Juan 6:32 - Buglere

^32-33 Jesu gerudu: —Cha gerule ulia ba ulita ole, ba kle tañachuge Moisés gballa bligda nga ngaña giti ketu ba enusulian ulitage gutadale, me ene ba kle tañachuge kare, cha Ñenua bligda kagu ba enusulian unsuialin ulita alin gutadale, bligda e kira alin gbagda. Agwa kaire cha Ñenua bligda na ma no nga ngaña giti kete kwian ulitage, bligda e chiu nga ngaña giti chku nga dba ai giti, bligda e kwian ulita gbagda gwade toi diali chui tangle cha Ñenua ole.

Juan 6:32 Iomraidhean Croise

Juan 1:9

Jichra ulia chiu nga dba ai giti kwian ulita alin, ama kwian ta gbe Chube giti, ene suge kwiange Chube mine, jichra e Cristo.

Juan 15:1

Jesu gerudu dare ngmadi kwian geru jwannga amage gdataboko giti gdaite ole: —Cha giskagba kada uva gira no no kare, cha Ñenua uva ngama gbanga kare,

Juan 6:31

Unsuialin cha enusulian ulita kledu chage nga gballage bligda me gutale ngwadi, gire Moisés bligda kadu nga ngaña giti enusulian ulita alin gutadale, chada kle degaba gerule Moisés giti: “Ama bligda nga ngaña giti kadu ketu kwian ulita alin gutadale.” Ene kaire cha takalin ba age ma no ama ageduge cha ulita alin.

Juan 6:35

Jesu gerudu kwian ole: —Ba takalin cha bligda cha kle gerule giti kete ba ulitage, bligda e cha amaña, cha bligda kare kwian gbagda gwade toi diali chui tangle. Kwian bligda gute gire bigwa ama bli ole ta bligda na gutakalin, kwian chi jai gire bigwa ama siechie ta chi na jakalin, agwa kwian bai kaire cha gai ulia mo tale, cha kwian ene ta gbe suge no diali.

Juan 6:41

Jesu gerudu ene kwian ulita ole gire kwian israelita mneite kledu chage Jesu nate ta me no ole, ama ulita Jesu keruchugu Jesu gerudu mau giti: “Cha bligda kare chiu nga ngaña giti chku nga dba ai giti.” Geru e giti kwian israelita ulita skochiu,

Juan 6:50

Cha gerudu ba ulita ole cha bligda kare cha me kledu gerule ba enusulian bligda gutu kare giti, cha kle gerule bligda na giti, bligda cha kle gerule giti kwian gbagda toi diali chui tangle, bligda e chiu nga ngaña giti chku nga dba ai giti, kwian bai kaire bligda e gute mi chege sugekare Chubege, ama ulita be toi diali chui tangle Chube ole.

Juan 6:55

Bligda ulia toigda diali chui tangle, e cha jegwale. Chi ulia toigda diali chui tangle, e cha bea.

Juan 6:58

Cha kle gerule bligda giti bligda e chiu nga ngaña giti chku nga dba ai giti, cha me kle gerule ba enusulian unsuialin bligda gutu kare giti, ama bligda kira alin gbagda sugeti alin gutu, ama toidu gire jokeda. Cha me kle gerule bligda e giti, cha kle gerule bligda na giti, bligda na kwian gbagda toi diali chui tangle, kwian bai kaire bligda e gute be toi chui tangle diali Chube ole, bligda e cha.

Gálatas 4:4

Che kledu ene gire Chube chui gbaba unsuialin chuia chku Chube mo Kirolla kagu cheske, Chube Kirolla medunga muinga kote nga dba ai giti kwian israelitaske, Chube Kirolla mo ta gbu age ulita Moisés chadalla gerule kare.

1 Juan 5:20

Che ulitage uñale trate Jesucristo Chube Kirolla chiu nga dba ai giti che alin, ama che ta gbu suge trate Chube mine, Jesucristo giti che Chube ulia uñe, Jesucristo giti suge trate chege Chube e Chube ulia. Chube Kirolla Jesucristo giti che Chubenu kaire che Jesucristonu, Jesucristo giti che be toi diali chui tangle Chube ole Jesucristo ole nga ngaña giti.