Juan 6:60 - Buglere

⁶⁰ Kwian ngle chagedu Jesu nate geru jwanle Jesuge, baini kaire Jesu kle ngwadi ama kle Jesu ole, ama ulita Jesu keruchugu kwian tke tangle ene mau giti, gire ama ulita gerudu modi: —Mnoare che alin age ama kle gerule kare, ¿chema be ama gai ulia ama kle gerule kare?

Juan 6:60 Iomraidhean Croise

Mateo 11:6

“Nga suga no kwiandi kwian bai cha gai ulia Chube nu cha kagaba kwian ulita jwanngale siere ji chugege age me no gdale, kwian bai mo ta gbe cha gai ulia ene diali, kwian ene me jogenga cha giti mo tale, ama be chege ta suga no ole.” Ba geru e ulita kete Juan-Bautistage cha alin.

Juan 2:2

E suiale Jesu chebia kledu ule mo jwen chuiadi, Jesu kaire geru jwannga Jesuge jo kadaba mo jwen chuiadi.

Juan 5:25

Cha gerule ulia ba ulita ole, kwian bai kaire me Chube uñe kle toi sugekare Chubege, kwian ene ulita salengwli kwian jogebada kare, chui be chke, kaire chui kle nege gire kwian ene be cha kerua keruchuge, cha Chube Kirolla be kwian tke tangle cha Ñenua giti, kwian ulita bai kaire cha kerua gai ulia ama be toi chui tangle diali cha Ñenua ole cha ole.

Juan 6:52

Jesu gerudu ene gire kwian israelita ulita ta skole ole mo ka dodadu ongoru ongoru Jesu gerudu giti: —¿Ama be age mine gire ama be mo jegwale agali kete chege gutadale?

Juan 6:64

Agwa ba gweale kle chage cha ole me kle cha gai ulia mo tale, malen cha gerudu ba ole ni kwian gdaite ñage cha gai mo tale gballa, cha Ñenua alin ñage kwian ta gbe no cha ole, ene kwian cha gai ulia. (Diali uñadu Jesuge chema mi ama gai ulia chema be ama kete gwaleda kwian me noge.)

Juan 6:66

Jesu gerudu ene kwian ulita ole bai kle chage ama ole, gire kwian e gweale tanre mo ta gbu joge siere Jesuge, ama Jesu chugu ngwadi me chagedu dare Jesu ole.

Juan 7:3

gire Jesu daballa ulita gerudu Jesuge: —Ba me chegedaleda aini, ma no ba joge nga Judeage, llani kwian tanre ba gaba ulia be kle mo litaba chui ollade, ama ulita gwa giti ba ñage lle no dodade llani ba lle no dodadu aini kare.

Juan 8:31

Kwian israelita nu Jesu gaba ulia, ama ulita ole Jesu gerudu: —Ba me ñage gerule alin allabi ba cha gai ulia, kaire ba mo ta gbadale trate chage diali cha gerua gerule kare, ene ulia ba geru jwannga cháge ba cha gerua ganga ulia,

Juan 8:43

¿Mineade ba ulita ole cha kle gerule ba me kle geru e gbe gdadi mo alin? Ba kle mo ta gbe tañachuge ma no ba me cha gerua keruchuge no, ba me kle mo ta gbe no geru ole cha kle gerule kare,

Hebreos 5:11

Ulia geru na tanre kle tragale Jesucristo chege gerunga Chube ole kwian alin giti, agwa kaire mnoare geru e ulita gbe chke uñale ba ulitage, ba geru keruchuge agwa ba kianchie mo ta gbe geru gbe gdadi malen geru me suge bage.

2 Pedro 3:16

Pablo chada ngle degu, chada gdaite gdaite giti Pablo geru tanre degu, kaire geru degu Jesucristo chieni giti. Pablo geru degu tanre, geru gweale kle degaba mno, geru me suge blike. Kwian me mo ta gbaba kiraske Chube gerua uliadi, kwian enege geru me suge trate, ama me ta geru e jwankalin no ene geru suge trate amage, Pablo geru degaba kwian ene ulita blite nganake ama tañachuge kare, kaire ama Chube gerua ulita degaba unsuialin blite nganake ama tañachuge kare. Kwian ene agali mo ta gbe joge siere Chube gerua uliage, kwian ene be ji chuge kweri bdagli sugekare Chubege.