Marko 13:9 - UVORO GHWALOLI KWA WANDU WOSE

⁹ “Ela kulindeni inyo wenyi, kwani mjeghenzo kwa waghosi mtaghanyo, na mjekwito kele masinagogi; na mjeiko kimusi kwa wabwaa wa isanga na wazuri kwa undu ghwangu, eri mpate kuwaghorera Ilagho Lyaloli.

Marko 13:9 Iomraidhean Croise

Matayo 5:22

Ela imi namuza uwo wose emudeilagha wakwawe hare bule, yanamfweni kutaghanyo; na uwo wose emutukanagha wakwawe yanafweni aghenzo kele Baraza na uwo wose emwitagha wakwawe ‘Mpumbavu uwe’ yanamfweni kungizo motoni ghwa Jehanamu.

Marko 1:44

kemuza, “Ola swamghorere mndungi, ela ghenda kwa mkohani ukuonyeze, na ufunye sadaka ya kuombochoka kwako, selyi Musa alaghize, eri wandu wamanye kamba waboa.”

Marko 13:5

Nao Jesu kadyowa kuwauza, “Lindeni simwalongozo laghelaghe.

Marko 13:8

Kwani mbari ijelwana na mbari, na uzuri ghujelwana na uzuri. Kujekala na mitetemo ya isanga andu kungi, kujekala na njala; uku niko sa kudyowa lwambo lovala.

Marko 6:11

Nao ngera muzi ghungi ghwalegha kumhokera ango kusikila malagho ghenyu, ngelo yefuma alye, wanguleni vumbi iwo kele nywayo zenyu. Ilyi lyikalagha ionyo kwawe.”

Luka 9:5

Na andu kose simohokero, mkefuma ghulya muzi mughungudule vumbi iwo kele nywayo zenyu ikale ushuhuda kwawe.”

Johana 15:20

Kumbukeni selyi nimughorere, ‘Mtumishi si mubwaa ungi kumwisa bwana wake.’ Ngera wanisirimise imi, wemusirimisagha nanyose. Ngera wewatile ghore zangu, wewatagha zenyu na zose.

Johana 16:2

Nawo wejemfunya kele sinagogi, hata ngelo ikujagha kila mundu emuulaghagha inyo uririkanya kamba ondemtumikila Mlungu.

Madeo 21:11

Naye aghenda eja kwetu, kausa mkoa ghwa Paulo, kakufunga mwenyi nagho mikonu na maghulu ghake, kaghamba, “Hung'u niko Roho wa Kuela eghoragha, Mundu wa mkoa ughu ujefungo hung'u ni Wayahudi Jerusalemu. Nawo wejemufunya kwa wandu wa mbari nzima.”

Madeo 7:54

Nao waghosi wa Baraza wamusikila Stefano keghora hung'u, wakawasilo, na kukengeresha majegho kwa hare,

Madeo 9:16

Na imi nijemwonyeza ghose afweni asirime kwa undu ghwangu.”

Wafilipi 1:29

Kwani mwanahawilo kumutumikila Kristo si kwa kumdumusa tu, ela hata kusirima kwa undu ghwake.

2 Wathesaloke 1:5

Agha ghose gheonyezagha kamba utaghanyi ghwa Mlungu ni ghwa hachi na kwa undu ughu, mufwanagha kwa uzuri ghwa Mlungu, ughu musirimiragha.

2 Johana 1:8

Kulindeni, eri simojehaitisa ghalye mughadeilile kazi, ela mulyipate inosi lyenyu lyose.

Ufunuo 1:9

Imi Johana wakwenyu, na mwirimi wa Jesu, awatane nenyo kele kurumaghia masirimi ghalye ghewapatagha awo weo wa uzuri ghwake. Nanaikilo kele Kisiwa cha Patmo kwa undu ghwa kuchila ilagho lya Mlungu na ilya fulo Jesu aifunukulagha.

Ufunuo 2:10

Swaoghe ghalye malagho gheo avui kukusirimisa. Lola! Shetani ujekutima kwa kuwadea wamoju wangizo kifungoni, nagho masirimi ghake ghejetula kwa majua ikumi. Uwe ukale mdumusiliki kwangu hata ngera sani ni suti ufwe, nemi nijekuhawa inosi lya umana kwa usimi ghwako.

Ufunuo 2:13

Nanaweni andu ukalagha ni andu kuwo na kifumbi cha nguma cha Shetani. Uwe nuwe wa fulo kwangu imi, nawe sulyisighile idumusi lyako kwangu hata ngelo ya majua gha Antipas, mshahidi wangu mdumusiliki aulaghilo alye andu Shetani akalagha.