDU WOSE

¹ Kwa hung'u, wana wakwetu washayo, nio na beha yewaona, inyo ninyo mabwelo ghangu na kofia ya usimi ghwangu, mangeni kele Bwana washayo.

Wafilipi 4:1 Iomraidhean Croise

Matayo 10:22

Nenyo mjemenyo kwa undu ghwangu. Ela uyu erumaghiagha hata kudua ukilagha.

Johana 8:31

Nao Jesu kawauza walye Wayahudi wamudumuse, “Mkawata mafundiso ghangu mjekala wairimi wangu wa fulo;

Madeo 11:23

Nao afika na kuona selyi Mlungu awabarikia wandu, kaboelo, kawakumba ngolo, wakale wadumusiliki na wafulo kwa Bwana sikwewesi kuuya nanyuma.

Madeo 14:22

Nawo weluo wekewafungisa ndighi wairimi na kuwakumba ngolo yekala wa fulo kele idumusi. Wakawauza, “Ni suti tiitile kele masirimo mengi eri tingile kele Uzuri ghwa Mlungu.”

Madeo 2:42

Nawo wakatumia ngelo zawe kukufundisa kufuma kwa watumo, wekekala ngila mojori, wekevunja mkate na kulomba.

Waroma 2:7

Walye wandu wadeagha ghaloli na kuhada ubwaa ghwa Mlungu na ishima na umana, Mlungu uwahawagha umana ghwa kale na kale.

1 Wakorintho 15:58

Kwa hung'u, wana wakwetu washayo, mangeni na simwanyavurike, mutumikileni Bwana kwa chadi ngelo zose, kwani mwamanya kamba kazi mudeagha kwa undu ghwa Bwana si nduu ingi.

1 Wakorintho 16:13

Kaleni meso, mumange gii kele idumusi, mkale mang'oni muo na ndighi.

2 Wakorintho 1:14

Selyi kwenyi mwatambukilo nisi kwa uchache kamba mwadima kukukasa nesi, selyi natose tijekukasa nenyo Ijua lya Bwana Jesu.

Wagalatia 5:1

Kristo wanatiikile wakidina. Kashaya tikale wakidina. Kwa hung'u, mangeni gii hata simwashaye sena kuwuya kele gongolo ya usunyi.

Wafilipi 1:27

Ndamu ilagho ibwaa ni ilyi, mghendo ghwenyu ghukale karakara na Injili ya Kristo, eri ilyi neja kumwona ango nisejile, nisikile kamba mwanamangile na muo wandu wa ilengo imojori na kwa ngolo mojori mwawatana mkelwana kwa undu ghwa idumusi lya Injili.

Wafilipi 1:8

Mlungu niye shahidi wangu, kamba nendeghora fulo na kamba nanashaile kumwona inyose kwa mashayo gha Kristo Jesu.

Wafilipi 2:16

mkewata putu ilagho lya umana; eri nipate kukukasa kele Ijua lya kuja Kristo kamba sikimbile tuu na kazi yangu siyeluo nduu.

Wafilipi 2:26

Kwani uwo na beha yemwona inyose na seo na kuboelo kwa kukala mwanasikile ni mkongo.

Wakolosai 4:12

Epafrasi, ewo mumbenyu na mtumishi wa Kristo Jesu wamuroghowa. Iye uwo na chadi chemlombela Mlungu kila ngelo, kamba mumangiso gii sa wandu wazeguwe na wakufunyile putu kudea mashayo gha Mlungu.

1 Wathesaloke 3:13

Kwa ngila iyi ujemumangisa ngolo zenyu, mukale muelile hambiri ya Mlungu wetu na Aba, ngelo Bwana wetu Jesu ekujagha ngila mojori na waeli wake wose.

2 Wathesaloke 2:15

Kwa hung'u wana wakwetu, mumange na muwate ghalye gha fulo timufundise, kwa kughora ango kwa barua.

2 Timotheo 2:1

Ndamu Mwana wangu, ukale na ndighi kwa mbazi taipata kwa kuwataniso na Kristo Jesu.

Wahebrania 10:23

Tiwate gii ikosereo tilyighoragha, kwani tadumusa Mlungu ukatisagha ilagano lyake.

Wahebrania 3:14

Kwani isi itose tio na ungaro na Kristo, ilyi tamanzira gii lyilya idumusi tidyowile nalyo, hata kudua.

Wahebrania 4:14

Kwa hung'u tilyiwate kamare idumusi ilyi tilyighoragha Kwani tio na Mkohani Mubwaa uyu aghendile kwa Mlungu-Jesu, Mwana wa Mlungu.

2 Petro 3:17

Ela inyo washayo, mwamanya agha; kwa hung'u kulindeni eri simwalongozo kisha kwa makosa gha wandu wawase na mugwe kufuma andu kwenyu kwaloli.