Juan 5:5 - Buglere

⁵ Oga ngleaske onbre oga gdaite kle, chura ngle treinta y ocho ama kledu oga.

Juan 5:5 Iomraidhean Croise

Marcos 9:21

Jesu geru kadu kirogwa ñenuage: —¿Ngaminegire ama kledu boi ene? Kirogwa ñenua jaindunga Jesu kalen: —Ama chiu tige sidri ama ogabi ene dolla kote.

Lucas 13:16

Ba age ene bda alin undege chuiage kaire cha ñage age no muinga ai alin, cha ñage ama dodade undege chuiage. Muinga ai kwian israelita unsuialin kada Abraham oindalla, dolla Satanás nu muinga gaba sbali chura gdataboko giti gdapa, muinga chagedu oga dolla kote chui e ulitage. ¿Ba kle tañachuge ma no cha ama chuge ngwadi oga me ama dodade undege chuiage? Ba ta me no, ba me kle tañachuge no trate.

Lucas 8:43

Kaire kwian ngleaske muinga oga chagedu, muinga e oga daige sbali, chura gdataboko giti gdaboke chui kaire kairege muinga e kledu toi daige diali. Muinga e nu jogeba kwian mo dodanga tanrege mo dodade, kwian mo dodanga ulita me ñadu muinga dodade, ngwale muinga igi ulita monu ketu kwian mo dodangage, mo dodanga me ñadu muinga dodade.

Juan 5:14

Bigwa Jesu tendu kwian Jesu nu dodaba ngwange u gerungwa Chube olege, Jesu gerudu ama ole: —Ba cha keruchuge, nege ba jo chkeni noni ba me oga, ba mo ta gbadale me age me no ba agedu nge kare. Ba me mo tallade ba be boi nabitaite ma tirare age naskuni e kare giti.

Juan 5:4

Chui sbali sbali lle boanga Chube alin nga ngaña giti kle chke chi tan kle ngwadi chi gbe onngenga, chi kle onngenga kwian oga bai kaire joge chke ngeru chiske joge chke noni chi onngengadi.

Juan 5:6

Jesu gwagedu amadi gbeba dba, Jesu tale uñadu oga e manadu sbali sbali eni ngwale, Jesu gerudu ama ole: —¿Ba takalin joge chkeni noni?

Juan 9:1

Jesu kle chage nga gwealege jonkare ule kwian geru jwannga amage ulita ole Jesu gwagedu onbre gdaitedi mebanga gwagwa me.

Juan 9:21

Agwa nege cha bonatege me uñale mineade ama ñage ten, kaire me uñale cha bonatege chema ama gwagwa dodadu. Ma no ba geru kade amage agali, ama juma, ama agali ñage gerule mo giti boidu mine gire ama ñage ten.

Hechos 14:8

Una Listrage onbre gdaite me ñage chage ama medunga soli bebitra seragda kwebanga, onbre e kledu toiba dba Pabloge kodi Pablo keruchuge gerule Jesu giti. Pablo chegu gwage tanre amadi, Pabloge sugedu onbre e tale onbre Jesu gerua gai ulia suge trate Jesu ñage ama seragda dodade.

Hechos 3:2

U gerungwa Chube ole ugakalla gdaite kada Ugaka Noare, ugaka ege Pedro kaire Juan gwagedu kwian onbre seragda kwebangadi, onbre e mebanga ene seragda kwebanga soli bebitrabi unalla giti ama me ñadu chage, kwian na diali kle ama dbe kle joge ama gbe ugakage igi kade mau alin kwiange kwian bai kaire kle joge tangle gudegu u ege.

Hechos 4:22

Pedro, Juan kwian seragda kwebanga dodadu Jesucristo kiralla giti, kwian ege chura ma ngle cuarentage chkeba, malen kwian tanre gerudu no Chube giti noare Chube onbre e dodadu.

Hechos 9:33

Una Lidage onbre gdaite kada Eneas skwendu Pedroge oga, onbre e kledu oga chura gdapa ama me ñage chage, ama kle ankwa giti chui gdale, ama skliebadba trate jegwale ama me ñage chage.