Jakobo 4:4 - UVORO GHWALOLI KWA WANDU WOSE

⁴ Inyo wandu simodumusilike! Simuweni kamba kukala mgheni wa urumengu ni kukala mumaiza kwa Mlungu? Uyo wose ashaile kukala mgheni wa urumengu wakudea mwenyi kukala mumaiza wa Mlungu.

Jakobo 4:4 Iomraidhean Croise

Matayo 12:39

Ela iye kawatumbulila, “Kivali chiwase na sichedumusagha chanahada mwakilimbita, ela siweonyezogho mwakilimbita ungi sala mwakilimbita wa tondolo Jona.

Matayo 16:4

Kivali cha ulaghelaghe na sichedumusagha chalomba mwakilimbita, ela sichihawogho mwakilimbita ungi sala mwakilimbita wa Jona.” Nao kawasigha kaghenda ngila zake.

Matayo 6:24

“Sikwesi mundungi edimagha kuwatumikila wana Bwana waili; kwani ujemumenya mumoju na amshaye ulya mumoju, ango ujewatana na mumoju na kumumenyesa ulya mumoju, simdimagha kumtumikila Mlungu na mali.

Luka 19:27

Ela walye wamaiza wangu walye weluo siweshaile niwatawale, waleteni aha muwaulaghe hambiri yangu!’”

Johana 15:19

Ngera moluo wa urumengu, macho urumengu ghomushaile inyo wandu wake. Ela kwa kukala sinyo wa urumengu wengi, ela nanamusaghule kufuma urumenguni, kwa hung'u urumengu ghwamumenya.

Johana 17:14

Nanawahawile ghore yako, nao urumengu ghukawamenya kwa kukala wo si wa urumengu ghungi, selyi imi niseo wa urumengu.

Johana 7:7

Urumengu sigudimagha kumumenya inyo kungi, ela ghwananimenyile imi, kwa kukala nashuhudia madeo ghake gha laghelaghe.

Waroma 5:10

Isi teluo wamaiza wa Mlungu, ela iye katidea tikale wagheni wake kwa kifwa cha Mwana wake. Kwa kukala isi ndamu nisi wagheni wa Mlungu, ikalagha ni kuchumba isi kukizo kwa umana ghwa Kristo.

Waroma 8:7

Kwa hung'u mundu ukalagha mumaiza wa Mlungu ilyi akili zake zalongozo ni kidamu; kwani seiwatagha Sheria ya Mlungu, na sedimagha kuiwata.

1 Wakorintho 1:20

Ndamu uwo hiyo mlachu? Uwo hiyo mwalimu wa Sheria. Uwo hiyo mdei nganyi wa urumengu? Mlungu wadea suku za urumengu zikale uzimu.

1 Wakorintho 1:21

Kwani Mlungu kwa suku yake, kawadea wandu siwamumanye kwa ngila ya suku zawe. Ela ikamuboela Mlungu kwa uzimu ghulya tighuchilagha kuwakiza walye wadumusa.

Wagalatia 1:10

Ado ndamu nendeshaya kudumusilo ni wadamu ango ni Mlungu? Ango nendeshaya kuwaboela wadamu? Ngera netulagha nikeboela wadamu, macho sewo mtumishi wa Kristo.

Jakobo 1:27

Dini ya fulo ielile imuboelagha Mlungu Aba ni iyi: Kughenda kuwawarura wanake wakiwa na wake wafwililo ni walume wawe kele kusirima kwawe na kukuika uwe mwenyi uelile na urumengu.