Wafilipi 3:19 - UVORO GHWALOLI KWA WANDU WOSE

¹⁹ Kudua kwawe ni motoni, mlungu wawe ni kifu, ubwaa ghwawe ni kufwishika waya. Maririkanyo ghawe ghose gheo kele vindu va urumengu ughu.

Wafilipi 3:19 Iomraidhean Croise

Matayo 16:23

Ela Jesu kaghaluka kamuza Petro, “Ghenda noko Shetani! Nuwe kikwalo kwangu, kwani suririkanyagha gha Mlungu sala gha wadamu.”

Matayo 25:41

“Nao ujewauza walye weo kele mkonu ghwa kimosho, ‘Ghendeni noko, inyo muwanyizo; mughende kele moto ghuikililo Shetani na wana malaika wake.

Luka 12:19

Nao niiuze roho yangu, Ee roho, waikilo vindu vingi velya kwa miaka mingi, kwa hung'u zumua ulye, unwe na uboelo.’

Luka 16:19

“Nao koluo na mzuri, eruse nguo za shifishifi na bafuta ielile, naye woluo kedea karamu kila ijua.

Luka 18:4

Naye kwa ngelo nyingi ulya mtaghanyi kalegha kumwarura; ela kudua kaghora ngoloni kwake, ‘Hata ngera sani simwoghagha Mlungu hata simtalagha mundungi,

Waroma 16:18

Kwani walye wadeagha malagho sagha, siwamtumikilagha Kristo Bwana wetu, ela watumikila vifu vawe venyi. Kwa malagho ghawe ghaloli na maheleo ghasingile, waembaemba wandu siwewesi makosa.

Waroma 6:21

Mwanapatile faida muni kwa kudea malagho ghemfwishagha waya ndamu? Ghepatikanagha kwa malagho sa agho ni kifwa!

1 Wakorintho 3:3

kwa kukala mwanatulagha mkekala sa wandu wa urumengu. Ngera kuo na iziso na marashano ghati yenyu, iyi siyendeonyeza kamba ninyo wandu wa urumengu wakalagha kiurumengu?

1 Wakorintho 5:2

Ndamu nini mukukasilagha? Macha mwafurusa na kumufunya kele ungaro ghwenyu ulya adeile hung'u.

1 Wakorintho 5:6

Kukukasa kwenyu si kwaloli kungi! Mwamanya selyi kughorogho, “Chachu njache yadea itonge lyose lya unga lyichachuke.”

2 Wakorintho 11:12

Agha nio nikedea, nijeendelea kughadea, eri niwaime kukukasa walye washaile kukukasa kwa kazi sa yetu.

2 Wakorintho 11:15

Kwa hung'u si ishiniko lyingi ilyi watumishi wake wakudea kukala watumishi wa hachi, kudua kwawe kujekala kuirimana sa madeo ghawe.

Wagalatia 6:13

Hata walye wachwighogho siwawatagha gha Sheria; wanashaile inyo muchwigho eri wakukase kwa mili yenyu.

Wafilipi 2:21

Wandu wose wendetala malagho ghawe ghenyi, siwatalagha malagho gha Jesu Kristo.

Wakolosai 3:2

Ikeni akili zenyu kele malagho gha ighulu, na si kele malagho gha urumenguni.

2 Wathesaloke 1:9

Nawo wejesirima na kuhaita kwa kale na kale, na kutaghanyo kumwona Bwana na ubwaa ghwake,

2 Wathesaloke 2:12

eri walye wose siwedumusagha fulo, ela waboelo ni kaung'a, wejetaghanyo

2 Wathesaloke 2:8

Nao ulya Mlaghelaghe ujeoneka, ela Bwana Jesu keja, ujemulagha na mruke ghwa mlomu ghwake na kumuhaitisa kwa kung'alang'ala kwake keja.

1 Timotheo 6:5

na nganyi sizeduwagha kufuma kwa wandu vongo vawe sivedeagha kazi na siwewesi fulo. Wanaririkanyagha kamba dini ni ngila yepata uzuri.

2 Timotheo 3:4

siwedumusilikagha, wasikiriwe, wajule kukukasa, washaile maboelo kuchumba kumushaya Mlungu;

Jakobo 4:16

Ela ndamu mwondekukasa na kukukuma: kukukasa uku kose ni kwa laghelaghe.

2 Petro 2:1

Koluo na wana tondolo wa ndimi ghati ya wandu selyi kwenyi kujekala na walimu wa ndimi ghati yenyu. Wejefundisa mafundiso gha ndimi ghehaitisa, na kumukana Bwana awakombole, nawo wejekuletela wenyi kuhaita kwa shashowa.

2 Petro 2:13

na kulipo matiriro kwa undu ghwa makosa waghaletile. Mabwelo ghawe ni kudea kindu cho chose na msenya ghati, chidima kukatisa beha zawe za muli; wakala ni waya na aibu kukala ngaro nenyo kwa chakulya, kunu wekeboelo ni ngila zawe zeembaemba!

2 Petro 2:3

Kwa tamaa zawe ziwase, walimu awa wa ndimi wejepata faida kwa kumughorera malagho gha ndimi. Kwani kwa ngelo ndele, Mtaghanyi wawe uwo kedafwa na Mhaitisi uwo meso!

Juda 1:10

Ela awa wandu watukana icho chose sichewatambukilagha, na ghalye malagho waghaweni sa nyamandu za isakeni, nigho ghenyi ghewahaitisagha.

Juda 1:16

Wandu awa ngelo zose wenung'unikagha na kuwamenyesa wambawe, weirimagha tamaa zawe ziwase, wekulikagha wenyi na kuembaemba wandu wazima, eri wapate ghalye waghashaile.

Juda 1:4

Kwani wandu wamoju siwewo wa Mlungu wanangilile ghati yetu kwa kiviso. Wandu weghalulagha Ilagho lya Mbazi ya Mlungu wetu eri wakatise tamaa zawe ziwase za muli, nawo wamkana Jesu Kristo ewo keng'weri kilongozi na Bwana. Mawandiko gha Kuela ghanaghorire ko kale gha kutaghanyo wepatagha.

Ufunuo 18:7

Mhaweni matiriro na furuse, sa kulya kukukasa na maboelo ekuhawile iye mwenyi kwani wanaghoragha mwenyi ngoloni: ‘Imi nakala mzuri! Simi muke afwililo ni mlume. Na lyingi sionagha furuse ingi!’

Ufunuo 19:20

Ilya nyamandu ikawato mateka, ngila mojori na wana tondolo wa ndimi walye weluo wekedea mwakilimbita hambiri yake. (Yeluo ni kwa undu ghwa walye wana mwakilimbita adimile kuwaembaemba walye weluo na alama ya ilya nyamandu na walye weluo weketasa fwana ya ilya nyamandu.) Ilya nyamandu na walye wana tondolo wa ndimi wakakumbo weo moyo kele izia lya moto ghuwakagha na kibiriti.

Ufunuo 21:8

Ela wandu wa wogha, siwedumuse, walaghai, waulaghi, wazingi, wasai, watasi sanamu, na wandimi wose, ulalo ghwawe ghujekala kele izia lyiwakagha moto na kibiriti, icho nicho kifwa cha kaili.”

Ufunuo 22:15

Ela shighati ya muzi kuwo na chuchu, wasai, wazingi, waulaghi, watasi sanamu na waembiembi wose kwa malagho na kwa madeo.