Juan 5:23 - Buglere

²³ malen kwian ulita cha gadale dage no kwian kle cha Ñenua gai dage no kare, cha Ñenua cha kagu nga dba ai giti, kwian me cha gai dage no kwian me kle cha Ñenua gai dage no kaire.

Juan 5:23 Iomraidhean Croise

Mateo 10:37

’Kwian bai ta chagekalin ulia cha ole age cha takalin kare diali, kwian ene mo ta dbadale ma no cha ole mo bitallanu ulita olege. Kwian bai kle mo ta dbe ma no mo ñenua ole mo chebia ole, bai kle mo ta dbe ma no mo kirolla ole mo jian ole, kwian ene kle mo ta dbe ma no mo bitallanu ole cha olege, ama kle tañachuge mo bitalla giti ngeru me kle tañachuge cha giti ngeru, malen ama me ñage chage cha ole.

Mateo 11:27

Jesu gerudu ene Chube ole gire gerudu kwian kledu ne ngwadi ama keruchuge ole: —Cha Ñenua mo kiralla mo talla ulita ketu chage. Cha Chube Kirolla, ulia ni kwian gdaite cha ta uñe trate, cha Ñenua alin allabi cha ta uñe trate. Kaire agwe ni kwian gdaite cha Ñenua ta uñe trate, cha alin allabi cha Ñenua ta uñe trate. Kwian baige cha takalin chke uñale cha Ñenua mine, cha kwian ene ta gbe, ene cha giti ama ñage cha Ñenua ta uñe trate.

Mateo 15:8

“Chube gerudu: ‘Kwian ai ulita kle gerule ama kle cha gai dage, kle gerule ene ka giti alin allabi, agwa ulia ama me kle cha gai dage ulia mo tale, ama ta kle bate chage ama kle gerule alin allabi.

Mateo 28:19

Malen cha gerule ba ulita ole, joga cha gerua trage kwian nga ulitamu ole, ba gerudale ama ole cha giti ene ama ñage cha gerua gai ulia ba kare, kwian ulita bai kaire cha gerua keruchuge ba giti gire mo ta gbe cha gai ulia, ba kwian ene ulita ñeadale chiske gai ngaña chigage cha Ñenua kalla giti cha Chube Kirolla kalla giti kaire Chube Oña kalla giti.

Lucas 10:16

Jesu gerudu ene kwian setenta y dos ole kwian me Chube gerua gai giti, gire Jesu gerudu dare kwian setenta y dos ulita ole: —Nege cha kle ba kage Chube gerua trage kwian na ole, kwian bai ba gai ngwange no ba keruchuge no, kwian ene me kle ba alin allabi gai ngwange no keruchuge no, kaire ama kle cha gai ngwange no cha keruchuge no agali kare ba giti. Kwian me ba gai ngwange no me ba gerua Chube giti gai ulia, e salengwli ama me kle cha agali gai ngwange no kare e salengwli ama me kle cha agali gerua gai ulia kare. Kwian me cha gerua gai ulia, e salengwli ama me kle Chube cha kaganga agali gerua gai ulia kare. Gire nege cha gerule ba ulita ole, joga Chube gerua trage kwian ulita ole una kaire kairege. Jesu gerudu ene kwian setenta y dos ole, gire kwian ulita jo gdaboke modi kaire kaire, ama ulita chagedu Chube gerua dbe kwian nage Jesu gerudu kare.

Juan 14:1

Jesu gerudu ene Pedro ole gire Jesu gerudu dare kwian geru jwannga gdataboko giti gdaite ole: —Ba ulita me chegedale tañachuge tanre be boi giti, ba me ta dbadale kennga, ba me ta dbadale olire, ba mo ta gbadale Chube gai ma no, kaire ba mo ta gbadale cha gai ma no diali.

Juan 16:14

Chube Oña cha Ñenua gerua keruchuge, ene kaire Chube Oña geru e amaña keruchuge chage, cha Ñenua geru ulia mauña, ene kaire cha geru ulia mauña. Chube Oña be gerule no no cha giti ba tale, ama geru ulia cha giti uñe trate, ama be ba ta gbe suge, ene geru ulita cha giti be chke uñale ba ulitage.

Juan 17:10

Kwian banu ulita, kwian ene kaire chanu. Kwian chanu ulita, kwian ene kaire banu. Ba kwian ene ulita gbe chage no ba takalin kare kwian ulita me chenuske, ene kwian chenu giti kwian na ñage che uñe, be suge trate kwian nage cha no no.

Romanos 15:12

Chube kwian jwannga siere kagu kwian israelita alin agwa kaire kwian me israelita alin, Chube kwian jwannga siere kagu, Isaías nu Chube gerua degaba unsuialin gerule e giti, chada e gerule: “Isaí oindalla giti kwian jwannga siere gdaite be chie, ama be chege kwian me israelita Chugagwalla, ama giti kwian me israelita be ñage Chube uñe be Chube gai mo jwanngale siere.”

Romanos 6:22

Nege ba me kle mo ta dbe age me no ba agedu ulita ngeru kare, ba jo siere age me no tallage, nege ba kle mo ta gbe Chubege, Chube kle ba ta gbe age no trate ama takalin kare, mo ta dbe trate giti ba be toi diali chui tangle Chube ole.

Romanos 8:9

Agwa ba ulita me kle toi mo ta gbe age me no ngeru kare, nege ba ulita kle mo ta gbe age Chube takalin kare, Chube Oña kle ba ta gbe age no, Chube Oña kle toi ulia ba tale ba Cristonu. Chube Oña me kle kwian tale kwian me Cristonu.

1 Corintios 1:3

Cha takalin Chube che Ñenua kaire Jesucristo che Chugagwalla age no ba ulita alin ba ulita ta gbe suga no diali.

1 Corintios 10:31

Ba ulita tachkedale ai giti: Ba kle age ulita giti kaire blire giti chi jai giti mo ta gbale age no diali kwianske me tañachuge mo alin giti age ba takalin kare, ma no mo ta gbale age no ulita Chube takalin kare kwian ulitaske, ene kwian gwage badi suge amage Chube kle age no ba tale kle ba ta gbe age, ene kwian gwage badi gerule no no Chube giti.

1 Corintios 16:22

Kwian gweale me mo ta dbe no che Chugagwalla Jesucristo ole, ulia ma no bdagli kwian ene chege sugekare Chubege chui tangle diali ji chugadale kweri. Cha takalin che Chugagwalla Jesucristo chieni blike.

1 Corintios 6:19

¿Me uñale ba ulita Chubenuge ba jegwale kaire ba talla u kare Chube Oña alin? Chube mo Oña ketu bage toi ba ulita tale, ba mo jegwale mo talla manadale no trate Chube Oña alin. Jesucristo giti ba Chubenu, ba me mo mauña agali,

2 Corintios 13:14

Cha takalin che Chugagwalla Jesucristo age tanre no no ba ulita alin, cha takalin suge trate ba ulitage Chube no no ba ulita ole, kaire cha takalin suge trate ba ulitage Chube Oña kle ba ulita ole diali, ama me ba chuge ngwadi gballa sugeti ama chege ba ulita ole, cha takalin geru ai suge trate ba ulitage Chube Oña geru ai ulita gbe suge ba tale. Geru ai ene ulita cha Pablo chada degangu ba ulita kwian Chubenu una Corintoge alin. Che kle meni.

2 Corintios 5:14

Suge trate chage Cristo no no cha ole malen cha me ta agekalin dare cha agali agekalin kare, me ene, cha ta mo ta gbakalin diali age no Cristo alin Cristo takalin kare ama gerua dbe kwian na ulitaske. Uñale chage Cristo jokeda kwian ulita jwanle siere ji chugege age me no gdale, Cristo jokeda giti kwian ulita bai kaire ama gai ulia chege jogebada kare mo talla age ngeruge.

2 Corintios 5:19

Cristo giti Chube agali kwian ulita gbu mo skatemanallale ni tañachuge kwian ulita kledu age me no ama dollale giti. Geru e chkedale uñale kwian ulitage malen Chube cha gbu geru Cristo giti kete kwian ulitage, ene kwian ñage geru e gai ulia mo alin, ene ama ta chege no Chube ole.

Efesios 6:24

Cha takalin Chube age no no ba ulita alin ba bai nu mo ta gbaba no diali Jesucristo che Chugagwalla ole. Geru ai ene ulita cha Pablo chada degangu ba kwian Chubenu ulita una Efesoge alin. Che kle meni.

2 Timoteo 1:12

E giti kwian cha tku skage, malen cha kle boi daga ngwale Jesucristo gerua giti, cha me ibule skage Jesucristo gerua giti kwian ngeru. Uñale chage Jesucristo mine, cha ama gai ulia. Uñale chage Jesucristo kira molen, ama be geru amanu manade no chui bdagli alin, ama geru e ketu chage dbadale kwiange, geru e be chege diali chui tangle ama be chieni gire.

Hebreos 1:6

Chube mo Kirolla gdaitre alin Jesucristo kagu nga dba ai giti gire Chube gerudu mo Kirolla giti ene: “Cha takalin lle boanga ulita cha alin nga ngaña giti cha Kirolla gai dage mo Chugagwallale gerule no ama giti.” Chube gerudu ene mo Kirolla giti.

2 Pedro 1:1

Cha Simón-Pedro chada ai dege ba kwian Chubenu ulita alin: Cha lle boanga Jesucristo alin, cha Jesucristo gerua ketanga, cha chada ai dege ba ulita nu Jesucristo gaba ulia mo tale alin cha kle Jesucristo gai ulia kare, e no no ene mo ta gbe diali Jesucristo gai ulia. Che Chubea kaire che jwannga siere Jesucristo no no trate, ama agedu no che ulita alin, ama ba ulita ta gbu ama cha ta gbu kare, ene ba ulita ama gau ulia cha ama gau ulia kare.

2 Pedro 3:18

Ba ulita gdaite gdaite mo ta gbadale Jesucristo che Chugagwalla che jwannga siere uñe ma no diali chui kaire kaire, ene Jesucristo ba ta gbe suge ma ngle diali Jesucristo no ba ole Jesucristo age no ba alin. Jesucristo che Chugagwalla kweri no no, ama giti che ulita gerudale no nege dale kaire diali chui tangle. Ene nobi. Geru ai ene ulita cha Simón-Pedro chada degu ba kwian Chubenu ulita alin. Che kle meni.

1 Juan 2:23

Kwian bai kaire me Chube Kirolla Jesucristo gai ulia kwian e me Jesucristo Ñenua Chube gai ulia kaire, agwa kwian bai kaire gerule no kwian na gwa giti ama Jesucristo gerua ganga ulia, kwian ene ulia Jesucristonu kaire kwian ene Chubenu.

2 Juan 1:9

Agwa ba joge siere Jesucristo geruage gire ene ba kle joge siere Chubege kaire agwe. Ba mo ta gbe no geru ulia Jesucristonu giti, ene ba ta be chege Chube Jesucristo Ñenua ole kaire ba ta be chege Chube Kirolla Jesucristo ole ule.