Wafilipi 2:15 - UVORO GHWALOLI KWA WANDU WOSE

¹⁵ Eri mkale simowesi makosa na muo muelile sa wana wa Mlungu, weo kele urumengu ghwa laghelaghe na ghwa wandu wa kaung'a. Inyo mung'ale ghati yawe selyi ndonde zing'alagha kele urumengu ghwa kiza,

Wafilipi 2:15 Iomraidhean Croise

Matayo 10:16

“Loleni namutuma sa ng'onzi ghati ya turugha; kwa hung'u mkale walachu sa nyoka na wa mbole sa maringo.

Matayo 17:17

Jesu katumbulila, “Inyo kivali chelaghaya na sichedumusagha! Nikalanyagha nenyo hata nini? Nirumaghianyagha nenyo hata nini? Mleteni kwangu.”

Matayo 5:45

eri mukale wana wa Tatio wenyu ewo mlunguni, kwani iye wanawahawagha ijuwa lyake wandu waloli na wawase, na wanawanyeselagha mvula wahachi na siweo wahachi.

Matayo 5:48

Ndamu ni suti mukale waloli kamare selyi Tatio ewo mlunguni ewo waloli.

Luka 1:6

Nawo wose weluo wandu wa hachi hambiri ya Mlungu, wekeghenda kuirimana na milomu na malaghizo gha Bwana sikweo na makosa.

Luka 6:35

Ela washaeni wamaiza wenyu, na muwadeile kirani, kopesheni na simwakoseree kuujisilo, nenyo mjepata manosi mabwaa mlunguni, na mujekala wana wa Mlungu wa Ighulu. Kwani ni waloli kwa awa siweo na asanta na walaghelaghe.

Johana 5:35

Johana oluo sa taa iwakagha na kung'ala, nenyo moboelelo kwa ngelo njache ni mlangazi ghwake.

Madeo 2:40

Petro kawavoya kwa malagho mengi, kaghamba, “Kukizeni inyo wenyi na kutaghanyo kujilagha wandu awa wa laghelaghe.”

Madeo 20:30

Na kujeja ngelo wandu wamoju wenyu wejeghora ndimi eri wawarute awa wadumuse gasi yawe.

Waroma 16:19

Kila mundu wanasikile gha kudumusilika kwenyu kele Injili na kwa undu ughu nio na kuboelo kwa undu ghwenyu. Nanashaile mkale walachu kele ghaloli, ela kele ulaghelaghe simwakale na makosa.

1 Wakorintho 1:8

Iye ujemulinda inyo hata kudua, eri simwakale na ikosa lyingi kele Ijua lya Bwana wetu Jesu Kristo.

2 Wakorintho 6:17

Kwa hung'u fumeni ghati yawe na mukusaghule, waghamba Bwana, simwawate icho chiluwe; nemi nijemuhokera.

Waefeso 5:27

eri akupatile ikanisa lyaloli silyewesi ilibo ango kuhurika ango ghengi sa agho. Ela lyikale lya kuela silyewesi makosa.

Wafilipi 1:10

eri mpate kusaghula gheo ghaloli. Nao ima mkale muelile simwowesi ilibo kele Ijua lya Kristo.

Wafilipi 3:6

Nemi neluo na chadi kibwaa hata nikalyitirira ikanisa na kwa kuirima hachi ya sheria seluo na makosa.

1 Wathesaloke 5:23

Mlungu uyu atipatilagha sere amudee mkale waeli kwa kila ngila na kumulinda roho, ngolo, na mili yenyu, simwakale na ikosa lyingi ngelo ekujagha Bwana wetu Jesu Kristo.

1 Timotheo 3:10

Nawo yanawafweni watimo jako, na ilyi wasima, watumike sa wawaruri.

1 Timotheo 3:2

Askofu ni suti akale mundu sewesi makosa, akale mundu wa muke mumojori, adeagha malagho kwa kiasi, akumangisagha mwenyi, adeagha malagho kirani, ewo na ishima na edimagha kufundisa,

1 Timotheo 5:14

Kwa hung'u ndeona ni kirani wake wafwililo ni walume wawe weo wa irika wauso, wavale wana, na kutunza nyumba zawe, na kwa ngila iyi tiime wamaiza wetu kughora laghelaghe ighulu yetu.

1 Timotheo 5:20

Walye wedeagha kaung'a, uwakemele hambiri ya wandu wose, eri wazima waoghe.

1 Timotheo 5:7

Waghorere malagho agha, eri mundungi wawe saono na makosa.

Tito 1:6

mghosi akale mundu sewesi makosa ghengi, mlume ausile muke mumojori na ewo na wana wadumuse na siwewo walaghelaghe ango visikiriwi.

Tito 2:10

hata siwawaiwile, ela wawaonyeze ngelo zose ni waloli na wadumusiliki, na kwa kudea hung'u kele kila ilagho, walete nguma yaloli kwa mafundiso gha Mlungu Mkizi wetu.

Tito 2:15

Fundisa malagho agha, na utumie udimo ghwako kuwakumba ngolo na kuwakemela awa wekusikizilagha. Swadumuse mundungi akumenyese.

Wahebrania 7:26

Kwa hung'u, Jesu ni Mkohani Mubwaa edimagha kutikatisila ghalye tishaile. Iye ni wa kuela, amweni kwake sikwesi ikosa ango kaung'a; naye wanaikilo mbali na wakaung'a na kajoso ighulu mlunguni.

1 Petro 2:12

Mkale na mghendo ghwaloli kwa wandu wa mbari nzima, eri ilyi wamushtaki kwa kudea laghelaghe, waone madeo ghenyu ghaloli, wamkase Mlungu kele Ijua lyake lyeja.

1 Petro 2:9

Ela inyo ninyo mbari isaghulo, Wakohani wa Mzuri, Mbari ya Kuela, wandu wa Mlungu, musaghulo kueresa madeo gha Mlungu gha mashiniko, naye wanamfunyile kufuma kizeni na kumungiza kele mlangazi ghwake ghwa mashiniko.

2 Petro 3:14

Kwa hung'u washayo, ngelo mudafuriragha agha, deeni chadi kukala muelile na simweo na makosa hambiri ya Mlungu na kukala na sere naye.

Ufunuo 2:5

Kumbuka alye andu ugwilile! Ughaluke kufuma kele kaung'a na udee ghalye oluo kodea ko hambiri. Kwalegha kusigha kaung'a zako, nikujagha kwako na niuse kiwaniko chako cha taa kufuma andu chio.

Ufunuo 3:9

Sikizila! Kwa undu ghwa walye wandu weo bonjo ya Shetani; walye waghori ndimi kamba ni Wayahudi na si Wayahudi wengi. Nijewadea weje wadamike kele maghulu ghako. Nawo wose wejemanya kamba nanakushaile.