Wafilipi 2:21 - UVORO GHWALOLI KWA WANDU WOSE

²¹ Wandu wose wendetala malagho ghawe ghenyi, siwatalagha malagho gha Jesu Kristo.

Wafilipi 2:21 Iomraidhean Croise

Matayo 16:24

Nao Jesu kawauza wairimi wake, “Ngera mundungi ashaya kuniirima, ni suti akukane iye mwenyi na atuke msalaba ghwake na aniirime.

Luka 14:26

“Ngera mundungi eja kwangu na semumenyagha tatie na mee, na mkwake na wana wake, na wana wakwawe wa kialume na wa kiwake, na hata iye mwenyi, sedimagha kukala mwirimi wangu.

Madeo 13:13

Nao Paulo na wambawe wakaghenda na meli kufuma Pafo wakafika Perga kele isanga lya Pamfulia na alye Johana Marko kawasigha, kauya Jerusalemu.

Madeo 15:38

Ela Paulo seonile ni kirani waghendanye naye, kwa kukala sakalanye nawo hata kuduweni kwa charo chechila, ela wanauyile kawasigha Pamfulia.

1 Wakorintho 10:24

Mundungi salole faida yake mwenyi, ela alole faida ya wambawe.

1 Wakorintho 10:33

Deeni selyi nideagha; kwa kutima kuwaboela wandu wose kwa malagho ghose nideagha, sikweo na kughelela ghaloli, sala ghaloli kwa wose, eri wapate kukila.

1 Wakorintho 13:5

Mashayo sighasowagha ishima ango kulola ghake ghenyi ango sighawasilogho kwa shoshowa, mashayo sighaikagha makosa.

2 Wakorintho 1:5

Kwani selyi kwenyi tio na ungaro na masirimo mengi gha Kristo, niko kwenyi tio na ngaro na usarusi mungi tighupatagha kwa ngila ya Kristo.

Wafilipi 2:4

Mundungi sahade faida yake mwenyi, ela ahade faida ya wambawe.

2 Timotheo 1:15

Selyi umanyagha, wandu wose wa Asia wananisighile, wamoju ni Fugelo na Hermogene.

2 Timotheo 3:2

Kwani wandu wejekushaya wenyi, wejeshaya pesa, wejekukasa na kukuona, wejetukana, wejelegha kuwasikila wavali wawe, siwejefunya asanta na siwejeshaya dini;

2 Timotheo 4:10

Demasi, wananisighile kwa undu ghwa kushaya ughu urumengu, kaghenda Thesalonike. Kreske wanaghendile Galatia na Tito wanaghendile Dalmatia.

2 Timotheo 4:16

Ngelo neluo nikekutetela lya hambiri, sikowesi mundungi aniwarure; wose wananisighile. Mlungu sawatalilile agha.