Juan 19:24 - Buglere24 malen guardia donga gerudu modi: —Che me ñometra ai gagenga, ma no che blachke gbe ñometra giti gire che gdaite bai blachke be chege ñometra mauñale. Boidu ene Chube gerua degaba unsuialin gerule kare Jesu giti, chada e gerule: “Cha ñometralla jo girabataba modi, cha ñometralla jeike llagli giti blachke jo gbaba.” Chube gerua degaba unsuialin gerule ene kwian be age giti, chui e chku gire guardia donga agedu ene ulita Jesu ñometralla ole chada e gerule kare. Faic an caibideil |
Juan 19:24
13 Iomraidhean Croise
Jesu kledu kruge ngaña gire Jesu gerudu Chube ole: —Cha Ñenua, kwian ulita kle age me no cha ole, agwa amage me suge ama kle age giti, cha takalin ba ama kle age me no ulita cha ole talla mlienga —Jesu gerudu ene mo Ñenua ole. Jesu ñometralla jo jwanbanga Jesudige, ñometra e ulita guardia donga ulita girabatu modi guardia donga bai kaire blachku no ole.
Jesu gerudu dare kwian geru jwannga amage ulita ole: —Cha me kle gerule ba ulita be mo ta gbe age no cha agedu kare, me ene, uñale chage ba ulita mi age no cha agedu kare. Cha ba ulita gau chage cha ole, cha ba ulita ta uñe trate, uñale chage ba gdaite kle mo ta dbe cha dollale, be boi Chube gerua degaba unsuialin gerule kare cha giti, chada e gerule: “Cha skatemanalla gdaite blire ule cha ole, amaña mo blite cha dollale.”
Kwian Chube gerua ketanga chada degu unsuialin Jesu giti, Jesu toidu nga dba ai giti suiale kwian chada e degaba Jesu giti batunga. Kwian toinga una Jerusalénge ule mo chugagwalla ulita ole diali mo litu u mo litangwa Chube gerua jwanngwage, ama chada e batunga diali undege chuiage, kwian ulita geru e keruchugu, agwa ulia ama ulitage geru e me sugedu. Ama chada batunga alin allabi, me uñadu amage chada e kle gerule Jesu giti. Malen Jesu chku amaske ama me Jesu uñu gire ama mo ta gbu Jesu gweda. Boidu ene ulita chada degaba unsuialin gerule kare.
Sanasan