Lucas 12:40 - Buglere

⁴⁰ Ene kaire ba ulita kledale biale cha chieni chuia manade ngwange. Cha chiu nga dba ai giti kwian kare, cha be chieni nabitaite, agwa me uñale bage chui baige cha be chieni, malen ba kledale biale diali. Ba me mo ta gbe tañachuge diali cha be chieni giti, gire cha be chieni chuiage ba be skate alenske chage. Cha me takalin ba ulita skate alenske chage.

Lucas 12:40 Iomraidhean Croise

1 Tesalonicenses 5:6

Che Chubenu mi boi kwian me Chube uñe kare, malen che Chubenu me mo ta chugale ngwadi chage alenske, ma no che mo ta gbadale chage ta giti no chage no trate Chube takalin kare, ene che be kle biale Jesucristo chieni ngwange.

Apocalipsis 19:7

Nga sugadale no che ulitadi, che ta kledale no nga suga no ole kaire che gerudale no Chube giti, che Chube gbadale kweri no kwian na ulita gwa giti. Ulia chui chku Bda Cordero Chubenu kada Jesucristo be mo jwen chuiage, Bda Cordero muingalla e kle gerule kwian Jesucristo gerua gaba ama kle biale mo jwen.

Romanos 13:11

Ba ulita mo ta gbadale ta dbe no ene daba na ulita ole, uñale bage chui kle kodi gire Jesucristo be chieni che kwian amanu dbadale ama kle ngwadi, ba me kledale alenske me tañachuge mo giti kwian kle gbe kare, ba ulita mo ta gbadale chage no trate Chube takalin kare Jesucristo chieni manade ngwange, Jesucristo chieni chuia kle ma kodi ba Jesucristo gau chuiage.

Mateo 25:13

Jesu geru ñachugu ene gire gerudu: —Ene kaire ba ulita kledale ta giti cha chieni chuia manade ngwange muinga judi gdatiga ta molen kare. Ba ulitage me uñale cha be chieni chui mangirege malen ba kledale biale cha manade ngwange diali —Jesu gerudu ene ulita kwian geru jwannga amage ole.

Romanos 13:14

Che me chagedale age me no ene, agwa ma no che ulita mo ta gbe chege sugekare age me no ulitage chage no che Chugagwalla Jesucristo chagedu kare kwianske nga dba ai giti, che ulita tale che talla me no kle, che me mo chugadale ngwadi age me no che ta agekalin kare.

Mateo 24:44

Ene kaire ba ulita kledale biale cha chieni chuia manade ngwange. Cha chiu nga dba ai giti kwian kare, cha be chieni nakwaite, agwa me uñale bage chui baige cha be chieni, malen ba kledale biale diali. Ba me mo ta gbe tañachuge diali cha be chieni giti, gire cha be chieni chuiage ba be skate alenske chage, cha me takalin ba skate alenske chage.

Mateo 24:42

’Me uñale bage ngaminegire cha ba Chugagwalla be chieni malen ba kledale ta giti diali chui ulitage, ba ta kledale biale cha chieni chuia ngwange, me skate alenske ta me gbaba biale cha be chieni chuiage.