Wafilipi 2:13 - UVORO GHWALOLI KWA WANDU WOSE

¹³ Kwani Mlungu wanadeagha kazi amweni kwenyu kwa kushaya na udeagha kuirimana na ghaloli aghapangile.

Wafilipi 2:13 Iomraidhean Croise

Luka 12:32

“Simwaoghe inyo uranu mchache, kwani yamuboela Tatio kumuhawa Uzuri.

Luka 2:14

“Ubwaa kwa Mlungu wa Ighulu na Sere aha msangeni kwa wandu eboelanyogho nawo.”

Johana 3:27

Johana katumbulila, “Sikwesi mundungi edimagha kupata kindu chingi sehawilo ni Mlungu.

Johana 6:45

Yanawandiko ni wana tondolo kamba: ‘Nawo wose wejefundiso ni Mlungu.’ Kila mundu emusikilagha Aba na kukufundisa kufuma kwake, wanakujagha kwangu.

Johana 6:65

Naye kawauza, “Ichi nicho chausa cha kumuza kamba mundungi sekujagha kwangu sedimiso ni Aba.”

Madeo 11:21

Nao kwa kukala weluo na ndighi za Bwana, wakadea wandu wengi wadumuse na kumughalukila Bwana.

Waroma 12:3

Na kwa undu ghwa mbazi nihawilo ni Mlungu, ndemuza inyose: simwakuririkanyile inyo wenyi kukala wabwaa kuchumba selyi imfweni. Ela maririkanyo ghenyu ghakale ghafweni, na kila mumoju apime mwenyi idumusi ilyi ahawilo ni Mlungu.

Waroma 9:11

Ela eri kamba usaghulo ghwa mwana mumojori ghukatise ghalye Mlungu ashaile,

Waroma 9:16

Kwa hung'u, siitegemea kushaya kwa mundu ango chadi chake, ela ni mbazi ya Mlungu.

1 Wakorintho 12:6

Kuwo na udimo ghuchumbane ghotumika, ela Mlungu ni ulya mwenyi afunyagha udimo kwa wose kwa utumishi ghwawe.

1 Wakorintho 15:10

Ela kwa mbazi ya Mlungu nio selyi nio, na ilya mbazi anihawile siyeluo ya tuu, ela nanadeile kazi kuwachumba watumo wose, ela simi ungi, sala ni mbazi ya Mlungu yeluo ikedea kazi amweni kwangu.

2 Wakorintho 3:5

Si kughamba tadima isi wenyi kudea kindu chingi, ela kudima kwetu kwafuma kwa Mlungu.

Waefeso 1:11

Kwa undu ghwa Kristo, tanasaghulo kuirimana na kuona kwake Mlungu selyi eshaile kila kindu chikale.

Waefeso 1:5

Naye Mlungu kwa mashayo ghake katisaghula kukala wana wake kwa ngila ya Jesu Kristo.

Waefeso 1:9

Mlungu katimanyisa kihambiri ivi vivisike kwa kushaya kwake mwenyi, selyi eshaile kudea kwa ngila ya Kristo kele ngelo yake.

Waefeso 2:8

Kwani ni kwa mbazi yake mwakizo kwa idumusi, si kwa madeo ghenyu ghengi, ela ni inosi lya Mlungu,

2 Wathesaloke 1:11

Kwa undu ughu tamlombela kila ngelo. Tamulomba Mlungu wetu amdee mufwane uku kuito kwenyu muitililo, amuhawe ndighi zemudimisa kukatisa ghaloli ghose na kazi iketi ya idumusi.

2 Timotheo 1:9

Naye Mlungu wanatikizile na kutipang'a tikale wandu wake, si kwa undu ghwa madeo ghetu anduangi, ela ni kwa kushaya na mbazi yake. Wanatihawile mbazi yake kwa ngila ya Kristo Jesu hambiri ya kudyowa kwa ngelo,

Wahebrania 13:21

Mlungu wa sere amuhawe vindu vose valoli vilya muvishaile eri mudee mashayo ghake, naye kwa ngila ya Jesu Kristo adee amweni kwetu ghalye ghedimagha kumuboela. Ubwaa ghukale kwa Kristo kwa kale na kale. Ameni.

1 Petro 1:3

Akaso Mlungu na Aba wa Bwana wetu Jesu Kristo! Kwa mbazi yake nyingi wanatihawile umana mwishi kwa kumuzusa Jesu Kristo kufuma kwa wafwa na katihawa ikosereo lya umana,