Lucas 13:24 - Buglere

²⁴ —Kwian tanre ta jogekalin toi Chube ngwadi agwa kwian me mo ta blite ulia Chube ole joge siere age me noge, kwian ene me ñage joge toi Chube ngwadi. Malen cha gerule ba ulita ole, ba ta jogekalin toi Chube ngwadi ba mo ta gbadale ulia kiraske Chube ole age no ama takalin kare. Joge Chube ngwadi salengwli joge tangle ugaka ka ulege kare,

Lucas 13:24 Iomraidhean Croise

Mateo 11:12

Gire Jesu gerudu dare kwian ole: —Unsuialin Moisés Chube gerua degu, geru e chegu degaba kwian alin, ene chku uñale ba enusulian oñage ama chagedale mine Chube takalin kare. Kaire kwian Chube gerua ketanga tanre Chube gerua tragu ba enusulian oña ole, kwian Chube gerua ketanga unsuialin gweale gerudu ba enusulian oña ulita ole daba na be chie giti, daba e Chube gerua ketanga dabage salengwli Chube gerua ketanga kada Elías kare, e Juan-Bautista. Ba ulita mo ta gbe kwian Chube gerua ketanga unsuialin gerua gai ulia gire ene be suge trate bage Juan-Bautista chku kle toi ai suiale, Juan-Bautista e amaña kwian Chube gerua ketanga unsuialin gerudu giti. Juan-Bautista chku, ama chuiage gwangerugu Chube gerua tragale kwian ulita ole, Juan-Bautista kwian tanre ta gbu Chube gai ulia mo Chugagwallale, ene kwian chege Chubenu, ene kwian ñage toi Chube ole nga ngaña giti. Kaire nege tangle kwian tanre kle geru e keruchuge kle geru e gai ulia, gire ama ulita kle boi tanre daga ngwale Chube gerua e gai ulia gdale kwian me geru gai ulia kote. Kwian Chube gerua ganga ulia kle gerule kwian na ole Chube chuia be chke gire Chube be gerule nga ulita giti kwian Chugagwallale, kwian me Chube gerua ganga me takalin geru e chage dare kwianske, malen ama kle kwian Chube gerua ganga gbe boi daga ngwale.

Lucas 13:23

Una e gdaitege kwian gdaite geru kadu Jesuge: —Kwian chugagwalla, ¿kwian tanre be tien gitiru ji chugege joge toi Chube ngwadi o me? Jesu gerudu kwian ulita ole:

Lucas 21:36

Ba ulita kledale biale trate ta no ole cha ngwange, ba kira kadadale Chubege ba gerudale chui gdale Chube ole, ene ba be kle biale ba ñage tien gitiru lle ulita be boi me noge chui bdaglige, ba kle biale ene chui ege ba be kle cha ole ba mi ibule cha ngeru —Jesu gerudu ene ulita kwian geru jwannga ole.

Juan 13:33

Ba ulita kwian chanu, cha no no ba ole, nege cha mi chege dare ba ole nga dba ai giti, cha gerudu kwian israelita ole kare cha be joge ngwadi kwian israelita me ñage joge, nege kaire cha gerule ba ulita ole ba be cha jinade nate, bage cha mi skwen, cha be joge ngwadi ba me ñage joge nege.

Juan 5:4

Chui sbali sbali lle boanga Chube alin nga ngaña giti kle chke chi tan kle ngwadi chi gbe onngenga, chi kle onngenga kwian oga bai kaire joge chke ngeru chiske joge chke noni chi onngengadi.

Juan 6:27

Ba me tañachugadale lle boi bligda alin giti bligda gai mau alin gutadale ene ba blire ba me chage bli ole, bligda e bidege me chege diali. Agwa ma no ba ulita tañachuge bligda me bidege giti kaire, bligda e chege chui tangle diali ba tale, cha bligda e kete bage, ene ba be toi chui tangle diali cha Ñenua Chube ole, ama cha kagu nga dba ai giti kwian kare, ama mo kiralla ketu chage age no ba ulita alin.

Juan 7:34

Chui e be chke gire ba ulita be cha jinade nate mo chudaboale, agwa chui ege ba ulitage cha mi skwen, ba mi ñage joge baini cha be kle ngwadige.

Juan 8:21

Jesu gerudu nakwaite kwian ulita ole: —Cha be jogeni gire ba ulita cha tane giti be cha jinade nate mo chudaboale, agwa ba ulitage cha mi skwen, ba ulita be jogeda age me no talla ole, gire ba be chege sugekare Chubege diali, cha be joge ngwadi ba ulita me ñage joge chke cha nate.

Romanos 10:3

Ama geru Cristo giti uñe, agwa ama me geru e gbe gdadi ama me mo ta gbe Cristo gai ulia Chube takalin kare, kwian tañachuge ma no age agali kwian tañachuge kare ene ama tañachuge ama chege no trate Chube gwage. Kwian ene me tañachuge Cristo gai ulia giti, ama tañachuge age Moisés nu Chube gerua degaba gerule kare ene ama tañachuge ama chege no trate Chube gwage, agwa kwian me ñage age no ulita chada e gerule kare. Kwian mo ta gbe Cristo gai ulia mo tale, kwian ene alin allabi chege no trate me jiske Chube gwage, Chube kwian ene jwen siere ji chugege age me no gdale.

Colosenses 1:29

Cha takalin chege cha kle gerule kare malen cha kle mo ta gbe kiraske lle boi diali Chube takalin kare Chube kirallaske kwian ulita alin.

Hebreos 4:11

Malen e giti che ulita mo ta gbadale kiraske Chube gerua Jesucristo giti gai ulia gwangerugu age diali Chube takalin kare ene che ñage toi diali nga suga no ole ule Chube ole. Che chagedale ta giti diali me Chube gerua gai ngwale me mo ta gbe mno Chube geruage che enusulian oña unsuialin tangle mo ta gbu kare. Che me mo ta gbadale age me no Chube gerua dollale che enusulian oña unsuialin tangle agedu kare.

2 Pedro 1:10

Malen cha gerule ba ulita ole cha daballa cha ibotea Jesucristo giti, Chube ba gau mo alin agedale no Chube takalin kare, Chube ba ta gbu Jesucristo gai ulia ene ba chegu Chubenu, Chube agedu no ene ulita ba alin ba ulita agali gdaite gdaite mo ta gbadale ma no dare diali Chube ole age ama takalin kare, ba age ene ba ta mi joge siere Chubege.