Lucas 12:41 - Buglere

⁴¹ Jesu gerudu ene gire Pedro geru kadu Jesuge: —Cha Chugagwalla, ¿ba geru e ñachugu cha geru jwannga bage gdataboko giti gdabokege alin allabi o kwian na ulitage kaire?

Lucas 12:41 Iomraidhean Croise

Marcos 13:37

Ulia ba ulita kledale ta giti diali, ba cha chieni chuia manadale ngwange tatra me chege gbeba kare. Cha ba ulita ta gbe ene kaire cha kwian na ulita ta gbe ene, ene ba ulita be kle biale cha ngwange cha chieni chuiage —Jesu gerudu ene ulita kwian geru jwannga amage ole.

Marcos 14:37

Jesu gerudu ene Chube ole gire ama joni naskuni kwian geru jwannga amage gdamai kledu ama manade ngwadige, kwian geru jwannga e ulita skwendu Jesuge gbe, gire Pedro amaña kadakle Simón Jesu gerudu ama ole: —¡Simón, chkede bduge! ¿Mineade ba kle gbe? ¿Ba gdamai ni ñadu chege gwade cha manade sugeti?

Lucas 12:47

U mauña kwian jige lle boanga na ulita chugagwallalege suge uñale u mauña takalin ama agedale u mauña gerule kare, agwa gire kwian e me u mauña gai dage me age u mauña gerudu kare, kwian ene alin u mauña be ji gbe mnoare.

Lucas 12:48

Agwa kwian baige me uñale u mauña takalin ama agedale u mauña gerule kare gire kwian e age me no, me uñale amage u mauña takalin mine, kwian ene be ji chuge bedre. Kaire ene kwian bai me Chube gai dage me age ama gerule kare, Chube be ji gbe kwian alin. Kwian bai Chube gerua uñe ngle kwian ene Chube gerua gadale dage ngle. Chube kwian bai ta gbe lle boi ama alin, kwian ene lle boadale no diali Chube alin, kwian me age ene kwian be ji chuge tanre.

1 Pedro 4:7

Chui bdagli chege kodi malen ba ulita Chubenu mo ta gbadale tañachuge no trate diali Chube takalin kare me mo chuge ngwadi tañachuge age me no, ene ba ñage gerule no Chube ole ta no trate giti diali.

1 Pedro 5:8

Ba ulita mo ta gbadale tañachuge no trate ulita me mo chugadale ngwadi tañachuge age me no, ba ulita kledale biale ta giti diali me mo ta chugale ngwadi chage alenske. Gude saingwli kle chage diali lle jinade gutadale, ene kaire che dolla Satanás kle chage kwian nate kwian ta gbale siere Chubege, che dolla Satanás ta agekalin me no kwian Chubenu ole ta kwian Chubenu ta gbakalin siere Chubege.