Filemoni 1:16 - UVORO GHWALOLI KWA WANDU WOSE

¹⁶ Na ndamu si sa msunyi kungi, ela kuchumba msunyi, kwani iye ni wakwetu mshayo kele Kristo. Ni wa faida mbwaa kwangu! Na kwako uwe ukalagha na faida kuchumba, sa msunyi na sa wakwetu kele Bwana.

Filemoni 1:16 Iomraidhean Croise

Matayo 23:8

Ela inyo simwapang'o ‘Mwalimu,’ kwani muo na Mwalimu mumojori, nenyo inyose ninyo wandu na wana wakwawe.

Madeo 9:17

Kwa hung'u Anania kaghenda, kangila nyumba na kumwikilila mikonu kaghamba, “Wakwetu Saulo, Bwana wanituma kwako. Jesu mwenyi uyu akufumilile ngileni kweja aha. Wanituma eri uone na sena upate Roho wa Kuela.”

1 Wakorintho 7:22

Kwani msunyi uyu apang'ilo ni Bwana ni mkidina wa Bwana; na mkidina apang'ilo ni Kristo ni msunyi wake.

Wakolosai 3:22

Inyo wasunyi wasikileni wana bwana wenyu wa urumengu kwa kila kindu, na si ngelo wemulolilagha tu eri muwaboele; ela kwa ngolo ielile, kwa undu ghwa kumwogha Bwana.

1 Timotheo 6:2

Walye wasunyi weo na wana bwana Wakristo siwawamenyese, kwa kukala ni wana wakwawe. Ela yanafweni wawatumikile kirani kuchumba, kwa kukala walye wepatagha faida kwa kazi yawe, ni wandu wadumuse na wawashaile. Ufundise na kuchila malagho agha.

Wahebrania 3:1

Wana wakwetu Wakristo, mupang'ilo ni Mlungu! Muririkanyeni Jesu, uyu atumilo ni Mlungu kukala Mkohani Mubwaa wa Idumusi tilyidumuse.

1 Johana 5:1

Kila mundu edumusagha kamba Jesu ni Kristo ni mwana wa Mlungu, naye uyo wose amushaile mvali, wanamshaile na mwana.