Luka 16:2 - UVORO GHWALOLI KWA WANDU WOSE

² Naye kampang'a kamuza ‘Nini ichi nisikilagha ighulu yako? Funya isabu lya selyi upatagha na kutumia mali yangu, kwani sukalagha sena mtumishi wangu ozighana mali yangu.’

Luka 16:2 Iomraidhean Croise

Matayo 12:36

“Nemi namuza, kele ijua lya kutaghanya wejefunya mtalo ghwa kila ilagho lyiwase welyighoragha.

Matayo 20:8

“Nao kughenda kuswa, ulya mundu wa mbuwa ya mizabibu kamuza mtumishi wake, ‘Wapang'e wadei kazi uwalipe mafungu ghawe, kudyowa na wa nyuma hata wa hambiri.’

Luka 12:20

Ela Mlungu kamuza, ‘Mpumbavu uwe, ichi kiro chenyi roho yako yanashailo na ivi vindu vose waika, vijekala vani?’

Luka 12:42

Nao Bwana katumbulila, “Nani ewo mtumishi mudumusiliki na ewo na akili aikilo ni Bwana wake ighulu ya nyumba yake, eri awahawe wambawe chakulya chawe kwa ngelo?

Luka 16:1

Nao Jesu kawauza wairimi wake, “Koluo na mzuri mumoju eluo na mtumishi wake ozighana mali yake, naye oghorerero selyi ulya mtumishi ehakilagha mali yake.

Luka 16:3

Nao ulya mtumishi karirikanya ngoloni kwake, ‘Nideagha ije na bwana wangu wamalila kunifunya kazi ya utumishi? Ndighi zelima siwesi, na kulomba nifwighagha waya.

Waroma 14:12

Kwa hung'u kila mumoju wetu, ujeghora malagho ghake mwenyi hambiri ya Mlungu.

1 Wakorintho 1:11

Kwani wana wakwetu, nanaghorerero mwazi ni wandu wa nyumba ya Kloe, kamba kuwo na marashano ghati yenyu.

1 Wakorintho 4:2

Ilagho lyishaike kwa mtumishi ni kamba akale mdumusiliki kwa Bwana wake.

1 Wakorintho 4:5

Kwa hung'u simwataghanye mundungi hambiri ya ngelo kufika. Utaghanyo ghwa kudua ni suti ghudafwe kuja kwa Bwana, uyu eletagha mlangazini ghalye ghavisike kizeni na kufunukula ghalye gheo ngoloni kwa wandu. Nao aho kila mundu upatagha kuliko ni Mlungu.

2 Wakorintho 5:10

Kwani isose ni suti tionekane mwazi ngelo yemanga kele kifumbi chetaghanya cha Kristo, eri kila mumoju apate ifungu lyake kwa kazi adeile kwa muli ghwake, lyaloli ango lyiwase.

1 Timotheo 4:14

Swasighe inosi lya roho uwo nalyo, ilyo uhawilo kwa malagho gha wana tondolo na kuikililo mikonu ni waghosi.

1 Timotheo 5:24

Kaung'a za wandu wamoju zio mwazi nazo zaoneka na zaghenda hambiri yawe kele kutaghanyo, ela kaung'a za wamoju zaoneka uko nyuma.

1 Petro 4:10

Kila mumoju atumie manosi ahawilo ni Mlungu kwa faida ya wazima, sa mdei kazi waloli wa Mlungu.

1 Petro 4:5

Ela wejetumbulila wenyi kwa Mlungu, uyu ejetaghanya weo moyo na wafwile.

Ufunuo 20:12

Nao nikaona walye wandu wafwile, wabwaa na wachache, wekekala kimusi hambiri ya kifumbi cha uzuri. Vuo vikafungulo, nao chuo kimoju chikafungulo, ichi cheluo ni chuo cha umana. Walye wafwile wakataghanyo kuirimana na ghalye waghadeile. Selyi ghawandiko kele vilya vuo.