Luka 16:11 - UVORO GHWALOLI KWA WANDU WOSE

¹¹ Ndamu ngera simweo wadumusiliki kele mali siyefweni ya urumengu, nani emudumusilagha kele mali ya fulo?

Luka 16:11 Iomraidhean Croise

Matayo 6:24

“Sikwesi mundungi edimagha kuwatumikila wana Bwana waili; kwani ujemumenya mumoju na amshaye ulya mumoju, ango ujewatana na mumoju na kumumenyesa ulya mumoju, simdimagha kumtumikila Mlungu na mali.

Luka 12:33

Tagheni vose muo navo mufunye sadaka. Nao mukwikile mifuko ya pesa siyedemagha na mali siyegotuwagha mlunguni, andu viting'a sivefikagha hata viburute sivehakilagha.

Luka 16:12

Ikakala simweo wadumusiliki kwa mali ya mundu muzima, nani emuhawagha icho chio chenyu chenyi?

Luka 16:9

Nemi namuza, “Deeni wagheni na mali ya urumengu siyewo ya hachi, eri kasikila zadua wapate kumuhokera kele makalo gha kale na kale.

Luka 18:22

Naye Jesu aghenda asikila hung'u kamuza, “Wasowekelo ni kindu kimojori. Tagha vindu vose uwo navo uwasarire wakiwa, nawe ujekala na mali mlunguni, na ima uje uniirime.”

Waefeso 3:8

Imi nio mchache kwa waeli wose, nanahawilo mbazi iyi yechila kwa wandu wa mbari nzima ugho uzuri sighopimikagha ghwa Kristo,

Jakobo 2:5

Wana wakwetu washayo, sikizileni! Mlungu wanawasaghule wakiwa wa ughu urumengu kukala wazuri wa idumusi na wapati uzuri ghulya alagile kuwahawa walye wose wamushaile.

Ufunuo 3:18

Kwa hung'u nendekufunda, ughule zahabu kufuma kwangu, zahabu yaloli, eri ukale mzuri. Ghula sena nguo ya mnyange urware na ubule waya ghwako ghwa utuu. Sena ghula mavuta ghevila meso ghako, eri upate kuona.