Lucas 19:44 - Buglere

⁴⁴ Kwian ba dollale be ba ulita gweda ule ba olia ole, be u banu ulita skiendba ni u gbaite be chege. Chui ai ba chuia ba cha gadale ulia, ene kwian ba dollale me ñage ba gweda ulita, agwa ba me ta cha gakalin ulia, malen kwian ba dollale be chke chui gwealege be ba gweda ulita —Jesu gerudu ene ta olire ole.

Lucas 19:44 Iomraidhean Croise

Mateo 24:2

gire Jesu gerudu ama ole: —Nege ba kle gwage u kweri edi u e no no dodaba ke kweri no giti, agwa cha gerule ulia ba ulita ole, me sbali u e ulita be chege skianbada lle ngwale kare, ke mi chege gbaba mo giti giti ni gbaite, u ulita be chege skianbada.

Marcos 13:2

Jesu jaindunga: —Nege ba kle gwage no u kweri edi u e no no, agwa cha gerule ulia ba ole, me sbali u e ulita be chege skianbada lle ngwale kare, ke mi chege gbaba mo giti ni gbaite, u ulita be chege skianbada.

Lucas 1:68

“Cha tale nga suga no no Chube giti, ama noare ulita, ama kwian israelita ulita Chugagwalla. Che kwian israelita ulita Chubenu, Chube be chie che chudaboi, be che ulita jwen siere ji chugege age me no gdale.

Lucas 1:78

Chube noare kwian ulita ole, Chube tai dage che kwian israelita ulitage malen Chube be kwian jwannga siere kage che ulita alin, kwian jwannga siere be chie kwian ta gbale suge ma no trate Chube giti chui chra kle chie ngabebita kle kwian gbe ten kare.

Lucas 19:42

Jesu gerudu ta olire ole: —Kwian una Jerusalénmu, Chube cha kagu nga dba ai giti ba ulita alin, cha giti Chube ta ba ta gbakalin no ama ole ene ba me chege sugekare amage dare, agwa ba me ta cha gakalin ulia malen me suge bage Chube ta agekalin no ba alin cha giti, e ulita kle ogabada kare bage.

Lucas 21:6

Jesu kwian geru jwannga gweale kledu gerule ene u gerungwa Chube ole giti, Jesu ama keruchugu gire Jesu gerudu ama ulita ole: —Nege ba ulita kle gwage u kweri edi u e dodaba no no, agwa cha gerule ba ole, me sbali u e ulita be chege skianbada lle ngwale kare, ke mi chege gbaba mo giti ni gbaite, u ulita be chege skianbada.

1 Pedro 2:12

Ba ulita mo ta gbadale toi no trate Chube takalin kare kwian me Chube uñe gwa giti, ba ulita mo ta gbe toi no ene trate kwian me Chube uñe gwa giti kwian me Chube uñe gerule me no badi ba kwian agenga me no kare agwa ba ulita mo ta gbe toi no kwian eneske diali age no kwian ole, ene bdagli Chube be kwian ene gerudu me no badi ta blite, ene be suge kwiange ba kledu age ulita ngeru no Chube takalin kare gire kwian ene be gerule no Chube giti.