Wafilipi 1:11 - UVORO GHWALOLI KWA WANDU WOSE

¹¹ Mukejuzo mavalo gha hachi ghepatikanagha kwa Jesu Kristo, ghamhawe Mlungu ubwaa na kukaso.

Wafilipi 1:11 Iomraidhean Croise

Matayo 5:16

Nenyo hung'u kwenyi mlangazi ghwenyu ghulangaze hambiri ya wandu, hata waone madeo ghenyu ghaloli na wamlike tatio ewo mlunguni.

Johana 15:16

Inyo simunisaghule imi kungi, ela nimi nimusaghule inyo na kumwika eri mughende muvale mavalo mengi, na mavalo ghenyu ghatule; eri icho chose mlombagha kwa Aba kwa izina lyangu, amuhawe.

Johana 15:2

Iye wapasa kila mbashe amweni kwangu siyevalagha mavalo, na waboesela kila mbashe ivalagha mavalo, eri ivale mavalo mengi.

Johana 15:8

Kwa hung'u Aba ulikogho, mkavala mavalo mengi, na kukala wairimi wangu.

Waroma 15:28

Ilyi namalila iyi kazi na nikawahawa pesa zose zichangilo kwa undu ghwawe, nijeuka kughenda Spaini na nijeitila kwenyu nikeghenda alye.

Waroma 6:22

Ela ndamu mwafungulo kufuma kele kaung'a na ninyo wasunyi wa Mlungu, Faida yenyu ni kueleso, na mwapata umana ghwa kale na kale.

1 Wakorintho 10:31

Kwa hung'u kila ilagho mudeagha, ngera ni kulya ango kunwa, deeni ghose kwa undu ghwa ubwaa ghwa Mlungu.

2 Wakorintho 9:10

Naye Mlungu uyu amuhawagha mwandi mbeu na chakulya chake, ujemuhawa na kumujuzila, nazo zijemuvalila mvono mungi ghwa hachi yenyu.

Waefeso 1:12

Kwa hung'u, isi tio wa hambiri wa ikosereo lya Kristo, yanatifweni tikase ubwaa ghwake.

Waefeso 1:14

Naye Roho watimanyisa tipatagha ghose Mlungu alagile wandu wake awakombole. Ubwaa ghwake ghukaso.

Waefeso 2:10

Kwani isi nisi kazi ya Mlungu, tiumbilo kele Kristo Jesu kwa undu ghwa kazi zaloli aziikile Mlungu kufuma aho, eri tizidee

Waefeso 5:9

kwani mavalo gha mlangazi ghanaonekagha kele ghose gheo ghaloli na gha hachi na gha fulo.

Wafilipi 4:17

Si kughamba nendeshaya manosi, ela nanashaile mavalo ghajuzilike kele isabu lyenyu.

Wakolosai 1:10

Eri mpate kukala selyi Bwana ashaile, Aho mjemuvalila mavalo gha madeo ghaloli na kujuzilika kele kumumanya Mlungu.

Wakolosai 1:6

Iyi yanamufikilile selyi ifikilile urumengu ghose nayo yavala mavalo na kuzegua ghati yenyu kufuma mwaisikila na kuitambula mbazi ya Mlungu ya fulo.

2 Wathesaloke 1:12

Kwa ngila iyi Bwana wetu Jesu uhawogho ubwaa kwa undu ghwenyu, nenyo kwa undu ghwake, kwa ngila ya mbazi ya Mlungu wetu na Bwana Jesu Kristo.

Tito 3:14

Wandu wetu wakufundise kutumia ngelo yawe kwa kudea ghaloli, ghewahawa wandu vindu ivi washaile, siwakale wandu siwefwanagha kindu chingi.

Wahebrania 12:11

Ngelo yose tichapogho yanaonekanagha kwetu kukala si kindu chetidea tiboelo, ela cha kuwasilo. Ela konyuma walye wadeo kukala waloli ni makwito, wapata inosi lya sere lyekala wahachi.

1 Petro 2:12

Mkale na mghendo ghwaloli kwa wandu wa mbari nzima, eri ilyi wamushtaki kwa kudea laghelaghe, waone madeo ghenyu ghaloli, wamkase Mlungu kele Ijua lyake lyeja.

1 Petro 2:5

Nenyo sa mawe gheo moyo, muwaghalo kele nyumba ya roho, andu mutumikagha sa Wakohani wa Kuela, kele kufunya sadaka za roho, zemuboela Mlungu kwa ngila ya Jesu Kristo.

1 Petro 2:9

Ela inyo ninyo mbari isaghulo, Wakohani wa Mzuri, Mbari ya Kuela, wandu wa Mlungu, musaghulo kueresa madeo gha Mlungu gha mashiniko, naye wanamfunyile kufuma kizeni na kumungiza kele mlangazi ghwake ghwa mashiniko.

1 Petro 4:14

Baha inyo ilyi mwatukano kwa kukala ninyo wairimi wa Kristo, aho ni kughora muo na Roho ya ubwaa, Roho ya Mlungu amweni kwenyu.