Wafilipi 2:7 - UVORO GHWALOLI KWA WANDU WOSE

⁷ Ela kwa kushaya mwenyi, kasigha ghose, kakudea mtumishi, kwa kuusa muli ghwa mdamu.

Wafilipi 2:7 Iomraidhean Croise

Matayo 12:18

“Iye ni mtumishi wangu uyu nimusaghule, mshayo wangu eboelagha roho yangu. Ningizagha Roho yangu ighulu yake, Naye ujeeresa hachi yangu kwa mbari zose.

Matayo 20:28

Selyi Mwana wa Mdamu sejile kutumikilo, ela kutumika na kufunya umana ghwake kukombola wandu wengi.”

Marko 9:12

Naye kawatumbulila, “Fulo Elija ukujagha kuika ghose tayari. Na yanawandiko ije kwa Mwana wa Mdamu, kamba utirirogho kwa malagho mengi na kumenyo?

Luka 22:27

Kwani nani ewo mubwaa, uyu ekalagha kitembo mezeni, ango uyu etumikagha? Ni suti akale ulya ewo mezeni. Hata sani, imi nio sa mtumishi kwenyu.

Johana 1:14

Naye Ghore kakala mdamu na kukalanya nesi, kejula mbazi na fulo; tikaona ubwaa ghwake, sa ubwaa ghwa Mwana mumojori afumile kwa Aba.

Waroma 1:3

Ilagho Lyaloli ilyi lyeluo ighulu ya Mwana wake, Bwana wetu Jesu Kristo: eluo kidamu wa kivali cha Daudi;

Waroma 15:3

Kwani Kristo sakuboelele iye mwenyi, ela kuirima selyi Mawandiko gha Kuela gheghoragha, “Masholelo ghalye wakusholelele ghananipatile imi.”

Waroma 15:8

Kwa kukala nendemuuza kamba, Kristo wanakalile mtumishi wa Wayahudi eri awaonyeze kamba Mlungu ni mdumusiliki naye ujeghakatisa malagano awaikilile wana ake,

Waroma 8:3

Agha sighedimile kudeo ni Sheria, kwa undu ghwa unyonge ghwa kidamu, Mlungu kaghadea. Kaitaghanya kaung'a kele kidamu kwa kumtuma Mwana wake, uyu ajile kwa ngila ya kidamu io ya kikaung'a eri aitaghanye kaung'a kwa muli.

2 Wakorintho 13:4

Kwani hata ngera sani wanawambilo kwa unyonge kele msalaba, Iye uwo moyo kwa ndighi za Mlungu. Isi natose tikekala amweni kwake tio wanyonge, ela ngila mojori naye tijekala na ndighi za Mlungu kwa utumishi ghwenyu.

2 Wakorintho 8:9

Kwani mwamanya mbazi yeluo na Bwana wetu Jesu Kristo; iye oluo ni mzuri, kakudea kukala mkiwa kwa undu ghwenyu, eri inyo mkale wazuri kwa ukiwa ghwake.

Wagalatia 4:4

Ela ngelo yefweni ifika, Mlungu kamtuma Mwana wake mwenyi kwa kuvalo ni mundu muke na kukala isi ya Sheria ya Kiyahudi;

Wafilipi 2:6

Iye oluo ni Mlungu kufuma kale, ela satalile ghulya ulungu ghwake kukala ni kindu chingi.

Wahebrania 12:2

Meso ghetu ghamuzighane Jesu uyu idumusi lyetu lyio kwake kufuma kudyowa hata kudua. Kwani iye wanarumaghie kele msalaba. Ela kwa undu ghwa maboelo gheluo ghekemdafwa, seririkanye gha kufwishika waya ghwefwa kele msalaba, naye ndamu uwo kitembo kele mkonu ghwa kijo ghwa kifumbi cha Mlungu cha nguma.

Wahebrania 13:3

Wakumbukeni walye weo kifungoni sa kamba muwo nawo kifungoni. Wakumbukeni walye wesirimagha sa kamba nanyose mwondesirima sawo.

Wahebrania 4:15

Mkohani wetu Mubwaa si ulya setifwilagha waya kele unyonge ghwetu. Ela, tio na Mkohani Mubwaa atimilo kwa ngila zose sa isi na sadeile kaung'a.