Juan 16:7 - Buglere

⁷ Cha gerule ulia ba ulita ole, ma no ba alin cha jogedaleni cha chiu ngwadi. Cha mi jogeni, ene Chube Oña mi chie ba ulita alin ba Chudaboangale, ene ama mi kle ba ole, agwa cha jogeni, ene ama be chie, cha be ama kage ba ulita alin.

Juan 16:7 Iomraidhean Croise

Lucas 24:49

Ba ulita cha keruchuge no, ulia cha be Chube Oña kage ba alin cha Ñenua gerudu kare. Ba manade aini una Jerusalénge gire Chube Oña be chie nga ngaña giti Chube ngwadi, Chube Oña be chke badi mo kira kete bage, ba be kira e gai gire ba be joge geru cha giti trage kwian ulita ole nga ulitage Chube Oña kiralla giti.

Lucas 4:25

Unsuialin muinga tanre me chegu kwian onbrege nga Israelge Elías suiale, Elías kwian Chube gerua ketanga, e suiale noi me boidu chura gdamai giti dai gdadereke, bli kweri gbere kwian ulita alin.

Lucas 9:27

Cha gerule ulia ba ulita ole, ba gweale kle aini cha ole cha keruchuge ba bebi jogeda gire ba gwa giti Chube be age no no cha ole ama kiralla giti, ba gwage chadi ene gire be suge trate bage cha noare cha kweri cha kwian ulita Chugagwalla —Jesu gerudu ene ulita.

Juan 14:26

Cha be jogeni cha Ñenua ngwadi gire cha Ñenua be mo Oña ba Chudaboanga kage cha giti ba ulita alin, ama be ba tke tangle ulita be ba ta gbe tachke ulita cha gerudu giti ba ole.

Juan 14:28

Ba ulita cha keruchugu gerule cha be jogeni cha Ñenua ngwadi, bigwa cha be chieni cha be kleni ba ulita ole. Cha Ñenua ma kweri chage, noare cha be jogeni ama ngwadi, ulia ba no cha ole ene ba ta dbadale suga no cha be jogeni cha Ñenua ngwadi giti.

Juan 15:26

’Cha be jogeni cha Ñenua ngwadi gire cha be Chudaboanga kage ba ulita alin, e Chube Oña, Chube Oña diali no, ama gerule ulia diali, ama be gerule ba ulita tale cha giti diali, be ba ta gbe geru cha giti trage kwian na ole kaire. Gwangea cha chagedu kwian tke tangle cha Ñenua giti ba ulita chagedu ule cha ole, ba me cha chugu ngwadi chage gballa, nege che kle chage kaire ule, uñale bage cha agedu mine ulita ba gwa giti, e giti ba ñage gerule, Chube Oña be ba ulita ta gbe chke gerule kwian na ole cha gerudu ba ulita ole giti.

Juan 16:8

Chube Oña be chke, gire ama be kwian me chanu ta gbe suge trate kwian ene kle age me no giti, Chube Oña be kwian ene ta gbe suge chagé no trate Chube takalin kare cha chagedu no trate kwianske kare, kaire Chube Oña be kwian ene ta gbe suge Chube ji gbe kwian agenga me no ulita alin.

Juan 7:39

Jesu gerudu ene kwian ole ama kledu gerule Chube Oña giti, Chube be mo Oña kage toi diali kwian tale kwian bai kaire Jesu gai ulia, ene kwian Jesu gau ulia ta be chege suga no diali. Agwa Chube bebi mo Oña kage kwian alin, ngeru Jesu be age ulita ama agedale kare nga dba ai giti, ama be jogeni nga ngaña giti Chube kle ngwadi gire Chube be mo Oña kage kwian Jesu gau alin.

Hechos 10:34

Cornelio gerudu ene ulita Pedro ole gire Pedro gerudu: —Nege suge chage trate ulia Chube alin kwian me mo kaire kaire, Chube takalin kwian nga ulitage ama gai ulia, Chube alin kwian chudalla ulita salengwli.

Hechos 2:33

Chube Jesu gbuni gwade gire Jesu joni nga ngaña giti ama Ñenua Chube kle ngwadi, Chube ama gbu toi dba mo ngena mo ko taingwli giti, Chube ama gbu kweri kwian nga ulitamu Chugagwallale. Gire Chube mo Oña ketu Jesuge kagadale kwian alin Chube gerudu sbali kare Jesu ole. Gire Jesu Chube Oña kagu kwian kle ama Oña manade ngwange tale, e kle boi ulita ene nege aini ba ulita gwa giti. Chube Oña kle cha ulita gbe gerule ba ulita kwirale.

Romanos 8:28

Chube nu kwian ulita bai kaire gaba mau alin, kwian mo ta dbe no Chube ole, kwian ene boi daga ngwale ñage tañachuge me no kle boi ulita giti. Agwa me ene, uñale chege boi daga ngwale ulitaske Chube diali age no kwian amanu alin.

2 Corintios 4:17

Nege toi nga dba ai giti boi daga ngwaleske cha kle tañachuge diali bdagli giti cha be joge toi nga ngaña giti Chube kle ngwadige, tañachuge e giti cha kira gbeda jage boi daga ngwaleske nga dba ai giti, uñale chage cha kle boi daga ngwale nege e me chege diali, e be joge tangle, malen suge chage e sugeti alin. Agwa cha joge toi nga ngaña giti gire cha be joge siere boi daga ngwale ulita nga dba ai gitige, nga ngaña giti cha be toi no diali nga suga no ole chui tangle Chube ole, e me joge tangle, e chege diali cha alin.