Wafilipi 2:17 - UVORO GHWALOLI KWA WANDU WOSE

¹⁷ Hata bighati ya umana ghwangu ikatika sa mafunyo kele sadaka ya idumusi lyenyu. Nikalagha na kubwelo ngila mojori nenyo.

Wafilipi 2:17 Iomraidhean Croise

Madeo 20:24

Ela imi sitalagha kungi umana ghwangu kukala ni kindu chingi kwangu, baha nikatise utumo ghwangu na kumalila kazi Bwana Jesu anihawile, ya kuereso Ilagho Lyaloli lya mbazi ya Mlungu.

Madeo 21:13

Ela iye kaghora, “Nini icho mudeagha, mwendelila na kuniulagha ngolo? Nio tayari, si kufungo tu Jerusalemu, ela hata kuulagho alye kwa undu ghwa izina lya Bwana Jesu.”

Waroma 12:1

Kwa hung'u wana wakwetu, kwa kukala Mbazi ya Mlungu ni mbwaa kwetu, namlomba: Mkufunye inyo wenyi kwa Mlungu sa sadaka, iwo moyo ielile na imuboelagha Mlungu. Ughu nigho utasi ghumfweni kumtasa Mlungu.

Waroma 15:16

yekala mtumishi wa Kristo Jesu kwa kazi ya wandu wa mbari nzima. Nadea kazi sa mkohani yechila ilagho lyaloli kufuma kwa Mlungu, eri kamba wandu wa mbari nzima wakufunye wakale sadaka idumusilogho ni Mlungu ieleso ni Roho wa Kuela.

2 Wakorintho 12:15

Imi nijetumia vose nio navo, hata imi mwenyi kwa maboelo kwa undu ghwa roho zenyu. Ilyi namshaya na ndighi, munishayagha kachache?

2 Wakorintho 4:12

Kwa hung'u kifwa chio chikedea kazi kwetu, ela umana ghuo nenyo.

2 Wakorintho 6:10

tio sa wandu wetirirogho, ela kila ngelo tana maboelo, tio sa wandu wakiwa, ela tawadea wandu wengi kukala wazuri wa mali, tio sa wandu sitewesi kindu chingi, ela tana vindu vose.

2 Wakorintho 7:4

Nio na idumusi nenyo; nakukasa nenyo. Napata usarusi kele masirimi ghangu ghose na mabwelo na ndighi.

Wafilipi 1:20

Nagho agha nigho beha na makosereo ghangu eri safwishike waya ghungi, ela kwa mighori, indakwenyi na kila ngelo Kristo ahao ishima kele muli ghwangu, ikalagha ni kwa kukala moyo ango kufwa.

Wafilipi 2:18

Nenyo nanyose muboelo ngila mojori nemi.

Wafilipi 2:30

Kwani oluo kavui na kufwa kwa undu ghwa kazi ya Kristo, kangiza ndengweni umana ghwake eri akatise utumishi ghwenyu kwangu.

Wafilipi 4:18

Napata mafunyo ghose hata na kuchumba, Najula ndii nighenda nipata manosi muniletelele na Epafrodito. Kwani ni sadaka inukagha kirani ya Mlungu idumusilogho na imuboelagha.

Wakolosai 1:24

Ndamu nio na maboelo kwa masirimi ghangu kwenyu, kwani kwa kusirima kwangu nawarura kukatisa kusirima kwa Kristo kwa muli ghwake, nilyo ikanisa.

1 Wathesaloke 2:8

Na kwa kukala temshaile, tanamusaririre, si Ilagho Lyaloli lya Mlungu tu, ela hata na umana ghwetu. Moluo washayo wetu.

2 Timotheo 4:6

Ela kwangu imi ngelo yangu yefunyo sadaka na yefwa yafika.

1 Petro 2:5

Nenyo sa mawe gheo moyo, muwaghalo kele nyumba ya roho, andu mutumikagha sa Wakohani wa Kuela, kele kufunya sadaka za roho, zemuboela Mlungu kwa ngila ya Jesu Kristo.

1 Johana 3:16

Kwa ngila iyi tamanya mashayo, andu Kristo wanafunyile umana ghwake kwa undu ghwetu. Na natose yanatifweni tifunye umana ghwetu kwa undu ghwa wana wakwetu.