Juan 2:9 - Buglere

^9-10 Jesu chi blitu uva chia gagere, kwian lle gbanga biale chui ollade alin chi e jau sidri, amage sugedu uva chia gage no, me uñadu amage uva chia e no kledu ogaba baini, agwa kwian lle boanga alinge uñadu, ama ulita chi jun chi tku ke kantrollage, chi e Jesu blitu uva chia gagere. Kwian lle gbanga biale chui ollade alin ta me chegu suga no, ama kwian onbre mo jwannga chui ege kadu, ama gerudu kwian mo jwannga ole: —Kwian kle chui ollade, diali chui ollade mauña kle uva chia gage no kete jondege daba kadaba ulitage, daba kadaba ulita kle uva chia no jai ngle gire chui ollade mauña kle uva chia me no kete bdagli jadale, agwa ba me agedu ene, ba uva chia ma no jigu ogaba jadale bdagli.

Juan 2:9 Iomraidhean Croise

Mateo 27:34

Guardia donga bebi Jesu bate clavo giti kruge gire ama uva chia dage tugebanga gdege gageske ketu Jesuge jadale, Jesu uva chia e manachugu allabi gire me jaindu jai dare.

Mateo 9:15

Jesu jaindunga: —Cha be geru ai ñachuge ba ulita alin, ene be chke uñale bage mineade kwian geru jwannga chage me kle mo tke bage bligdage kwian na kle age kare: Kwian onbre mo jwen chuia gbe, mo jwen chuia chke gire kwian kadaba ulita be joge chui ollade ule kwian onbre mo jwannga ole. Kwian kadaba ulita be chke chui ollade, ¿chema gerule kwian e me ñage blire? Kwian ulita be blire nga suga no ole chui ollade ule kwian onbre mo jwannga ole. Agwa chui e joge tangle gire chui gbaite be chke kwian onbre mo jwannga dbabe sugekare, chui ege kwian mo jwen chuia olladanga ulita be chege ta olire kwian onbre mo jwannga nate gire kwian chui olladanga ulita be mo tke bage bligdage ta olire ole. Ulia cha gerule ba ulita ole, cha kwian onbre mo jwannga e kare, kwian geru jwannga chage ulita kwian mo jwen chuia olladanga kare. Nege cha kle ule geru jwannga chage ulita ole, agwa chui be chke gire cha dbabe sugekare amage, chui ege ama be mo tke bage bligdage ta olire tanre ole.

Juan 2:8

Gire Jesu gerudu kwian lle boanga ole: —Ne gire ba chi jwen sidri ba kete kwian lle gbanga biale chui ollade alinge. Kwian lle boanga agedu ene Jesu gerudu kare.

Juan 4:46

Jesu jo chke nakwaite una Canáge nga Galileage, eni ngeru ama chi blitu uva chia gagere. Kwian chugagwalla gdaite toinga una Capernaumge nga Galileage, ama kirolla gdaite oga,

Juan 7:17

Bai kaire mo ta gbakalin age Chube takalin kare, kwian ene ulitage be suge cha kle gerule Chube talla giti ulia o cha kle gerule mo talla giti.