Wafilipi 1:1 - UVORO GHWALOLI KWA WANDU WOSE

¹ Imi Paulo na Timotheo, watumishi wa Kristo Jesu, kwa wandu wa Mlungu wose wakalagha Filipi, ngila mojori na maaskofu na mashemasi:

Wafilipi 1:1 Iomraidhean Croise

Marko 13:34

Ni karakara na mundu etambagha, keuka kaya kwake wanawasariragha watumishi wake kazi zawe, kila mumoju kazi yake na kumuza mrindiri wa mjango alinde kirani.

Johana 12:26

Uwo wose ashaile kunitumikila, ni suti aniirime; eri andu nio, na mtumishi wangu naese akale awenyi; naye uwo wose enitumikilagha, uhawogho ishima ni Aba.

Madeo 1:20

“Kwani yanawandiko kele chuo cha Zaburi; ‘Nyumba yake ikale nduu; na mundungi sakale aho mweni.’ Sena yanawandiko: ‘Mundu mzima ause ulalo ghwake ghwa utumishi.’

Madeo 20:28

Kulindeni inyo wenyi na ugho uranu ghose muhawilo ni Roho wa Kuela mkale warindiri. Mkale walisa wa ikanisa lya Mlungu alyideile kukala lyake kwa bighati ya Mwana wake.

Madeo 9:13

Anania katumbulila, “Bwana, Nanasikile malagho gha uyu mundu kufuma kwa wandu wengi, selyi asirimise wandu wako Jerusalemu;

Waroma 1:1

Paulo, mtumishi wa Kristo Jesu, na mtumo asaghulo na apang'ilo ni Mlungu kwa undu ghwa kuchila Ilagho Lyake Lyaloli.

Waroma 1:7

Kwa hung'u namwandikila inyose mkalagha Roma mshailo ni Mlungu uyu amsaghule kukala wake. Mbazi na sere ya Mlungu Aba wetu na Bwana Jesu Kristo ikale kwenyu.

1 Wakorintho 16:10

Ilyi Timotheo eja kwenyu, mudeeni sakale na ogha ngelo ewo nenyo, kwa kukala ni mdei kazi wa Bwana sa imi.

2 Wakorintho 1:1

Imi Paulo, mtumo wa Kristo Jesu kwa mashayo gha Mlungu, na wakwetu Timotheo. Tawandika kwa ikanisa lya Mlungu lyio alye Korintho, ngila mojori na wandu wose wa Mlungu wakalagha kila andu Akaya.

Wagalatia 1:10

Ado ndamu nendeshaya kudumusilo ni wadamu ango ni Mlungu? Ango nendeshaya kuwaboela wadamu? Ngera netulagha nikeboela wadamu, macho sewo mtumishi wa Kristo.

Wagalatia 3:26

Ni kwa ngila ya idumusi, inyo inyose mwakala wana wa Mlungu kwa kuwatana na Kristo Jesu.

Wagalatia 3:28

Kwa hung'u sikuwesi machumbano ghengi ghati ya Myahudi na Mgiriki, ghati ya msunyi na mkidina, ghati ya mlume na mke; inyose ninyo kindu kimojori kwa kuwataniso na Kristo Jesu.

Waefeso 1:1

Imi Paulo, mtumo wa Kristo Jesu kwa undu ghwa mashayo gha Mlungu, kwa wandu wa Mlungu weo Efeso, wadumusiliki kele kuwatana na Kristo Jesu:

Waefeso 1:15

Kwa hung'u, nighenda nisikila gha idumusi lyenyu kwa Bwana Jesu Kristo, na selyi muwashaile wandu wa Mlungu,

Waefeso 6:24

Mbazi ya Mlungu ikale kwa wose wamushaile Bwana Jesu Kristo kwa mashayo sigheduagha.

Wafilipi 2:19

Nakoserea Bwana Jesu kashaya, nimtumagha Timotheo kwenyu kafwani, eri nikumbo ngolo kwa kupata uvoro ghwenyu.

Wafilipi 2:5

Ngolo ifweni mkale nayo; ikale ilya yenyi yeluo na Kristo Jesu:

Wafilipi 3:12

Sighambagha kamba namalila kupata ango nakala karakara kungi, ela nio nikekukaza kughenda hambiri nipate lyilya inosi Kristo Jesu anideilile imi nikale wake.

Wafilipi 3:3

Kwani isi nisi tichwilo fulo zenyi na siwo wengi, kwa kukala tanamtasagha Mlungu kwa ngila ya Roho wa Mlungu na tanaboelogho kele Kristo Jesu. Sititalagha gha muli kungi.

Wafilipi 3:8

Kwa fulo navitala vindu vose kukala hasara kwa undu ghwa gheo bora, ghemumanya Kristo Jesu Bwana wangu. Kwa undu ghwake nasigha kila kindu, nikevitala kukala sa mavi eri nimpate Kristo,

1 Wathesaloke 1:1

Imi Paulo, na Silvano, na Timotheo, kwa wandu wa Ikanisa lya Thesalonike, weo wa Mlungu Aba na wa Bwana Jesu Kristo: Mbazi na sere ikale kwenyu.

1 Wathesaloke 2:2

Hata ikanakale tanasirimiso na kufwisho waya alye Filipi selyi mumanyagha; Mlungu wetu wotihawile ngolo kumchilila Ilagho Lyaloli lya Mlungu, hata ngera sani koluo na wandu weluo kinyume kibwaa chetu.

2 Wathesaloke 1:1

Imi Paulo, Silvano na Timotheo; kwa wandu wa ikanisa lya Thesalonike, weo wa Mlungu Aba wetu na wa Bwana Jesu Kristo:

2 Wathesaloke 1:10

ngelo ekujagha Ijua lyepata ubwaa kufuma kwa waeli wake na ishima kufuma kwa wose wadumuse. Inyo nanyose mukalagha wamoju wawe, kwani mwanadumuse agha timughorerere.

1 Timotheo 1:2

Nawandika kwa Timotheo mwana wangu wa fulo kele idumusi: Mbazi, kufwilo waya, na sere ya Mlungu Aba na Kristo Jesu Bwana wetu ikale kwako.

1 Timotheo 3:8

Wawaruri nawose, wakale wandu waloli na siwakale wa lolololo, siwakale wanwi divei na ndighi ango wandu washaile pesa na ndighi.

Tito 1:1

Imi Paulo, mtumishi wa Mlungu na mtumo wa Jesu Kristo. Nanasaghulo na kutumo niwarure idumusi lya wandu wa Mlungu wasaghulo na kuwalongoza kele kumanya fulo ifundisogho ni dini yetu,

Tito 1:7

Kwa kukala askofu ni kilongozi mubwaa wa kazi ya Mlungu, yanamfweni akale mundu sewesi makosa. Ni suti akale mundu seo okukasa ango wa hare za shashowa, ango munarui ango wa kondo ango wa choyo cha pesa.

Filemoni 1:1

Imi Paulo, mfungo kwa undu ghwa Kristo Jesu, na wakwetu Timotheo. Kwa Filemoni, mdei kazi mumbetu

Wahebrania 13:23

Nanashaile mumanye kamba wakwetu Timotheo wanafunyilo kifungoni. Ilyi eja aha kafwani, nijejanya naye ngelo nijeja kumwona inyo.

Jakobo 1:1

Imi Jakobo, mtumishi wa Mlungu na wa Bwana Jesu Kristo, namwandikila inyo wandu wa mbari ikumi na mbili msaghasike urumenguni. Namuroghowa.

1 Petro 2:25

Moluo mwalaghaya sa ng'onzi, ela ndamu mwauya kumwirima Mlisa na mrindiri wa roho zenyu.

2 Petro 1:1

Imi Simoni Petro, mtumishi na mtumo wa Jesu Kristo, nawandika kwenyu muhawilo idumusi lya zoghori mbwaa sa lyetu, kwa ngila ya hachi ya Mlungu wetu na Mkizi Jesu Kristo:

Juda 1:1

Imi Juda, mtumishi wa Jesu Kristo na wakwawe Jakobo, nawandika kwenyu inyo mupang'ilo ni Mlungu, mukalagha kele mashayo gha Mlungu Aba na muo kele ulindiri ghwa Jesu Kristo:

Ufunuo 1:1

Ughu ni Ufunuo ghwa Jesu Kristo ahawilo ni Mlungu eri aghuonyeze kwa Watumishi wake, ya ghalye gheluo ni suti ghakale kafwani. Kristo wanadeile agha malagho ghamanyikane kwa mtumishi wake Johana kwa kumtuma malaika wake kwake;

Ufunuo 1:20

Uku niko kutambula kwa ngasu ya ndonde mfungate zilya uzionile kele mkonu ghwangu ghwa kijo na viwaniko mfungate va taa za zahabu: ndonde mfungate ni wana malaika wa makanisa mfungate na viwaniko mfungate va taa ni makanisa mfungate.

Ufunuo 19:10

Nao nikagwa hubu maghuluni kwake nikamtasa, ela kaniuza, “Swadee hung'u! Kwani imi nimi mtumishi mumbenyu sa uwe na wana wakwenyu, walye wose wawatagha fulo ilya ifunukulo ni Jesu. Mtase Mlungu.” Kwani ilya fulo ifunukulo ni Jesu niyo roho ilongozagha wana tondolo.

Ufunuo 2:12

“Kwa malaika wa ikanisa lya Pergamoni wandika: “Ughu nigho uvoro kufuma kwa ulya ewo na lufu lukalile gasi zose.

Ufunuo 2:8

“Kwa malaika wa ikanisa lya Smurna wandika: “Ughu nigho uvoro ghufumagha kwa ulya ewo wa hambiri na wa kudua, uyu efwile na ewo moyo.

Ufunuo 22:9

Ela kaniuza, “Swadee hung'u! Imi nimi mtumishi mumbenyu na wa wana wakwenyu wana tondolo na walye wose wawatagha malagho gha ichi chuo. Mtase Mlungu!”