Marko 4:16 - UVORO GHWALOLI KWA WANDU WOSE

¹⁶ Na wandu wazima ni sa mbeu ziwandilo kele mawe; awa wasikila ilagho na kulyihokera kwa kuboelo;

Marko 4:16 Iomraidhean Croise

Matayo 13:5

Mbeu zimoju zikapotoka maweni andu sikowesi msanga ghuketi. Zikafuma iyo shwa na kwa kukala sikowesi msanga ghuketi.

Marko 4:15

Na wandu wamoju ni sa mbeu ziwandilo kele ngila; awa wasikila ilagho, na shwa ng'weri Shetani weja na kulyifunya ilagho lyiwandilo amweni kwawe.

Marko 4:17

ela siwawesi miriginga ingi amweni kwawe. Warumaghia kachache na ngelo ya kusirimiso ango kugusoguso ilyi yeja kwa undu ghwa ilagho, wasigha idumusi.

Marko 6:20

Kwa kukala Herode oluo kemwogha Johana, kwani omanyile ni mundu wa hachi na wa kuela. Naye kamlinda kirani. Nao Herode aghenda amsikizila kamshinisa, ela hata hung'u kamsikizila kwa kuboelo.

Luka 8:13

Na zilya zipotoke lwaleni ni walye wesikilagha ilagho na kulyihokera kwa kuboelo, ela siwawesi miriginga, wadumusa kwa ngelo, ela ngelo ya matimo ikeja wasigha idumusi.

Johana 5:35

Johana oluo sa taa iwakagha na kung'ala, nenyo moboelelo kwa ngelo njache ni mlangazi ghwake.

Madeo 26:28

Agripa kamuza Paulo, “Kwa ngelo iyi mvui wo kavui kunidea nikale Mkristo?”

Madeo 8:13

Hata Simoni naese kadumusa; naye aghenda abatizo, kakalanya na Filipo; kashiniso ni alama na wana mwakilimbita weluo wekedeo.