Wafilipi 1:27 - UVORO GHWALOLI KWA WANDU WOSE

²⁷ Ndamu ilagho ibwaa ni ilyi, mghendo ghwenyu ghukale karakara na Injili ya Kristo, eri ilyi neja kumwona ango nisejile, nisikile kamba mwanamangile na muo wandu wa ilengo imojori na kwa ngolo mojori mwawatana mkelwana kwa undu ghwa idumusi lya Injili.

Wafilipi 1:27 Iomraidhean Croise

Matayo 12:25

Nao Jesu kemanya maririkanyo ghawe kawauza, “Uzuri ugho ghose ghusarikagha ghwenyi sighudimagha kukala, na muzi ango nyumba isarikanagha siidimagha kumanga.

Madeo 2:46

Na kila ijua, weluo wekekughana ngila mojori Hekaluni; na kuvunja mkate nyumba kwawe, wekelya chakulya kwa kuboelo na kwa ngolo ya ishima.

Madeo 24:24

Nao nyuma ya majua machache Filikisi keja na mkwake Drusila eluo Myahudi. Naye katumana Paulo aleto na wamusikizile kehelea malagho gha idumusi lya Kristo Jesu.

Madeo 4:32

Nao wandu wose wedumuse weluo na ngolo na roho mojori. Hata mundungi seluo keghora kamba kindu eluo nacho ni chake mwenyi, kwani vindu vose veluo va ngaro.

Waroma 1:16

Imi nadumusa kamare Injili, kwani ni ndighi ya Mlungu iwakizagha wandu wose wadumusa: Wayahudi na siweo Wayahudi.

Waroma 1:5

Na kwa ngila yake nanapatile mbazi yekala mtumo, eri niwalongoze wandu wa mbari zose kele kumdumusa na kumsikila.

Waroma 1:9

Mlungu uyu nimtumikilagha kwa ngolo yangu yose kele kuchila Ilagho Lyaloli lya Mwana wake, niye shahidi amanya kamba nanamkumbukagha

Waroma 10:8

Ela Mawandiko gheghoragha ije? “Ilagho lya Mlungu lyio avui newe, kele mlomu ghwako na ngoloni kwako” ilyi ni ilagho lya idumusi tilyichilagha.

Waroma 15:16

yekala mtumishi wa Kristo Jesu kwa kazi ya wandu wa mbari nzima. Nadea kazi sa mkohani yechila ilagho lyaloli kufuma kwa Mlungu, eri kamba wandu wa mbari nzima wakufunye wakale sadaka idumusilogho ni Mlungu ieleso ni Roho wa Kuela.

Waroma 15:29

Ngelo nikujagha kwenyu, namanya kamba nijeja ngila mojori na mubaraka ghuketi ghwa Kristo.

1 Wakorintho 1:10

Nendemuvoya wana wakwetu, kwa Izina lya Bwana wetu Jesu Kristo, msikilane kele ghalye mughoragha, eri sikwakale na kusarana ghati yenyu. Muwatane, mkale na maririkanyo ghamojori na ilengo imojori.

1 Wakorintho 15:58

Kwa hung'u, wana wakwetu washayo, mangeni na simwanyavurike, mutumikileni Bwana kwa chadi ngelo zose, kwani mwamanya kamba kazi mudeagha kwa undu ghwa Bwana si nduu ingi.

2 Wakorintho 13:11

Na ndamu wana wakwetu, namulaga. Ghololeni mighendo yenyu, wateni ghalye nimuhawile; pataneni na kila mumoju, mkekala na sere. Na Mlungu wa mashayo na sere ujekala nenyo.

2 Wakorintho 4:4

Mlungu wa ughu urumengu niye awadea kukala vifondo wa akili awa siwedumusagha, eri siwaone mlangazi ghwa Injili ya ubwaa ghwa Kristo, uyu ewo wa ifwani lya Mlungu.

2 Wakorintho 9:13

Kwa undu ghwa kukatiso ughu utumishi, wengi wemuhawagha Mlungu ubwaa kwa udumusiliki ghwenyu kele Injili ya Kristo muichilagha; na kwa ishima lya manosi ghenyu mwasaranya nawo na wandu wose.

Wagalatia 1:7

Kughora fulo sikuwesi “Injili ingi nzima,” ela naghora hung'u kwa kukala kuwo wandu wemughalulagha inyo na wetimagha kughalula Injili ya Kristo.

Waefeso 1:13

Nenyo nanyose mughenda musikila uvoro ghwa fulo ghwa Ilagho Lyaloli lya ukizi ghwenyu, mukamudumusa Kristo, naye Mlungu kamkwita muhuri kwa kumujuza Roho wa Kuela etilagile.

Waefeso 1:15

Kwa hung'u, nighenda nisikila gha idumusi lyenyu kwa Bwana Jesu Kristo, na selyi muwashaile wandu wa Mlungu,

Waefeso 4:1

Kwa hung'o, namulomba imi nio mfungo kwa undu ghwa kumtumikila Bwana, mghende karakara sa kupang'o kwenyu ni Mlungu,

Wafilipi 1:5

kwa kukala mwananiwarure kele kazi ya Injili kufuma kudyowa hata lelo.

Wafilipi 2:12

Kwa hung'u, washayo wangu, ni selyi kwenyi moluo mkenisikila, munisikile ndamu ngelo iyi sitekezanye kuchumba ngelo ilya tekezanye. Deeni kazi kwa wogha na kugaganika kwa undu ghwa ukizi ghwenyu

Wafilipi 2:24

Nemi nadumusa kwa Bwana kamba namose nadima kuja kafwani.

Wafilipi 3:18

Kwani namughorera kengi na ndamu sena ndemughorera na mbori meso, kuwo wengi wendekala wamaiza wa msalaba ghwa Kristo.

Wafilipi 3:20

Ela isi nisi wakidina wa mlunguni na kufuma mlunguni timudafuriragha Mkizi, Bwana Jesu Kristo.

Wafilipi 4:1

Kwa hung'u, wana wakwetu washayo, nio na beha yewaona, inyo ninyo mabwelo ghangu na kofia ya usimi ghwangu, mangeni kele Bwana washayo.

Wakolosai 1:10

Eri mpate kukala selyi Bwana ashaile, Aho mjemuvalila mavalo gha madeo ghaloli na kujuzilika kele kumumanya Mlungu.

Wakolosai 1:4

kwa kukala tasikila gha idumusi lyenyu kele Kristo Jesu na mashayo muo nagho kwa wandu wose wa Mlungu.

1 Wathesaloke 3:6

Ela ndamu Timotheo wauya kwetu na watiletela uvoro ghwaloli ghwa idumusi na mashayo ghenyu. Watighorera kamba mwanatiririkanyagha kirani na mwanashaile kutiona selyi tishaile timwone.

1 Wathesaloke 4:1

Kuduweni, wana wakwetu, mwanakufundise kufuma kwetu selyi imufweni kukala eri kumuboela Mlungu. Nako hung'u niko kwenyi mukalagha. Na ndamu tendemlomba na kumvoya kwa izina lya Bwana Jesu mudee hung'o kuchumba.

1 Timotheo 1:11

Mafundiso agho ghaloli ghapatikana kele Injili iyo imi niikilo kuichila, Lyilya Ilagho Lyaloli lya ubwaa na lyibarikio ni Mlungu.

1 Timotheo 1:19

Kowata idumusi lyako kwa ngolo yaloli. Wandu wamoju kwa kulegha kusikila gheo ngoloni kwawe, wahakila idumusi lyawe.

2 Timotheo 4:7

Nadea chadi kele kukimbila kubwaa, Namalila kukimbila kose na nalyilinda idumusi.

Tito 2:10

hata siwawaiwile, ela wawaonyeze ngelo zose ni waloli na wadumusiliki, na kwa kudea hung'u kele kila ilagho, walete nguma yaloli kwa mafundiso gha Mlungu Mkizi wetu.

Filemoni 1:5

kwa kukala nanasikilagha gha mashayo ghako na idumusi kwa Bwana Jesu na kwa wandu wose wa Mlungu.

Jakobo 3:18

Na hachi ni mavalo ghevalogho ni mbeu ziwandogho kele sere ni wadei sere.

2 Petro 3:11

Na kwa kukala vindu ivi vose vijehakilo kwa ngila iyi, yanafweni mukale wandu wafweni ije? Yanafweni mukale wandu wa kuela na mukufunyile kwa Mlungu,

2 Petro 3:14

Kwa hung'u washayo, ngelo mudafuriragha agha, deeni chadi kukala muelile na simweo na makosa hambiri ya Mlungu na kukala na sere naye.

Juda 1:3

Washayo, kwa kukala neluo na beha yemwandikila ighulu ya ukizi tio nagho itose, naona ni suti nimwandikile shwa ng'ori kumukumba ngolo yelyilwanila idumusi lyenyu ilyo Mlungu ahawile wandu wake wose kamojori.