Luka 7:6 - UVORO GHWALOLI KWA WANDU WOSE

⁶ Kwa hung'u Jesu kaghendanya nawo. Nao afika kavui na nyumba, ulya ofisa katumana wagheni wake, kumuza, “Bwana, swakusirimise, kwani imi sifweni uwe ungile nyumba kwangu.

Luka 7:6 Iomraidhean Croise

Matayo 20:28

Selyi Mwana wa Mdamu sejile kutumikilo, ela kutumika na kufunya umana ghwake kukombola wandu wengi.”

Matayo 3:11

Imi namubatiza kwa meji kuonyeza mwariha; ela uyu ekujagha nyuma yangu uwo na ndighi kuniisa imi; hata vilatu vake siinifweni kuvitwala. Iye ujemubatiza kwa Roho wa Kuela na moto.

Marko 5:24

Nao Jesu kaghendanya naye na wandu wakamwirima na kumtindirira.

Luka 5:8

Nao Simoni Petro aghenda aona agha, kadyaya ngokoro kwa Jesu keghamba “Uka kwangu, Ee Bwana, kwani imi ni mundu wa kaung'a.”

Luka 7:4

Nawo weja kwa Jesu wakamungolongola wekeghamba, “Yanafweni fulo umudeile hung'u.

Luka 7:5

Kwani wanashaile mbari yetu na niye atiwaghalile sinagogi yetu.”

Luka 7:7

Kwa hung'u neonile sifweni kuja imi mwenyi kwako. Ela ghora ghore tu na mtumishi wangu ubowagha.

Luka 8:49

Nao ilyi Jesu eluo keghora, mundu mumoju kufuma nyumba kwa Jairo keja kamuza, “Mwana wako wafwa, swamusirimise Mwalimu.”

Madeo 10:38

Inyo mwamumanya Jesu wa Nazareti selyi Mlungu amungizile Roho wa Kuela na ndighi. Naye kaghenda andu kose kedea ghaloli na kuboesa wose weluo isi ya ndighi za Shetani, kwani Mlungu oluo ngila mojori naye.

Jakobo 4:10

Kuselezeni hambiri ya Bwana, naye ujemjosa.

Jakobo 4:6

Ela mbazi tihawogho ni Mlungu ni mbwaa. Kwa hung'u Mawandiko gha Kuela ghaghora, “Mlungu uwo kinyume cha wandu wakukasile, ela wanawahawagha mbazi wandu wekuselezagha.”