Jakobo 1:12 - UVORO GHWALOLI KWA WANDU WOSE

¹² Uwo baha mundu etulagha mudumusiliki ngelo ya matimo, kwani ilyi asima matimo ujepata kofia ya umana Mlungu alagile kuwahawa walye wamushaile.

Jakobo 1:12 Iomraidhean Croise

Matayo 10:22

Nenyo mjemenyo kwa undu ghwangu. Ela uyu erumaghiagha hata kudua ukilagha.

Matayo 25:34

Niko aho mzuri ejewauza walye weo kele mkonu ghwa kijo, ‘Njuuni inyo mubarikio ni Aba mpate Uzuri muiikililo kufuma kuumbo urumengu.

Luka 6:22

“Baha inyo mumenyogho ni wandu na kulegho, wekemsholela na kumghora laghelaghe kwa undu ghwa Mwana wa Mdamu.

Waroma 5:4

kurumaghia kwaleta kudumusilo ni Mlungu, na kudumusilo ni Mlungu kwaleta kukoserea.

Waroma 8:28

Tamanya kwa ngila zose kamba Mlungu wanadeagha kazi kwa uloli ghwa wose wamshaile, nawo ni walye awapang'ile kwa ilengo lyake.

1 Wakorintho 2:9

Selyi Mawandiko gha Kuela gheghoragha, “agha mundungi seonile ango sesikile; agha mundungi seghelele ghekalagha, nigho ghenyi Mlungu aikilile walye wamushaile.”

1 Wakorintho 8:3

Ela ilyi mundu amushaya Mlungu, iye wamanyo ni Mlungu.

1 Wakorintho 9:25

Kila mukimbili wanakumanziragha ngelo yekufundisa na kukuika kirani, eri apate kofia siyetulagha. Ela isi tadea hung'u eri tipate kofia ya kale na kale.

2 Timotheo 2:15

Udee selyi udimagha kumuboela Mlungu, sa mudei kazi sefwishika waya kwa kazi yake, na efundisagha karakara ilagho lya fulo.

2 Timotheo 4:8

Na ndamu nendedafuriro ni inosi lya kusima lyekala na hachi, inosi Bwana mtaghanyi hachi ejenihawa ilyo Ijua, na simi ekeng'weri, ela na wose wedafwagha mashayo ghake kuonekana.

Wahebrania 10:32

Ela mukumbuke selyi moluo ko kale. Ghalye matuku nyuma ya kulangalilo ni mlangazi ghwa Mlungu, mwanasirime malagho mengi, ela mwanarumaghie.

Wahebrania 11:17

Kwa idumusi Abrahamu wanamfunyile sadaka mwana wake Isaki aghenda atimo ni Mlungu. Abrahamu oluo ni ulya aikililo ilagano ni Mlungu, hata sani odumuse kumfunya sadaka mwana wake mumojori.

Wahebrania 12:5

Ado mwaluwala ghalye malagho Mlungu aghorire kwenyu wana wake? “Mwanwangu ukuzighane ngelo Mlungu ekufunyagha makosa na swafwe ngolo ngelo ekukanyagha.

Wahebrania 6:15

Abrahamu karumaghia na kwa hung'u kapata ghalye Mlungu emulagile.

Jakobo 2:5

Wana wakwetu washayo, sikizileni! Mlungu wanawasaghule wakiwa wa ughu urumengu kukala wazuri wa idumusi na wapati uzuri ghulya alagile kuwahawa walye wose wamushaile.

Jakobo 5:11

Zighaneni, tanawaitagha wandu wa maboelo awa warumaghia. Mwanasikile gha kurumaghia kwa Jobu, nenyo mwamanya selyi kuduweni Bwana amudeilile. Kwani Bwana wana ungi ghwa mbazi na kufwila waya.

1 Petro 3:14

Ela hata mkanasirimiso sani kwa kudea gha hachi, boeloni! Simwamwoghe mundungi na simwakambo ni chongo.

1 Petro 4:13

Ela ni bora muboelo kwa kukala mondesirima selyi Kristo asirime, eri muboelo ngelo ejeonekana kele ubwaa.

1 Petro 4:14

Baha inyo ilyi mwatukano kwa kukala ninyo wairimi wa Kristo, aho ni kughora muo na Roho ya ubwaa, Roho ya Mlungu amweni kwenyu.

1 Petro 5:10

Ela Mkatiriro hung'u kwa ngelo njache, Mlungu wa mbazi yose, uyu ampang'ile mupate ubwaa ghwake ghwa kale na kale kwa ngila ya Kristo, ujedea ghose ghafweni na amhawe kumanga, ndighi na msingi ghwa fulo.

1 Petro 5:4

Na ngelo mlisa mubwaa ejeoneka, mjepata kofia ya ubwaa siyedua kung'alang'ala.

1 Johana 4:19

Isi tio na mashayo, kwa kukala Mlungu wanadyowile kutishaya.

Ufunuo 2:10

Swaoghe ghalye malagho gheo avui kukusirimisa. Lola! Shetani ujekutima kwa kuwadea wamoju wangizo kifungoni, nagho masirimi ghake ghejetula kwa majua ikumi. Uwe ukale mdumusiliki kwangu hata ngera sani ni suti ufwe, nemi nijekuhawa inosi lya umana kwa usimi ghwako.

Ufunuo 3:19

Imi nanawakanyagha na kuwachapa walye niwashaile. Kwa hung'u, kala na chadi na usighe kaung'a zako.

Ufunuo 3:21

Uyu esimagha, nijemuhawa hachi yekalanya nemi kele kifumbi changu cha nguma, selyi imi nakala msimi, na ndamu nakala kele kifumbi cha uzuri cha Aba.