Wafilipi 3:15 - UVORO GHWALOLI KWA WANDU WOSE

¹⁵ Isi isose tazegua kiroho tikale na maririkanyo ghalye ghenyi; na ngera muo na maririkanyo mazima, Mlungu umumanyisagha agho na ghose.

Wafilipi 3:15 Iomraidhean Croise

Matayo 5:48

Ndamu ni suti mukale waloli kamare selyi Tatio ewo mlunguni ewo waloli.

Luka 11:13

Ndamu ngera inyo muo walaghelaghe, mwamanya kuwahawa wana wenyu vindu valoli, ije Tatio ewo mlunguni si kuchumba kuwahawa Roho wa Kuela awa wamulomba!”

Johana 6:45

Yanawandiko ni wana tondolo kamba: ‘Nawo wose wejefundiso ni Mlungu.’ Kila mundu emusikilagha Aba na kukufundisa kufuma kwake, wanakujagha kwangu.

Johana 7:17

Uwo wose ashaile kudea mashayo gha Mlungu, umanyagha kamba mafundiso ghangu ghafuma kwa Mlungu ango ni ghangu ghenyi.

Waroma 15:1

Isi tio timangile kele idumusi, yanafweni tiwawarure wanyonge kutuka misigo yawe. Siifweni tidee selyi tishaile isi wenyi.

1 Wakorintho 14:20

Wana wakwetu, simwakale sa wanake kele maririkanyo ghenyu; kaleni sa wanake wakoo kele malaghelaghe, ela mkale muzeguwe kele kughelela,

1 Wakorintho 2:6

Ela hata hung'u, tanaghoragha kwa suku kwa walye wazeguwe kiroho. Ela si kwa suku za urumengu ughu ango za ndighi zideagha nguma urumenguni izi ziduwagha.

Wagalatia 5:10

Ela nio na idumusi nenyo kwa kukala kuwataniso kwetu na Bwana, kwanidea nidumuse kamba simudimagha kuwata mazima na kamba uyu emusirimisagha hata akalagha nani, ujetaghanyo ni Mlungu.

Waefeso 1:17

eri Mlungu wa Bwana wetu Jesu Kristo, Aba wa ubwaa, amuhawe roho ya suku na kufunukulilo iye.

Wakolosai 1:28

Kwa hung'u tamchila Kristo kwa kila mundu, Tamwonya na kumufundisa kila mundu kwa uya, eri timulete kila mumoju wenyu azeguwa kele kuwataniso na Kristo.

Wakolosai 4:12

Epafrasi, ewo mumbenyu na mtumishi wa Kristo Jesu wamuroghowa. Iye uwo na chadi chemlombela Mlungu kila ngelo, kamba mumangiso gii sa wandu wazeguwe na wakufunyile putu kudea mashayo gha Mlungu.

1 Wathesaloke 4:9

Kele malagho gha kushaya wana wakwetu wadumuse, siifweni nimwandikile. Kwani mwanafundiso ni Mlungu mushayane inyo wenyi.

2 Timotheo 3:17

eri mundu emutumikilagha Mlungu akale aketi na afweni putu na edimagha kudea kazi iyo yose yaloli.

Wahebrania 5:14

Chakulya chikulile nacho ni cha wandu wabwaa wedimagha kutambula ghaloli na ghawase.

1 Johana 2:5

Ela uwo wose ewatagha ghore zake, amweni kwake mashayo gha Mlungu ghakatiso. Kwa undu ughu tamanya fulo kamba tio amweni kwake.