Wafilipi 2:8 - UVORO GHWALOLI KWA WANDU WOSE

⁸ Naye kele kidamu chake kakuseleza na kasikila hata kifwa, kifwa cha msalaba.

Wafilipi 2:8 Iomraidhean Croise

Matayo 17:2

Nao Jesu kaghaluka fwana hambiri yawe: ushu ghwake ghukang'ala sa ijua na nguo zikauya za mnyange sa mlangazi.

Matayo 26:39

Nao kaghenda hambiri kuchache, kagwa hubu, kalomba, “Aba ikadimika kikombe ichi chesirima uniukisile; ela si selyi imi nishaile, sala selyi uwe ushaile.”

Matayo 26:42

Nao kaghenda sena indu lya kaili kalomba, “Aba ngera ichi kikombe sichedimikagha chiite sechinwele, mashayo ghako ghadeike.”

Luka 9:29

Nao ilyi eluo kelomba kaghaluka fwana yake na nguo zake zikakala za munyange see zikang'alang'ala.

Johana 10:18

Sikwesi mundungi eghuusagha kufuma kwangu, ela naghufunya kwa kushaya kwangu imi mwenyi. Nio na ndighi yeghufunya na nio na ndighi yeghuusa. Agha nigho Aba ashaile nidee.”

Johana 14:31

Ela urumengu ni suti ghumanye kamba nanamushaile Aba, nemi nadea kila kindu anuza nidee Ukeni tighende noko.

Johana 15:10

Mkawata milomu yangu, mjekala kele mashayo ghangu, selyi imi nawata milomu ya Aba na kukala kele mashayo ghake.

Johana 4:34

Jesu kawauza, “Chakulya changu ni kudea mashayo gha uyu anitumile, na kuimalila kazi yake.

Madeo 8:33

Kasholelo na kuimo hachi yake, Sikwesi mundungi echimanyagha kivali chake, Kwani umana ghwake msangeni ghwadua.”

Waroma 5:19

Na selyi kwenyi wandu wengi wadeilo kukala wakaung'a kwa kulegha kusikila kwa mundu mumojori, niko kwenyi na wandu wengi wejedeo kukala wafweni kwa Mlungu kwa ngila ya kusikila kwa mundu mumojori.

2 Wakorintho 8:9

Kwani mwamanya mbazi yeluo na Bwana wetu Jesu Kristo; iye oluo ni mzuri, kakudea kukala mkiwa kwa undu ghwenyu, eri inyo mkale wazuri kwa ukiwa ghwake.

Wagalatia 3:13

Ela Kristo wanatikombole kufuma kele kuwanyizo, kwa ngila ya iye mwenyi kuwanyizo kwa sheria, kwa undu ghwetu. Kwani Mawandiko gha Kuela ghaghora, “Uyo wose ewambogho kele mwiti wanawanyizo.”

Tito 2:14

Naye wanakufunyile kwa undu ghwetu, katikiza kufuma kele ulaghelaghe ghose na kutidea tikale wandu waelile, kwa kukala wake mwenyi na wana beha yedea ghaloli.

Wahebrania 12:2

Meso ghetu ghamuzighane Jesu uyu idumusi lyetu lyio kwake kufuma kudyowa hata kudua. Kwani iye wanarumaghie kele msalaba. Ela kwa undu ghwa maboelo gheluo ghekemdafwa, seririkanye gha kufwishika waya ghwefwa kele msalaba, naye ndamu uwo kitembo kele mkonu ghwa kijo ghwa kifumbi cha Mlungu cha nguma.

Wahebrania 12:4

Kwani kele kulwana kwenyu na kaung'a, simulwanile hata kavui kuulagho.

1 Petro 2:24

Iye wanazitukile kaung'a zetu kele muli ghwake ighulu ya mwiti, eri tifwe kele kaung'a na tighende kwa hachi. Kwani kwa kushoghonolo kwake mwapata kuboa.

1 Petro 3:18

Kwani Kristo wanafwile kwa undu ghwa kaung'a kamojori na kwa undu ghwa wose, mundu waloli kibalo cha wakaung'a, eri amughenze kwa Mlungu. Kaulagho muli ela kakala moyo kiroho,