Wafilipi 2:2 - UVORO GHWALOLI KWA WANDU WOSE

² Katiseni mabwelo ghangu kwa kukala na maririkanyo ghafwanane, mshayane, mukewatana na muo na maririkanyo ghamojori.

Wafilipi 2:2 Iomraidhean Croise

Johana 3:29

Uyu ewo na mwali, niye musi muke, mgheni wa musi muke wanakalagha kimusi na kumsikizila, naye waboelo na ndighi ni lwaka lwa musi muke, kwa hung'u ndamu kuboelo kwangu kwakatila.

Madeo 1:14

Nawo wose, kwa ngolo mojori, wakakoghana kulomba ngila mojori na wake, na Mariamu mee Jesu na wana wakwawe.

Madeo 2:1

Nao ifika ijua lya Pentekosto, awa wose wedumuse wekoghane andu kumojori.

Madeo 2:46

Na kila ijua, weluo wekekughana ngila mojori Hekaluni; na kuvunja mkate nyumba kwawe, wekelya chakulya kwa kuboelo na kwa ngolo ya ishima.

Madeo 5:12

Nao watumo wakadea wana mwakilimbita na mashiniko mengi ghati ya wandu. Nawo wose wedumuse weluo wekekoghana ngila mojori kele Baraza ya Solomoni.

Waroma 12:16

Wadeileni wandu wose karakara. Hata simwakukase, ela mukufwananise na wandu wa isi. Simwakuone inyo wenyi kukala walachu kuchumba.

1 Wakorintho 1:10

Nendemuvoya wana wakwetu, kwa Izina lya Bwana wetu Jesu Kristo, msikilane kele ghalye mughoragha, eri sikwakale na kusarana ghati yenyu. Muwatane, mkale na maririkanyo ghamojori na ilengo imojori.

2 Wakorintho 13:11

Na ndamu wana wakwetu, namulaga. Ghololeni mighendo yenyu, wateni ghalye nimuhawile; pataneni na kila mumoju, mkekala na sere. Na Mlungu wa mashayo na sere ujekala nenyo.

2 Wakorintho 2:3

Niko nikamwandikila, eri ilyi neja sapato ni wasi kwa walye wenideagha niboelo. Kwani namanya fulo zenyi nikakala na maboelo, inyose mkalagha na maboelo.

2 Wakorintho 7:7

Si kuja kwake kwenyi tu, ela ni kwa iye kukumbo ngolo ninyo. Iye wanatighorere agha mukosereagha, agha mulililagha, chadi chenyu ighulu yangu, kwa hung'u nikaboelo na ndighi.

Wafilipi 1:4

ngelo zose namlombela inyose, namulombela kwa kuboelo,

Wafilipi 2:16

mkewata putu ilagho lya umana; eri nipate kukukasa kele Ijua lya kuja Kristo kamba sikimbile tuu na kazi yangu siyeluo nduu.

Wafilipi 2:20

Siwesi mundungi saye, edimagha kuzighana malagho ghenyu kwa ngolo.

Wafilipi 4:2

Nendemlomba Eudio na Suntike wasikilane kwa undu ghwa Bwana.

Wakolosai 2:5

kwani hata ngera sani sio ngila mojori nenyo kwa muli, nio ngila mojori nenyo kwa roho, nikeboelo kuona ghaloli ghenyu na kumanga kele idumusi kwa Kristo.

2 Wathesaloke 2:13

Ni suti timhawe Mlungu asanta ngelo zose kwa undu ghwenyu wana wakwetu mushailo ni Bwana. Kwani Mlungu wanamsaghule kukala wa hambiri wekila, kwa ndighi za Roho, kamudea wandu wa kuela wa Mlungu kwa idumusi lya fulo.

2 Timotheo 1:4

Nio na kukumbuka mbori zako, na nanashaile na ndighi nikuone, eri nijule maboelo.

Filemoni 1:20

Haya ndamu wakwetu, nideile hung'u kwa undu ghwa Bwana. Nisaruse ngolo kwa undu ghwa Kristo.

2 Johana 1:4

Nanaboelelo na ndighi kuona wamoju wa wana wako wekeiirima fulo, selyi kwenyi tilaghizo ni Aba.

3 Johana 1:4

Sikuwesi mabwelo ghengi nidimagha kukala nagho gheisagha agha, kusikila kamba wana wangu wanairimagha fulo.