Wafilipi 1:20 - UVORO GHWALOLI KWA WANDU WOSE

²⁰ Nagho agha nigho beha na makosereo ghangu eri safwishike waya ghungi, ela kwa mighori, indakwenyi na kila ngelo Kristo ahao ishima kele muli ghwangu, ikalagha ni kwa kukala moyo ango kufwa.

Wafilipi 1:20 Iomraidhean Croise

Johana 21:19

(Naye Jesu oghorire agha kuonyeza ni kifwa muni Petro efwighagha eri kumlika Mlungu.) Naye kamuza, “Niirime.”

Madeo 20:24

Ela imi sitalagha kungi umana ghwangu kukala ni kindu chingi kwangu, baha nikatise utumo ghwangu na kumalila kazi Bwana Jesu anihawile, ya kuereso Ilagho Lyaloli lya mbazi ya Mlungu.

Madeo 21:13

Ela iye kaghora, “Nini icho mudeagha, mwendelila na kuniulagha ngolo? Nio tayari, si kufungo tu Jerusalemu, ela hata kuulagho alye kwa undu ghwa izina lya Bwana Jesu.”

Madeo 4:31

Nawo wamalila kulomba, alye andu wekoghanile kukasughusika. Nawo wakajulo ni Roho wa Kuela wose, wakadyowa kuchila ilagho lya Mlungu siweo na wogha.

Waroma 12:1

Kwa hung'u wana wakwetu, kwa kukala Mbazi ya Mlungu ni mbwaa kwetu, namlomba: Mkufunye inyo wenyi kwa Mlungu sa sadaka, iwo moyo ielile na imuboelagha Mlungu. Ughu nigho utasi ghumfweni kumtasa Mlungu.

Waroma 5:5

Ikosereo ilyo silyidimagha kutifwisha waya, kwa kukala Mlungu watitilila mashayo ghake ngoloni kwetu kwa Roho wa Kuela, uyu ewo inosi lya Mlungu kwetu.

Waroma 6:13

Hata simwafunye kiungo chingi cha mili yenyu kwa kaung'a chitumio kwa ulaghelaghe, ela kufunyeni inyo wenyi kwa Mlungu sa wandu mfunyilo kufuma kifweni hata kele umana, na mkufunye putu kwake amtumie kwa ngila yake ya hachi.

Waroma 6:19

Natumia malagho ghawanguwe kwa undu ghwa unyonge ghuo amweni kwenyu. Kwani selyi ngelo moju mokufunyile putu kukala wasunyi waluwe na wawase, kwa undu ghwa ulaghelaghe. Niko kwenyi imfweni ndamu mkufunye putu putu kukala wasunyi wa uhachi, kwa undu ghwa ghalye ghaelile.

Waroma 8:19

Vindu vose viumbilo vio vikedafurira kwa beha kuona Mlungu kewamanyisa wana wake.

Waroma 9:33

Selyi Mawandiko gha Kuela gheghoragha, “Lola, naika iwe Zioni Lyideagha wandu wakwalo; Lwala luwadeagha wagwe, Ela uwo wose emdumusagha iye, sejefwishika waya.”

1 Wakorintho 15:31

Nafwa kila ijua wana wakwetu! Kukukasa nio nako kwa undu ghwenyu, kwa umana ghowataniso ni Kristo Jesu Bwana wetu kwanidea nighore hung'u.

1 Wakorintho 6:20

Mwanaghulilo kwa zoghori. Kwa hung'u tumieni mili yenyu kwa ubwaa ghwa Mlungu.

1 Wakorintho 7:34

kwa hung'u wasarika gasi mbili. Muke seusilo ango seweni mlume wanakusirimisagha mwenyi na kazi ya Bwana. Kwa kukala wanashaile kukala wa kuela muli na roho, ela muke ausilo wakusirimisa na gha urumengu eri amuboele mlume wake.

2 Wakorintho 10:8

Kwani sitifwighagha waya hata ngera sani takukasa na ndighi kwa nguma atihawile Bwana. Nguma atihawile ni yemuwaghala inyo na si yemufuchula kungi.

2 Wakorintho 3:12

Ndamu kwa kukala tio na ikosereo ilyi, sitiwesi wogha ghungi.

2 Wakorintho 4:10

Ngelo zose kele muli tatwala kifwa cha Kristo eri umana ghwa Kristo naghose ghuonekane kele mili yetu.

2 Wakorintho 5:15

Iye wanafwile kwa undu ghwa wose, eri walye weo moyo siwakale moyo kwa undu ghwawe ghwenyi, ela kwa undu ghwa Iye afwile na kazuka kwa undu ghwawe.

2 Wakorintho 7:14

Kwa kukala ngera nimukasile inyo kwake, sifwishike waya, ela kwa kukala tanaghorire fulo kwenyu, aho kukukasa kwetu hambiri ya Tito kukakala kwa fulo.

2 Wakorintho 7:4

Nio na idumusi nenyo; nakukasa nenyo. Napata usarusi kele masirimi ghangu ghose na mabwelo na ndighi.

Wafilipi 1:14

Nako kufungo uku kwawahawa uing'oni wana wakwetu kele Bwana, waghore ilagho lya Mlungu sikweo na wogha.

Wafilipi 2:17

Hata bighati ya umana ghwangu ikatika sa mafunyo kele sadaka ya idumusi lyenyu. Nikalagha na kubwelo ngila mojori nenyo.

Wakolosai 1:24

Ndamu nio na maboelo kwa masirimi ghangu kwenyu, kwani kwa kusirima kwangu nawarura kukatisa kusirima kwa Kristo kwa muli ghwake, nilyo ikanisa.

1 Wathesaloke 5:23

Mlungu uyu atipatilagha sere amudee mkale waeli kwa kila ngila na kumulinda roho, ngolo, na mili yenyu, simwakale na ikosa lyingi ngelo ekujagha Bwana wetu Jesu Kristo.

1 Petro 4:16

Ela mundu katiriro kwa kukala Mkristo, safwishike waya, ela amkase Mlungu kwa kuito mundu wa Kristo.

1 Johana 2:28

Ndamu wanake, kaleni amweni kwa Kristo, eri ngelo eonekagha mumange na simwanyavurike na kufwishika Ijua ekujagha.