Wafilipi 2:3 - UVORO GHWALOLI KWA WANDU WOSE

³ Simwadee ilagho lyingi kwa ngolo yesimana ango kukukasa, ela mkale wandu wekuseleza na wetalagha wazima kukala bora.

Wafilipi 2:3 Iomraidhean Croise

Luka 18:14

Nemi namuza, uyu mundu wanagalile nyumba kwake ahawo hachi kumwisa ulya mumoju; kwani kila mundu ekujosagha ujisogho, ela uyu ekuselezagha ujosogho.”

Waroma 12:10

Mshayane hachi yenyi sa wana wakwetu kele Kristo na kila mumoju amhawe mumbawe ishima.

Waroma 13:13

Tighende kirani ndamu, sa wandu wa mlangazi; si kwa lwafuo ango kunarua, si kwa fete ango uzingi si kwa kondo ango iziso,

Waroma 2:8

Ela walye wandu wakushaile wenyi na siweshaile fulo na weirimagha ghawase, hare na kubia kwa Mlungu kujewakalila.

1 Wakorintho 15:9

Kwani imi nimi mchache wa watumo wose, sefweni hata kuito mtumo, kwa kukala nanalyitirire ikanisa lya Mlungu.

1 Wakorintho 3:3

kwa kukala mwanatulagha mkekala sa wandu wa urumengu. Ngera kuo na iziso na marashano ghati yenyu, iyi siyendeonyeza kamba ninyo wandu wa urumengu wakalagha kiurumengu?

2 Wakorintho 12:20

Kwani nio na wogha kamba ngelo nikujagha nisamudoke selyi niseshaile, nenyo simwanione selyi simoshaile. Nio na wogha kamba nadima kudoka marashano, iziso, hare, choyo, kuguna, matukano, kukukasa na kulegha kusikilana.

Wagalatia 5:15

Ela ilyi mwadea sa nyamandu za isakeni, mkelumana na kulyana; kulindeni ango mujehaitisana kamare.

Wagalatia 5:26

Kwa hung'u sitakukase, ango sitahadane ango kuonelana iziso.

Waefeso 4:2

kwa kukuseleza na umbole na kurumaghia, mkerumaghianya inyo wenyi kwa mashayo.

Waefeso 5:21

Mukuseleze kila mumoju kwa mumbawe kwa undu ghwa Kristo.

Wafilipi 2:14

Deeni malagho ghose sikweo na kuzughunuka ango kukotela.

Wakolosai 3:12

Kwa hung'u, inyo sa wandu wa Mlungu mushailo na kusaghulo kukala wake wenyi, rwareni ngolo yefwila waya, undu ghwaloli, kukuseleza, umbole na kurumaghia.

Wakolosai 3:8

Ela ndamu ni suti mughasighe malagho agha ghose: hare, kuwasilo, ulaghelaghe, matukano na milomu iwase siyaghoro ninyo.

1 Timotheo 6:4

wajulo ni kukukasa na saweni kindu chingi. Wajulo ni tamaa iwase ya nganyi na kurashana kwa malagho, na agha ghaleta iziso, marashano, vitukano, maghelelo ghawase,

1 Petro 3:8

Kuduweni ni suti inyose mukale na umojori ghwa roho, mufwilane waya, mushayane sa wana wakwetu, na mkale wa mbole na wekuseleza.

1 Petro 5:5

Nanyose wandu wa mrika mukuseleze kwa waghosi. Nenyo inyose ni suti murware kukuseleza, na mtumikilane, kwani Mawandiko gha Kuela ghaghora, “Mlungu wanawasilogho ni wandu wakukasile, ela wanaboelogho ni wandu wekuseleza.”