Juan 1:1 - Buglere

¹ Gwangea nga ulita bebi dodadale Cristo klebi enebi, ama klebi Chube ole, ama Chube,

Juan 1:1 Iomraidhean Croise

Mateo 1:23

“Muinga biale me chageba onbre ole, muinga ene be chege gaba ama be kirogwa molen, kirogwa ka be chege Emanuel.” Unsuialin Isaías Chube gerua degu ene. (Ka Emanuel e gerule: “Chube kle ule che ole.”)

Lucas 24:53

Ama ulita jo chkeni una Jerusalénge gire ama kledu diali u gerungwa Chube olege gerule noare Chube giti diali.

Juan 1:14

Chube Cristo kagu nga dba ai giti, ama chku kwian kare, ama toidu chagedu kwianske ama ta du no diali kwian ulita ole, ama agedu tanre no kwian alin, ene kwian gwage amadi chkedale uñale ama Ñenua mine ulia. Ama kledu kwianske agedu no ulita kwian alin gire cha chada ai deganga, cha ule cha chagemanalla ulita ole gwagedu amadi, ama agedu ulita uñale cha ulitage, uñale cha ulitage ama ulia Chube Kirolla gdaitre alin, ama mo Ñenua kirallaske agedu no ulita.

Juan 1:18

Ni kwian gdaite nu gwageba Chubedi, Chube Kirolla alin giti kwian Chube uñe, Chube Kirolla gdaitre alin ama kaire Chube, ama talla kle ule diali mo Ñenua ole.

Juan 1:2

gwangea ama klebi enebi Chube ole.

Juan 16:28

Cha kledu cha Ñenua ole gire cha chiu cha chku nga dba ai giti, nege cha be joge siere nga dba ai gitige, cha be jogeni naskuni cha Ñenua ngwadi.

Juan 17:5

Cha Ñenua, nege cha be jogeni ba ngwadi, cha takalin ba cha gbeni naskuni kweri cha kledu ba ole unsuialin nga ulita bebi dodadale gire cha kledu ba ole, cha klekalinni naskuni eni ba ole.

Juan 20:28

Tomás gerudu no Jesu ole: —¡Ba amaña ulia cha Chugagwalla, ba ulia cha Chubea!

Juan 8:58

Jesu gerudu: —Cha gerule ulia ulia ba ulita ole, cha gwagedu Abrahamdi Abraham gwagedu chadi, Abraham bebi menga chebia kote gire cha klebi enebi ngeru Abrahamge.

Romanos 9:5

Kwian israelita ulita enusulian kada Abraham kada Isaac kada Jacob oindalla, ama ulitaske Cristo chiu, Cristo Chube Kirolla, Cristo amaña Chube, ama kweri, ama lle ulita nga ulita kwian ulita Chugagwalla, kwian ulita gerudale no ama giti diali, ene no no gerule no ama giti.

Efesios 3:9

Sbali geru Chube be age no kwian me israelita alin giti chegu skwlenre kwian ulitage, Chube nga ulita lle ulita dodanga gwangea ama mo ta gbu age no kwian ulita alin Jesucristo giti kwian israelita alin kaire kwian me israelita alin. Chube che gbu geru e gbe chke uñale kwian ulitage.

Filipenses 2:6

Jesucristo amaña Chube, ama kweri agwa Jesucristo me tañachugu mau giti: “Cha Chube malen cha chegedale kweri cha Ñenua Chube kare aini nga ngaña giti, cha me ta jogekalin nga dba giti kwian kare.” Jesucristo me tañachugu ene, Jesucristo tañachugu nganake.

Colosenses 1:15

Cristo Chube Kirolla amaña ulia Chube, Chubedi kwian me ñage ten agwa kwian ñadu ten Cristodi Chube Cristo kagu kwian kare toi kwianske nga dba ai giti, gire ene Cristo giti kwian ulitage ñage chke uñale Chube mine, Cristo Chube kaite nate kwiange. Cristo Chube Kirolla gdaitre alin allabi, lle ulita bebi dodale gire Cristo klebi enebi gwangeabi.

Colosenses 1:17

Chube bebi lle ulita dodade gire Cristo klebi enebi Chube ole, chui tangle diali Cristo kle nga ulita lle ulita manade mo kiralla giti.

1 Timoteo 3:16

Ulia Chube geru noare ketu chege, geru e kweri che alin, geru e gerule Jesucristo giti: Jesucristo chku nga dba ai giti kwian kare. Chube Oña giti chku uñale kwiange Jesucristo agedu no trate ulita nga dba ai giti. Lle boanga Chube alin nga ngaña giti gwagedu Jesucristodi age no ulita. Geru Jesucristo giti no chagedu nga ulitage, kwian nga ulitage geru e keruchugu, kwian nga ulitage gweale geru Jesucristo giti gau ulia. Chube Jesucristo duni nga ngaña giti, Chube Jesucristo gbuni Chube kle ngwadi. Ulia geru e noare, geru ulia, kwian Chubenu ulita geru e manadale no.

Tito 2:13

Che mo ta gbadale age ene no trate Jesucristo chieni chuia manade. Uñale chege Jesucristo be chieni ama gerudu kare, malen che kledale nga suga noare ole ama chieni chuia manade. Ama be chieni mo kirallaske, be chieni mo chrallaske, ama che Chubea kweri ama che jwannga siere ji chugege age me no gdale.

Hebreos 13:8

Uñale chege Jesucristo diali kle age ulita ama kle gerule kare, che ñage mo ta gbe ama gerua gai ulia, ama me mo ta blite nganake, ama kle chege nege tangle salengwli ama kledu chui ngeruge tangle kare, kaire ama be chege diali chui tangle ama mi mo ta blite.

2 Pedro 1:1

Cha Simón-Pedro chada ai dege ba kwian Chubenu ulita alin: Cha lle boanga Jesucristo alin, cha Jesucristo gerua ketanga, cha chada ai dege ba ulita nu Jesucristo gaba ulia mo tale alin cha kle Jesucristo gai ulia kare, e no no ene mo ta gbe diali Jesucristo gai ulia. Che Chubea kaire che jwannga siere Jesucristo no no trate, ama agedu no che ulita alin, ama ba ulita ta gbu ama cha ta gbu kare, ene ba ulita ama gau ulia cha ama gau ulia kare.

1 Juan 5:20

Che ulitage uñale trate Jesucristo Chube Kirolla chiu nga dba ai giti che alin, ama che ta gbu suge trate Chube mine, Jesucristo giti che Chube ulia uñe, Jesucristo giti suge trate chege Chube e Chube ulia. Chube Kirolla Jesucristo giti che Chubenu kaire che Jesucristonu, Jesucristo giti che be toi diali chui tangle Chube ole Jesucristo ole nga ngaña giti.

1 Juan 5:7

Geru gbamai kle Jesucristo kaite nate ulia Jesucristo Chube Kirolla, geru gbamai ai kle gerule ene: Bitaite Chube kerua sugedu kwiange gerule Jesucristo giti Jesucristo ñeange chiske chuiage kaire bitabokedale Chube gerudu Jesucristo giti Jesucristo kledu bedre jogekeda kruge gire, kaire bitamaidale Chube Oña kle kwian ta gbe suge Jesucristo ulia Chube Kirolla. Geru ai gbamai Jesucristo giti kle gerule salengwli Jesucristo kaite nate Jesucristo ulia Chube Kirolla.

Apocalipsis 1:11

Geru e sugedu chage gerule ene: “Ba Juan chada degadale chada giti lle ulita ba kle gwagedi nege kaire lle ulita ba be gwagedi dare ba degadale ulita. Ba chada e kagadale kwian Chubenu kle mo lite Chube geruadi mne gdaguke toinga una gdagukege nga kweri Asiage alin, ba chada kage kwian Chubenu una gdaguke ai kare alin: kwian Chubenu toinga una Efesoge, kwian Chubenu toinga una Esmirnage, kwian Chubenu toinga una Pérgamoge, kwian Chubenu toinga una Tiatirage, kwian Chubenu toinga una Sardige, kwian Chubenu toinga una Filadelfiage, kwian Chubenu toinga una Laodiceage. Kwian Chubenu una e ulita gdaguke alin ba chada degadale lle ulita ba kle gwagedige giti, ba chada dege ba kage kwian Chubenu una emu ulita alin.”

Apocalipsis 1:17

Cha gwagedu kwiandi ene gire cha kendunga cha jo chke dba chru ole ama sera ngena kwian jaba kare, agwa ama mo ko taingwli gbu cha giti gire ama gerudu cha ole ene: “Ba me kennga, cha Jesucristo, cha amaña lle ulita Chugagwalla gwangea ngerutabi kaire cha amaña be chege lle ulita Chugagwalla chui bdaglige diali chui tangle.

Apocalipsis 1:2

Cha Juan chada ai dege cha gwagedudi ulita giti mo gwagwa giti kaire geru Chube gerudu giti cha ole, e ulita giti cha chada dege chada ai giti. Jesucristo cha ta gbu suge geru ulita Chube gerudu cha ole giti geru e ulia.

Apocalipsis 1:8

Chube che Chugagwalla kweri ama kiraske ama ñage age ulita, ama klebi lle ulita gwangeabi, kaire ama kle nege tangle be kle chui diali dale alin, Chube ai amaña kle gerule ene: “Cha Chube cha lle ulita Chugagwalla gwangea ngerutabi, kaire cha lle ulita Chugagwalla nege tangle, kaire cha be chege lle ulita Chugagwalla chui bdaglige diali chui tangle.” Chube kle gerule ene mau giti naskuni.

Apocalipsis 19:13

Kaire ama kledu chage ñometraske ñometra e kledu ulita bere. Ama kledu chage ka na dbe ka e kledu gerule ene: GERU ULIA CHUBENU.

Apocalipsis 2:8

Jesucristo gerudu dare cha ole: “Kaire ba chada dege kwian Chubenu chugagwalla daba mananga Chube geruadi una Esmirnamu alin, ene ama ñage geru ai ulita kete kwian ulita Chubenu una emuge. Ba chada dege kwian alin cha kle gerule ai kare ama ole: ‘Cha amaña lle ulita Chugagwalla gwangea ngerutabi kaire cha amaña be chege lle ulita Chugagwalla chui bdaglige diali chui tangle. Cha jokeda gire cha jaba chkuni gwade, nege cha kle gwade chui tangle diali. Cha amaña kle gerule ba ulita kle mo lite Chube geruadi una Esmirnage ole,

Apocalipsis 21:6

Chube gerudu ene cha ole ulita, bigire ama gerudu dare cha ole ene: “Ulita boidu cha geru gbu kare, cha Chube, cha klebi lle ulita gwangeabi, kaire cha be kle chui diali dale alin. Cha lle ulita Chugagwalla gwangea ngerutabi kaire cha be chege lle ulita Chugagwalla chui bdaglige diali chui tangle. Kwian bai cha gerua gakalin ulia, ama ñage geru gai ulia alin allabi me lle ketadale chage geru e ñanale, gire geru gai ulia giti cha be kwian gbe toi nga suga no ole cha ole chui tangle diali. E salengwli kwian siechie gire cha ñage chi gwagwa no kwian gbagda toi chui tangle kete amage jadale sie ole kare.

Apocalipsis 22:13

Che klebi lle ulita gwangeabi, kaire cha be kle chui diali dale alin. Cha lle ulita Chugagwalla gwangea ngerutabi kaire cha be chege lle ulita Chugagwalla chui bdaglige diali chui tangle. Cha ulia ma kiraske ma kweri lle ulitage.” Jesucristo gerule ene ulita.

Apocalipsis 3:14

Jesucristo gerudu dare cha ole: “Kaire ba chada dege kwian Chubenu chugagwalla daba mananga Chube geruadi una Laodiceamu alin, ene ama ñage geru ai ulita kete kwian ulita Chubenu una emuge. Ba chada dege kwian alin cha kle gerule ai kare ama ole: ‘Cha Jesucristo gerunga diali ulia cha me geru blite gire age nganake, cha diali geru ulia kete kwiange cha Ñenua Chube giti, kaire lle ulita Chube dodadu gwangeabi unsuialin tangle, cha lle e ulita Chugagwalla. Cha amaña kle gerule ba ulita kle mo lite Chube geruadi una Laodiceage ole,