Luka 10:2 - UVORO GHWALOLI KWA WANDU WOSE

² Naye kawauza, “Mvono ni mungi, ela wakwashi ni wachache; kwa hung'u mumulombe Bwana wa mvono atume wakwashi wakwashe mvono ghwake.

Luka 10:2 Iomraidhean Croise

Matayo 20:1

“Uzuri ghwa Mlungu ghwanafwanane na mundu mumoju eluo na mbuwa ya mizabibu, kafuma na ikesho kiro kuhada wadei kazi kele mbuwa yake.

Marko 13:34

Ni karakara na mundu etambagha, keuka kaya kwake wanawasariragha watumishi wake kazi zawe, kila mumoju kazi yake na kumuza mrindiri wa mjango alinde kirani.

Marko 16:15

Nao kawauza, “Ghendeni urumenguni ghose na mchile Ilagho Lyaloli kwa wandu wose.

Marko 16:20

Nawo wairimi wakaghenda wakachila andu kose, na Bwana kadeanya kazi nawo, kemangisa llagho kwa wana mwakilimbita wadeike. Ameni.]

Luka 9:1

Nao Jesu kawapang'a wairimi ikumi na waili andu kumojori na kuwahawa ndighi na udimo ghogusa pepo zose na kuboesa makongo.

Madeo 11:19

Nao walye wesaghilesaghile kwa undu ghwa matiriro ghajileja nyuma ya kuulagho kwa Stefano. Wamoju wawe wakaghenda hata wakafika Foinike, Kupro na Antiokia wekechila Ilagho yaloli kwa Wayahudi tu.

Madeo 13:2

Nao ilyi weluo wekemtasa Bwana, na kufunga kulya, Roho wa Kuela kawauza, “Nisaghulileni Baranaba na Saulo kwa kudea kazi niwapang'ilile.”

Madeo 13:4

Nao Baranaba na Saulo wekelongozo ni Roho wa Kuela wakaselela Seleukia na kufuma alye wakaghenda na meli hata Kupro.

Madeo 20:28

Kulindeni inyo wenyi na ugho uranu ghose muhawilo ni Roho wa Kuela mkale warindiri. Mkale walisa wa ikanisa lya Mlungu alyideile kukala lyake kwa bighati ya Mwana wake.

Madeo 22:21

Nao Bwana kaniuza, ‘Ghenda, kwa kukala nikutumagha andu kwa kulele kwa mbari nzima.’”

Madeo 8:4

Nao walye wadumuse wakasaghasagha na kughenda kila andu, wekechila ilagho.

1 Wakorintho 12:28

Kele ikanisa, Mlungu waika wose kele ulalo ghwake; kele ulalo ghwa hambiri watumo, kele ulalo ghwa kaili wana tondolo, na kele ulalo ghwa katatu walimu, nao walye wadeagha mwakilimbita, wekeirimiro ni walye weo na ndighi zeboesa makongo ango kuwarura wazima ango kuwalongoza ango kughora kwa viteto.

1 Wakorintho 15:10

Ela kwa mbazi ya Mlungu nio selyi nio, na ilya mbazi anihawile siyeluo ya tuu, ela nanadeile kazi kuwachumba watumo wose, ela simi ungi, sala ni mbazi ya Mlungu yeluo ikedea kazi amweni kwangu.

2 Wakorintho 6:1

Ndamu isi sa wadei kazi ngila mojori na Mlungu, tendemvoya inyo mpatile mbazi ya Mlungu simwaihakile bule.

Wafilipi 2:21

Wandu wose wendetala malagho ghawe ghenyi, siwatalagha malagho gha Jesu Kristo.

Wafilipi 2:25

Neonile ni kirani nimtume kwenyu wakwetu Epafrodito ewo mumbetu kazini na uteni, naye ni mtumiki wenyu na mundu anitariagha kwa vindu vangu.

Wafilipi 2:30

Kwani oluo kavui na kufwa kwa undu ghwa kazi ya Kristo, kangiza ndengweni umana ghwake eri akatise utumishi ghwenyu kwangu.

Wakolosai 1:29

Kwa undu ughu nadea kazi na ndighi na nio na chadi kwa ndighi za Kristo zio amweni kwangu izi zideagha kazi.

Wakolosai 4:12

Epafrasi, ewo mumbenyu na mtumishi wa Kristo Jesu wamuroghowa. Iye uwo na chadi chemlombela Mlungu kila ngelo, kamba mumangiso gii sa wandu wazeguwe na wakufunyile putu kudea mashayo gha Mlungu.

1 Wathesaloke 2:9

Kwa hung'u wana wakwetu, kumbukeni selyi tideile kazi kwa kusirima na kurumaghia kiro na msenya, eri sitamusirimise mundungi wenyu ngelo yemuchilila Ilagho Lyaloli lya Mlungu.

1 Wathesaloke 5:12

Nesi wana wakwetu, tamulomba muwahawe ishima walye wadeagha kazi kwenyu, walye wamlongozagha na kumfundisa kwa undu ghwa Bwana.

2 Wathesaloke 3:1

Kuduweni, wana wakwetu, mutilombele, eri Ilagho lya Bwana lyiere kila andu na kuhokero kwa ishima selyi lyihokero kwenyu.

1 Timotheo 4:10

Takusirimisa na kudea kazi kwa ndighi, kwa kukala tio na ikosereo kwa Mlungu ewo moyo, Mkizi wa wose na kuchumba awa wadumusa.

2 Timotheo 4:5

Ela uwe, kumanzire kila ngelo, urumaghie masirimi, udee kazi yechila Ilagho Lyaloli, na udee ghose sa mtumishi wa Mlungu.

Filemoni 1:1

Imi Paulo, mfungo kwa undu ghwa Kristo Jesu, na wakwetu Timotheo. Kwa Filemoni, mdei kazi mumbetu

Wahebrania 3:6

Ela Kristo ni mdumusiliki sa Mwana, ighulu ya nyumba ya Mlungu. Na isi nisi nyumba yake ilyi takala na ung'oni na tadumusa ghalye tikosereagha.

Ufunuo 2:1

“Kwa malaika wa ikanisa lya Efeso wandika: Ughu nigho uvoro ghufumagha kwa uyu aziwatagha ndonde mfungate kele mkonu ghwake ghwa kijo na aselagha ghati ya viwaniko va zahabu mfungate va taa.